“ವಾಟ್ಸಾಪ್ ಡೆಸ್ಕ್‌ಟಾಪ್ ಬಳಕೆದಾರರಿಗೆ ಭದ್ರತಾ ಅಪಾಯ: ಭಾರತ ಸರ್ಕಾರದಿಂದ ಎಚ್ಚರಿಕೆ!”

ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ತಂಡ (CERT-In) ವಿಂಡೋಸ್ ಬಳಸುವ WhatsApp ಡೆಸ್ಕ್‌ಟಾಪ್ ಬಳಕೆದಾರರಿಗೆ ಉನ್ನತ ಮಟ್ಟದ ಭದ್ರತಾ ಎಚ್ಚರಿಕೆಯನ್ನು ನೀಡಿದೆ. ಭದ್ರತಾ ಸಮಸ್ಯೆಯು ಆಕ್ರಮಣಕಾರರಿಗೆ ಉದ್ದೇಶಿತ ವ್ಯವಸ್ಥೆಯ ಮೇಲೆ ಅನಿಯಂತ್ರಿತ ಕೋಡ್ ಅಥವಾ ವಂಚನೆಯ ದಾಳಿಗಳನ್ನು ನಡೆಸಲು ಅವಕಾಶ ನೀಡುತ್ತದೆ ಎಂದು CERT-In ಹೇಳಿದೆ. ಇದು 2.2450.6 ಕ್ಕಿಂತ ಹಿಂದಿನ ವಿಂಡೋಸ್ ಆವೃತ್ತಿಗಳ ಮೇಲೆ ಪರಿಣಾಮ ಬೀರುತ್ತದೆ. ಎಂದು ತಿಳಿಸಲಾಗಿದೆ.ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ ಅಧೀನದಲ್ಲಿರುವ ಸಿಇಆರ್‌ಟಿ-ಇನ್ (CERT-In) ಎಂಬ ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ತಂಡವು ಏಪ್ರಿಲ್ 9ರಂದು ಈ ಎಚ್ಚರಿಕೆಯನ್ನು ಹೊರಡಿಸಿದ್ದು, ತಮ್ಮ ಪಿಸಿಯಲ್ಲಿ ವಾಟ್ಸ್‌ಆ್ಯಪ್ ಡೆಸ್ಕ್‌ಟಾಪ್ ಅಪ್ಲಿಕೇಶನ್ ಬಳಸುತ್ತಿರುವ ಬಳಕೆದಾರರು ತಕ್ಷಣವೇ ಅಪ್ಲಿಕೇಶನ್ ನವೀಕರಿಸಿಕೊಳ್ಳಬೇಕು ಎಂದು ಸೂಚಿಸಿದೆ.

