ಕನ್ನಡ ಕಿರುತೆರೆಯ ಜನಪ್ರಿಯ ನಿರ್ದೇಶಕರಲ್ಲಿ ಓರ್ವರಾದ ರಾಮ್ ಜಿ ವಿರುದ್ಧ ಲೈಂಗಿಕ ಕಿರುಕುಳದ ಗಂಭೀರ ಆರೋಪ ಕೇಳಿಬಂದಿದೆ.
ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ನಲ್ಲಿ ಈ ಕುರಿತಾಗಿ ಖಾತೆಯೊಂದನ್ನು ತೆರೆದಿರುವ ಅನಾಮಧೇಯʼ ವ್ಯಕ್ತಿ ಆ ಖಾತೆಗೆ ʼexposing ks ram ji’ (ಎಕ್ಸ್ಪೋಸಿಂಗ್ ಕೆಎಸ್ ರಾಮ್ ಜಿ) ಎಂದು ಹೆಸರನ್ನಿಟ್ಟುಕೊಂಡು ರಾಮ್ ಜಿ ವಿರುದ್ಧ ನಾಲ್ಕು ವಿಭಿನ್ನ ಪೋಸ್ಟ್ ಮಾಡಿ ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದಾರೆ.
ಈ ಪೋಸ್ಟ್ಗಳಲ್ಲಿ ರಾಮ್ ಜಿ ವಿರುದ್ಧ ತೀರ ಗಂಭೀರ ಆರೋಪಗಳಿದ್ದು, ಧಾರಾವಾಹಿಯಲ್ಲಿ ಅವಕಾಶ ಬೇಕಾದರೆ ನನ್ನ ಜೊತೆ ಬರಬೇಕು, ಮಂಚ ಏರಬೇಕು, ಕರೆದಾಗಲೆಲ್ಲ ಬರಬೇಕು ಎಂದು ಹೇಳುತ್ತಾನೆ ಎಂದು ಬರೆಯಲಾಗಿದೆ. ಅಲ್ಲದೇ ಅವಕಾಶ ಕೇಳಿಕೊಂಡು ಬರುವ ಹುಡುಗಿಯರಿಗೆ ಮಧ್ಯರಾತ್ರಿ ವಿಡಿಯೊ ಕರೆ ಮಾಡಿ ಅಸಭ್ಯವಾಗಿ ವರ್ತಿಸುತ್ತಾನೆ ಎಂದು ಬರೆಯಲಾಗಿದೆ. ಈ ಪೋಸ್ಟ್ಗಳಲ್ಲಿ ರಾಮ್ ಜಿ ಮಾತ್ರವಲ್ಲದೇ ಆತನ ಸಹೋದ್ಯೋಗಿಗಳ ವಿರುದ್ಧವೂ ಸಹ ಲೈಂಗಿಕ ಕಿರುಕುಳದ ಆರೋಪ ಮಾಡಲಾಗಿದೆ.
ಇನ್ನು ಈ ಪೋಸ್ಟ್ಗಳಲ್ಲಿ ರಾಮ್ ಜಿ ಅವರನ್ನು ಇಂಡಸ್ಟ್ರಿಯಿಂದ ಬ್ಯಾನ್ ಮಾಡಿ ಎಂದೂ ಸಹ ಬರೆಯಲಾಗಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.