ತುರ್ತು ಪ್ರಯಾಣಕ್ಕೆ ಸಿಗುವ ‘ತತ್ಕಾಲ್‌ ರೈಲು ಟಿಕೆಟ್’ ವ್ಯವಸ್ಥೆಯ ದುರುಪಯೋಗವನ್ನು ತಡೆಯಲು ಭಾರತೀಯ ರೈಲ್ವೆ ಸಚಿವಾಲಯವು ಪ್ರಮುಖ ಕ್ರಮ ಕೈಗೊಂಡಿದೆ. ಇನ್ನು ಮುಂದೆ, ಕೌಂಟರ್‌ಗಳಲ್ಲಿ ತತ್ಕಾಲ್‌ ಟಿಕೆಟ್ ಬುಕಿಂಗ್ ಮಾಡುವಾಗ ಪ್ರಯಾಣಿಕರ ಮೊಬೈಲ್‌ಗೆ ಬರುವ ಒನ್‌ ಟೈಮ್‌ ಪಾಸ್ವರ್ಡ್ (OTP) ನೀಡುವುದು ಕಡ್ಡಾಯವಾಗಿದೆ.
ಈ ಹೊಸ ನಿಯಮದಿಂದ ನಿಜವಾದ ಪ್ರಯಾಣಿಕರಿಗೆ ಟಿಕೆಟ್ ಸಿಗುವ ಸಾಧ್ಯತೆ ಹೆಚ್ಚಾಗಲಿದ್ದು, ಟಿಕೆಟ್‌ಗಳನ್ನು ಕೃತಕವಾಗಿ ಬ್ಲಾಕ್ ಮಾಡಿ ಮಾರಾಟ ಮಾಡುವ ಮಧ್ಯವರ್ತಿಗಳ (ಏಜೆಂಟರ) ಹಾವಳಿ ಸಂಪೂರ್ಣವಾಗಿ ತಪ್ಪಲಿದೆ ಎಂದು ಸಚಿವಾಲಯ ತಿಳಿಸಿದೆ.ರೈಲ್ವೆ ಸಚಿವಾಲಯವು ಭೌತಿಕ ಕಾಯ್ದಿರಿಸುವಿಕೆ ಕೌಂಟರ್‌ಗಳಲ್ಲಿ ತತ್ಕಾಲ್‌ ಟಿಕೆಟ್ ಕಾಯ್ದಿರಿಸುವ ಪ್ರಯಾಣಿಕರಿಗೆ ಒನ್‌ ಟೈಮ್‌ ಪಾಸ್ವರ್ಡ್ (OTP) ಪರಿಶೀಲನಾ ವ್ಯವಸ್ಥೆಯನ್ನು ಜಾರಿಗೊಳಿಸಲು ಪ್ರಾರಂಭಿಸಿದೆ.
ಹೊಸ ನಿಯಮದ ಪ್ರಮುಖ ಅಂಶಗಳು
ರೈಲು ಟಿಕೆಟ್ ಮುಂಗಡ ಕಾಯ್ದಿರಿಸುವಿಕೆ ಕೌಂಟರ್‌ಗಳಲ್ಲಿ ತತ್ಕಾಲ್‌ ಟಿಕೆಟ್ ಬುಕ್ ಮಾಡುವಾಗ ‘OTP’ (ಒಂದು ಬಾರಿ ಪಾಸ್ವರ್ಡ್) ಕಡ್ಡಾಯ.ಪ್ರಯಾಣಿಕರು ಬುಕಿಂಗ್ ಮಾಡುವಾಗ ನೀಡುವ ಮೊಬೈಲ್ ಸಂಖ್ಯೆಗೆ ಈ OTP ಬರುತ್ತದೆ. ಅದನ್ನು ಕೌಂಟರ್‌ನಲ್ಲಿ ನೀಡಬೇಕು.
