ಚೀನಾದಲ್ಲಿ ಎಚ್‌ಎಂಪಿವಿ ಎಂಬ ಹೊಸ ವೈರಸ್‌ ಕಾಣಿಸಿಕೊಂಡಿದ್ದು, ಇದು ಕೊರೊನಾ ವೈರಸ್‌ ಮಾದರಿಯಲ್ಲಿಯೇ ಪ್ರಭಾವ ಬೀರಲಿದೆ ಎಂಬ ಸುದ್ದಿಗಳು ಸಾಕಷ್ಟು ದೊಡ್ಡ ಮಟ್ಟದಲ್ಲಿ ಹರಿದಾಡಿವೆ.
ಚೀನಾದಲ್ಲಿ ಈಗಾಗಲೇ ಹಲವರಲ್ಲಿ ಈ ಎಚ್‌ಎಂಪಿವಿ ಕಾಣಿಸಿಕೊಂಡಿದ್ದು, ಆಸ್ಪತ್ರೆಗಳಲ್ಲಿ ಬೆಡ್‌ಗಾಗಿ ನೂಕು ನುಗ್ಗಲು ಉಂಟಾಗಿದೆ, ಜನರು ಸಾಯುತ್ತಿದ್ದಾರೆ ಎಂದೆಲ್ಲಾ ಸುದ್ದಿಗಳು ಹರಿದಾಡತೊಡಗಿವೆ. ಹೀಗೆ ಎಚ್‌ಎಂಪಿವಿ ಜನರ ಮನಸ್ಸಲ್ಲಿ ಭಯ ಹುಟ್ಟುಹಾಕುತ್ತಿರುವ ಸಮಯದಲ್ಲೇ ಉತ್ತರ ಕರ್ನಾಟಕ ಮೂಲದ ರಾಜು ನಾಯಕ್‌ ಎಂಬುವವರು ಚೀನಾದಿಂದ ವಿಡಿಯೊ ಮಾಡಿ ಅಲ್ಲಿನ ಅಸಲಿಯತ್ತೇನು ಎಂಬುದನ್ನು ಬಿಚ್ಚಿಟ್ಟಿದ್ದಾರೆ.
ಉತ್ತರ ಚೀನಾದ ಡಾಲಿಯನ್‌ ಸಿಟಿಯಲ್ಲಿರುವ ಇವರು ಅಲ್ಲಿಂದಲೇ ವಿಡಿಯೊ ರೆಕಾರ್ಡ್‌ ಮಾಡಿ ನಿಜ ಪರಿಸ್ಥಿತಿ ಹೇಗಿದೆ ಎಂಬುದನ್ನು ತೋರಿಸಿದ್ದಾರೆ. ʼಒಂದು ವಾರದಿಂದ ಚೀನಾದಲ್ಲಿ ಹಂಗಂತೆ, ಹಿಂಗಂತೆ. ಆಸ್ಪತ್ರೆಯಲ್ಲಿ ಬೆಡ್‌ ಇಲ್ಲದೇ ಜನರು ಪರದಾಡುತ್ತಿದ್ದಾರೆ, ಹೆಣಗಳನ್ನು ಹೂಳೋಕೂ ಜಾಗ ಇಲ್ಲವಂತೆ ಎಂದೆಲ್ಲಾ ಸುದ್ದಿಗಳು ಹರಿದಾಡುತ್ತಿವೆ. ಆದರೆ ಇಲ್ಲಿ ನೋಡಿ, ಡಾಲಿಯನ್‌ ಸಿಟಿ ನಾರ್ಮಲ್‌ ಆಗಿದೆ. ಟಿವಿಯಲ್ಲಿ ತೋರಿಸುತ್ತಿರುವ ಹಾಗೇನಿಲ್ಲ. ಜನ ಜೀವನ ಮೊದಲಿನಂತೇ ಇದೆ. ಶಾಪಿಂಗ್‌ ಮಾಲ್‌ ಹಾಗೂ ಇತರೆ ಜಾಗಗಳಲ್ಲಿ ಜನ ಎಂದಿನಂತೆ ಓಡಾಡುತ್ತಿದ್ದಾರೆ. ನೀವು ತೋರಿಸುವಂತಹ ಸಮಸ್ಯೆ ಇಲ್ಲ. ಟಿಆರ್‌ಪಿಗೋಸ್ಕರ ಇಂತಹ ಸುದ್ದಿಗಳನ್ನು ಹರಡಬೇಡಿ. ಅಂತಹದ್ದೇನೂ ಆಗಿಲ್ಲ. ನಾನು 2008ರಿಂದ ಇದ್ದೇನೆ. ಆ ಥರಹ ಏನಾದರೂ ಇದ್ದರೆ ನಿಮಗಿಂತ ಮೊದಲೇ ನಮಗೆ ವಿಷಯ ಗೊತ್ತಾಗುತ್ತೆ. ನಾನೂ ಮಾಸ್ಕ್‌ ಹಾಕಿಲ್ಲ, ಇಲ್ಲಿನ ಜನರೂ ಮಾಸ್ಕ್‌ ಹಾಕಿಲ್ಲ. ಯಾರೂ ಹೆದರಬೇಡಿ, ಹೆದರಿಸಬೇಡಿʼ ಎಂದು ವಿಡಿಯೊದಲ್ಲಿ ಹೇಳಿದ್ದಾರೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.