ಈ ಎಚ್ಚರಿಕೆಯಿಂದಾಗಿ, ದೇಶದಲ್ಲಿ 400 ಮಿಲಿಯನ್‌ಗಿಂತ ಹೆಚ್ಚು ಸಕ್ರಿಯ ಬಳಕೆದಾರರನ್ನು ಹೊಂದಿರುವ ಮೆಟಾ ಸಂಸ್ಥೆಯ ನಂಬರ್ ಒನ್ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸ್‌ಆ್ಯಪ್ ಇದೀಗ ವಂಚಕರ ನಿಗಾಹಿತದಲ್ಲಿದೆ. ಸಿಇಆರ್‌ಟಿ-ಇನ್ ನೀಡಿದ ಎಚ್ಚರಿಕೆಯ ಪ್ರಕಾರ, ಈ ಭದ್ರತಾ ದುರ್ಬಲತೆಯ ಪರಿಣಾಮವಾಗಿ ಹ್ಯಾಕರ್‌ಗಳು ಬಳಕೆದಾರರ ಪಿಸಿಯಲ್ಲಿರುವ ಬಿಕ್ಕಟ್ಟಿನ ಬಿಂದುಗಳನ್ನು ದುರುಪಯೋಗಪಡಿಸಿಕೊಳ್ಳಬಹುದು. ಅವರು ವಾಟ್ಸ್‌ಆ್ಯಪ್‌ನಲ್ಲಿ ಪ್ರವೇಶ ಪಡೆಯುವ ಮೂಲಕ ಅನಿಯಂತ್ರಿತ ಕೋಡ್ ಅನ್ನು ಚಾಲನೆ ಮಾಡಿ, ಸಿಸ್ಟಮ್‌ನ್ನು ನುಸುಳಲು ಪ್ರಯತ್ನಿಸಬಹುದು. ಇದರಿಂದ ಬಳಕೆದಾರರು ವೈಯಕ್ತಿಕ ಮಾಹಿತಿಯ ದೋಚಾಟ ಅಥವಾ ಇತರ ಸೈಬರ್ ವಂಚನೆಗಳಿಗೆ ಗುರಿಯಾಗುವ ಸಾಧ್ಯತೆ ಇದೆ ಎಂದು ಸರ್ಕಾರ ಎಚ್ಚರಿಸಿದೆ.ಇದೇ ರೀತಿಯಲ್ಲಿ, ಸರ್ಕಾರ ಆಪಲ್ ಬಳಕೆದಾರರಿಗೆ ಸಹ ಭದ್ರತಾ ಎಚ್ಚರಿಕೆ ನೀಡಿದೆ. ನೀವು iPhone, iPad, Mac, Apple TV ಅಥವಾ Apple Vision Pro ಸೇರಿದಂತೆ ಯಾವುದೇ ಆಪಲ್ ಸಾಧನವನ್ನು ಬಳಸುತ್ತಿದ್ದರೆ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ ಅಧೀನದಲ್ಲಿರುವ ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ತಂಡ (CERT-In) ತೀವ್ರವಾದ ಸುರಕ್ಷತಾ ಎಚ್ಚರಿಕೆಯನ್ನು ಹೊರಡಿಸಿದೆ. ಈ ಸಾಧನಗಳಲ್ಲಿ ಕಂಡುಬಂದಿರುವ ಭದ್ರತಾ ದುರ್ಬಲತೆಗಳನ್ನು ಹ್ಯಾಕರ್‌ಗಳು ದುರುಪಯೋಗಪಡಿಸಿಕೊಳ್ಳುವ ಸಾಧ್ಯತೆ ಇರುವುದರಿಂದ, ತಕ್ಷಣವೇ ನವೀಕರಣ ಮಾಡಲು ಸೂಚನೆ ನೀಡಲಾಗಿದೆ.

ವಾಟ್ಸ್‌ಆ್ಯಪ್ ಸಾರ್ವಜನಿಕರಿಗೆ ವಿವರವಾದ ಭದ್ರತಾ ಸಲಹೆ ನೀಡಿದ್ದು, ಡೆಸ್ಕ್‌ಟಾಪ್ ಆವೃತ್ತಿಯನ್ನು ಬಳಸುವ ಬಳಕೆದಾರರು ತಕ್ಷಣವೇ ಇತ್ತೀಚಿನ ಆವೃತ್ತಿಗೆ ನವೀಕರಿಸಬೇಕೆಂದು ಸೂಚಿಸಿದೆ. ಅದರಂತೆ, ನೀವು ಕೆಳಗಿನ ಹಂತಗಳನ್ನು ಅನುಸರಿಸಿ ನವೀಕರಣ ಮಾಡಬಹುದು:

ನೀವು ಮೈಕ್ರೋಸಾಫ್ಟ್ ಸ್ಟೋರ್‌ನಿಂದ ವಾಟ್ಸ್​ಆ್ಯಪ್ ಅನ್ನು ನವೀಕರಿಸಬಹುದು

ಮೈಕ್ರೋಸಾಫ್ಟ್ ಸ್ಟೋರ್‌ನಲ್ಲಿ ವಾಟ್ಸ್​ಆ್ಯಪ್ ಮೆಸೆಂಜರ್ ಅನ್ನು ಹುಡುಕಿ

ಅಪ್ಡೇಟ್ ಮೇಲೆ ಕ್ಲಿಕ್ ಮಾಡಿ.