ಜೋಗಿ ಪ್ರೇಮ್ ನಿರ್ದೇಶನದ ಮುಂದಿನ ಚಿತ್ರ ʼಕೆಡಿʼ ಬಿಡುಗಡೆಯಾಗಿದ್ದು, ಎಲ್ಲಾ ಭಾಷೆಗಳನ್ನೂ ಒಂದೇ ವಿಡಿಯೊದಲ್ಲಿ ಒದಗಿಸುವ ಮೂಲಕ ವಿಭಿನ್ನ ಪ್ರಯತ್ನ ಮಾಡಿದೆ.
ವೀಕ್ಷಕರು ತಮಗೆ ಬೇಕಾದ ಭಾಷೆಯನ್ನು ಸೆಟ್ಟಿಂಗ್ನಲ್ಲಿ ಆಯ್ಕೆ ಮಾಡಿಕೊಳ್ಳಬಹುದಾಗಿದ್ದು, ಕನ್ನಡ, ತಮಿಳು, ಮಲಯಾಳಂ, ತೆಲುಗು ಹಾಗೂ ಹಿಂದಿ ಭಾಷೆಗಳಲ್ಲಿ ಟೀಸರ್ ವೀಕ್ಷಿಸಲು ಲಭ್ಯವಾಗಿದೆ.
ಇನ್ನು ಟೀಸರ್ನಲ್ಲಿ ಚಿತ್ರ 70ರ ದಶಕದಲ್ಲಿ ನಾಯಕ ಹಾಗೂ ಖಳನಾಯಕನ ನಡುವೆ ನಡೆಯುವ ಸೇಡಿನ ಕಾಳಗ ಎಂಬ ಅಂಶವನ್ನು ಕಾಣಬಹುದಾಗಿದೆ. ನಾಯಕ ಹೇಗೆ ಖಳನಾಯಕ ವೈರತ್ವ ಕಟ್ಟಿಕೊಳ್ಳುತ್ತಾನೆ, ಅವರಿಬ್ಬರಿಗೂ ಏನು ಸಂಬಂಧ, ರೌಡಿಸಂಗೆ ಇಳಿದ ನಾಯಕ ನಂತರ ಅದರಲ್ಲಿ ಏನಾಗ್ತಾನೆ ಎಂಬುದು ಚಿತ್ರಕಥೆ ಎಂಬಂತಿದೆ ಟೀಸರ್.
ಇನ್ನು ನಾಯಕನಾಗಿ ಧ್ರುವ ಸರ್ಜಾ ಹಾಗೂ ಖಳನಾಯಕನಾಗಿ ಸಂಜಯ್ ದತ್ ಮಚ್ಚು ಹಿಡಿದು ಅಬ್ಬರಿಸಿದ್ದು, ರವಿಚಂದ್ರನ್ ಹಾಗೂ ರಮೇಶ್ ಅರವಿಂದ್ ಸಹ ಮಾಸ್ ಲುಕ್ನಲ್ಲಿ ಕಾಣಿಸಿಕೊಂಡಿರುವುದು ವಿಶೇಷವಾಗಿದೆ. ನಾಯಕಿಯಾಗಿ ರೀಷ್ಮಾ ನಾಣಯ್ಯ ಮಿಂಚಿದ್ದಾರೆ ಹಾಗೂ ಶಿಲ್ಪಾ ಶೆಟ್ಟಿ ರಾಯಲ್ ಲುಕ್ನಲ್ಲಿ ಗಮನ ಸೆಳೆದಿದ್ದಾರೆ.
ಚಿತ್ರಕ್ಕೆ ಅರ್ಜುನ್ ಜನ್ಯಾ ಹಿನ್ನೆಲೆ ಸಂಗೀತ ನೀಡಿದ್ದು, ಕೆವಿಎನ್ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ತಯಾರಾಗಿದೆ.
ರೇಣುಕಾಸ್ವಾಮಿ ಕೊಲೆ ಪ್ರಕರಣ: ಅರ್ಜಿ ವಿಚಾರಣೆ ಮುಂದೂಡಿದ ನ್ಯಾಯಾಲಯ
ಕೃಷಿ ಎಐ ಕನ್ನಡ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.