ಬೆಂಗಳೂರು: ಹೊಸ ವರ್ಷ ಆರಂಭವಾಗುತ್ತಿದ್ದಂತೆ ಬಹುತೇಕರು ಜೀವನದಲ್ಲಿ ದೊಡ್ಡ ಬದಲಾವಣೆಗಳ ಬಗ್ಗೆ ನಿರ್ಣಯಗಳನ್ನು (Resolutions) ತೆಗೆದುಕೊಳ್ಳುತ್ತಾರೆ. ಆದರೆ ಆರೋಗ್ಯ ಸುಧಾರಣೆಗೆ ದೊಡ್ಡ ನಿರ್ಧಾರಗಳಿಗಿಂತ ದಿನನಿತ್ಯದ ಸಣ್ಣ ಹವ್ಯಾಸಗಳನ್ನು ಸರಿಪಡಿಸಿಕೊಳ್ಳುವುದೇ ಹೆಚ್ಚು ಪರಿಣಾಮಕಾರಿ ಎಂದು ಪೌಷ್ಟಿಕತಜ್ಞರು ಸಲಹೆ ನೀಡುತ್ತಾರೆ.
ಪ್ರಖ್ಯಾತ ಪೌಷ್ಟಿಕತಜ್ಞೆ ದೀಪ್ಶಿಖಾ ಜೈನ್ ಅವರು 2026ರ ಹೊಸ ವರ್ಷಕ್ಕೆ ಆರೋಗ್ಯಕರ ಜೀವನಶೈಲಿಗಾಗಿ ಅನುಸರಿಸಬಹುದಾದ 10 ಸರಳ ಸೂತ್ರಗಳನ್ನು ಹಂಚಿಕೊಂಡಿದ್ದಾರೆ. ಇವು ದಿನನಿತ್ಯ ಪಾಲಿಸಿದರೆ ದೈಹಿಕ ಮತ್ತು ಮಾನಸಿಕ ಆರೋಗ್ಯದಲ್ಲಿ ಸ್ಪಷ್ಟ ಬದಲಾವಣೆ ಕಾಣಬಹುದು ಎಂದು ಅವರು ಹೇಳಿದ್ದಾರೆ.
ಆರೋಗ್ಯಕರ ಜೀವನಕ್ಕೆ 10 ಸೂತ್ರಗಳು
1.ಫ್ರಿಡ್ಜ್ ಆರೋಗ್ಯಕರವಾಗಿರಲಿ:
ಫ್ರಿಡ್ಜ್ನಲ್ಲಿರುವ ಜಂಕ್ ಫುಡ್ಗಳನ್ನು ಕಡಿಮೆ ಮಾಡಿ. ಹಣ್ಣು, ತರಕಾರಿ ಹಾಗೂ ತಾಜಾ ಆಹಾರಗಳಿಗೆ ಆದ್ಯತೆ ನೀಡಿ. ಸಂಸ್ಕರಿತ ಆಹಾರಕ್ಕಿಂತ ನೈಸರ್ಗಿಕ ಆಹಾರ ಉತ್ತಮ.
2.ಪ್ರತಿದಿನ ಸ್ವಲ್ಪ ಓಟ:
ದಿನಕ್ಕೆ ಕನಿಷ್ಠ 10 ನಿಮಿಷಗಳ ಓಟ ಮೆದುಳನ್ನು ಚುರುಕುಗೊಳಿಸಿ, ಮನಸ್ಥಿತಿಯನ್ನು ಉತ್ತಮಗೊಳಿಸುತ್ತದೆ. ಮಾನಸಿಕ ಸ್ಪಷ್ಟತೆಗೆ ಇದು ಸಹಕಾರಿ.
3.ಹೊಟ್ಟೆಯ ಆರೋಗ್ಯಕ್ಕೆ ಗಮನ:
ಜೀರ್ಣಕ್ರಿಯೆ ಸರಾಗವಾಗಿರಲು ಪ್ರಿಬಯೋಟಿಕ್ ಮತ್ತು ಪ್ರೊಬಯೋಟಿಕ್ ಆಹಾರಗಳು ಅಗತ್ಯ. ಇಡ್ಲಿ, ದೋಸೆ, ಮಜ್ಜಿಗೆ, ಮೊಸರು, ಆಪಲ್ ಮತ್ತು ಸಂಪೂರ್ಣ ಗೋಧಿ ಆಹಾರವನ್ನು ಡಯಟ್ನಲ್ಲಿ ಸೇರಿಸಬೇಕು.