ಈ OTP ಆಧಾರಿತ ವ್ಯವಸ್ಥೆಯನ್ನು ಈಗಾಗಲೇ ನವೆಂಬರ್ 17 ರಿಂದ ಆಯ್ದ 52 ರೈಲುಗಳಲ್ಲಿ ಪ್ರಾಯೋಗಿಕವಾಗಿ ಆರಂಭಿಸಿ ಯಶಸ್ವಿಯಾಗಿ ಪರಿಶೀಲಿಸಲಾಗಿದೆ.ಮುಂದಿನ ದಿನಗಳಲ್ಲಿ ಈ ವ್ಯವಸ್ಥೆಯನ್ನು ಇಡೀ ದೇಶದ ಎಲ್ಲಾ ರೈಲು ನಿಲ್ದಾಣಗಳು ಮತ್ತು ಉಳಿದ ರೈಲುಗಳಿಗೂ ಹಂತ ಹಂತವಾಗಿ ವಿಸ್ತರಿಸಲಾಗುವುದು.
ಈ ಮೊದಲು, ಆನ್‌ಲೈನ್ ಮೂಲಕ IRCTC ಆ್ಯಪ್ ಅಥವಾ ವೆಬ್‌ಸೈಟ್‌ನಲ್ಲಿ ತತ್ಕಾಲ್‌ ಟಿಕೆಟ್ ಬುಕ್ ಮಾಡುವಾಗ ಕೂಡ ರೈಲ್ವೆ ಸಚಿವಾಲಯವು ಆಧಾರ್ ದೃಢೀಕರಣವನ್ನು (Aadhaar Verification) ಕಡ್ಡಾಯಗೊಳಿಸಿತ್ತು.
ಟಿಕೆಟ್ ಬುಕಿಂಗ್ ವ್ಯವಸ್ಥೆಯನ್ನು ಇನ್ನಷ್ಟು ಪಾರದರ್ಶಕಗೊಳಿಸಲು ಮತ್ತು ಪ್ರಯಾಣಿಕಸ್ನೇಹಿಯಾಗಿ ಮಾಡಲು ರೈಲ್ವೆ ಇಲಾಖೆ ಈ ರೀತಿಯ ಹಲವು ಸುಧಾರಣಾ ಕ್ರಮಗಳನ್ನು ಜಾರಿಗೆ ತರುತ್ತಿದೆ.ವರದಿಗಳ ಪ್ರಕಾರ, ಈ ವ್ಯವಸ್ಥೆಯನ್ನು ಈಗ 52 ರೈಲುಗಳಿಗೆ ವಿಸ್ತರಿಸಲಾಗಿದೆ.
ದಲ್ಲಾಳಿಗಳ ಹಾವಳಿಗೆ ಕಡಿವಾಣ
ಈ ಕ್ರಮವು ತತ್ಕಾಲ್‌ ಕೋಟಾದ ದುರುಪಯೋಗ ಮಾಡುವ ದಲ್ಲಾಳಿಗಳು ಮತ್ತು ಏಜೆಂಟರ ವಂಚನೆಗಳನ್ನು ತಡೆಗಟ್ಟುವ ಗುರಿಯನ್ನು ಹೊಂದಿದೆ. ಪ್ರತಿಯೊಂದು ಕೌಂಟರ್ ವಹಿವಾಟು ಮೊಬೈಲ್ OTP ಯೊಂದಿಗೆ ಜೋಡಿಸಲ್ಪಟ್ಟಿರುವುದರಿಂದ, ಕೊನೆಯ ನಿಮಿಷದ ಟಿಕೆಟ್‌ಗಳು ಮಧ್ಯವರ್ತಿಗಳಿಗೆ ಹೋಗುವುದನ್ನು ತಪ್ಪಿಸಿ ನಿಜವಾದ ಪ್ರಯಾಣಿಕರಿಗೆ ತಲುಪುತ್ತದೆ ಎಂದು ಅಧಿಕಾರಿಗಳು ನಿರೀಕ್ಷಿಸಿದ್ದಾರೆ.
ಅಜೀರ್ಣ, ಗ್ಯಾಸ್ಟ್ರಿಕ್ ಸಮಸ್ಯೆಗಳೇ? ಈ 4 ಸೂಪರ್ ಮನೆಮದ್ದುಗಳನ್ನು ಟ್ರೈ ಮಾಡಿ, ಹೊಟ್ಟೆ ಆರೋಗ್ಯವಾಗಿರುತ್ತೆ!
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.