4.ದಿನಚರಿ ಬರೆಯುವ ಹವ್ಯಾಸ:
ದಿನದ ಭಾವನೆಗಳನ್ನು ಬರೆಯುವುದರಿಂದ ಒತ್ತಡ ಕಡಿಮೆಯಾಗುತ್ತದೆ. ಮಾನಸಿಕ ಆರೋಗ್ಯಕ್ಕೆ ಇದು ಉತ್ತಮ ಅಭ್ಯಾಸ.
5.ಬೇಗ ಮಲಗುವ ರೂಢಿ:
ತಡವಾಗಿ ಮಲಗುವುದರಿಂದ ಒತ್ತಡ ಹೆಚ್ಚಾಗುತ್ತದೆ. ಪ್ರತಿದಿನ ಸಮಯಕ್ಕೆ ಮಲಗುವುದರಿಂದ ದೇಹದಲ್ಲಿನ ಕಾರ್ಟಿಸೋಲ್ ಮಟ್ಟ ನಿಯಂತ್ರಣದಲ್ಲಿರುತ್ತದೆ.
6.ದಿನಕ್ಕೆ 10,000 ಹೆಜ್ಜೆಗಳು:
ನಿಯಮಿತವಾಗಿ ನಡೆಯುವುದರಿಂದ ಮಧುಮೇಹ, ರಕ್ತದೊತ್ತಡದಂತಹ ಸಮಸ್ಯೆಗಳು ದೂರವಾಗುತ್ತವೆ. ರೋಗನಿರೋಧಕ ಶಕ್ತಿಯೂ ಹೆಚ್ಚುತ್ತದೆ.
7.ಆರೋಗ್ಯಕರ ಕೊಬ್ಬು ಸೇವನೆ:
ಅಕ್ರೋಟ್, ಚಿಯಾ ಸೀಡ್ಸ್, ಮೊಟ್ಟೆ ಮೊದಲಾದ ಆರೋಗ್ಯಕರ ಕೊಬ್ಬು ಇರುವ ಆಹಾರಗಳನ್ನು ದಿನದ ಆರಂಭದಲ್ಲೇ ಸೇವಿಸುವುದು ಉತ್ತಮ.
8.ಪ್ರೋಟೀನ್ ಸಮೃದ್ಧ ಆಹಾರ:
ಪ್ರತಿ ಊಟದಲ್ಲೂ ಪ್ರೋಟೀನ್ ಅಂಶ ಇರಲಿ. ಇದು ಮಾಂಸಖಂಡಗಳ ಬಲವರ್ಧನೆಗೆ ಮತ್ತು ಅತಿಯಾದ ಹಸಿವನ್ನು ನಿಯಂತ್ರಿಸಲು ಸಹಾಯಕ.
9.ತೂಕ ಎತ್ತುವ ವ್ಯಾಯಾಮ:
ಕೇವಲ ಕಾರ್ಡಿಯೋವಷ್ಟೇ ಅಲ್ಲದೆ, ಸ್ವಲ್ಪ ವೇಟ್ ಟ್ರೈನಿಂಗ್ ಮಾಡಿದರೆ ದೀರ್ಘಕಾಲದ ಆರೋಗ್ಯಕ್ಕೆ ಲಾಭ.
10.ಗುರಿಗಳನ್ನು ಬರೆದಿಡಿ:
ನಿಮ್ಮ ಗುರಿಗಳನ್ನು ಬರೆಯುವ ಅಭ್ಯಾಸ ಬೆಳೆಸಿಕೊಳ್ಳಿ. ಇದು ಗುರಿ ಸಾಧನೆಗೆ ಪ್ರೇರಣೆಯಾಗುತ್ತದೆ.
ಹೊಸ ವರ್ಷದಲ್ಲಿ ಜೀವನಶೈಲಿಯನ್ನು ಸಂಪೂರ್ಣ ಬದಲಾಯಿಸುವ ಬದಲು, ಈ ಸಣ್ಣ ಆದರೆ ಪರಿಣಾಮಕಾರಿ ಹವ್ಯಾಸಗಳನ್ನು ಅಳವಡಿಸಿಕೊಂಡರೆ ಆರೋಗ್ಯಕರ ಬದುಕು ಸಾಧ್ಯವೆಂದು ತಜ್ಞರು ಸಲಹೆ ನೀಡುತ್ತಾರೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.