₹252 ಕೋಟಿ ಮೌಲ್ಯದ ಮೆಫೆಡ್ರೋನ್ ಮಾದಕ ವಸ್ತು ಕಳ್ಳಸಾಗಣೆ ಪ್ರಕರಣದಲ್ಲಿ ದೊಡ್ಡ ಬೆಳವಣಿಗೆ ಸಂಭವಿಸಿದೆ. ಪ್ರಕರಣದ ಪ್ರಮುಖ ಆರೋಪಿಯೊಬ್ಬನ ವಿಚಾರಣೆ ವೇಳೆ ಹಲವು ಪ್ರಸಿದ್ಧ ಬಾಲಿವುಡ್ ನಟರು ಹಾಗೂ ಸೆಲೆಬ್ರಿಟಿಗಳ ಹೆಸರುಗಳು ಹೊರಬಿದ್ದಿರುವುದಾಗಿ ಮೂಲಗಳು ತಿಳಿಸಿವೆ.
ಪೊಲೀಸರ ರಿಮಾಂಡ್ ಪ್ರತಿಯ ಪ್ರಕಾರ, ಈ ಆರೋಪಿ ಹಲವಾರು ಡ್ರಗ್ಸ್ ಪಾರ್ಟಿಗಳನ್ನು ಆಯೋಜಿಸಿದ್ದನು ಮತ್ತು ಆ ಪಾರ್ಟಿಗಳಿಗೆ ಕೆಲವು ಜನಪ್ರಿಯ ನಟರು ಹಾಗೂ ಚಿತ್ರರಂಗದ ವ್ಯಕ್ತಿಗಳು ಹಾಜರಾಗಿದ್ದರೆಂದು ದಾಖಲಾಗಿದೆ.ಈ ಘಟನೆ ಬಾಲಿವುಡ್ ವಲಯದಲ್ಲಿ ದೊಡ್ಡ ಚರ್ಚೆಗೆ ಕಾರಣವಾಗಿದ್ದು, ಪೊಲೀಸರು ಇದೀಗ ಹೆಚ್ಚಿನ ವಿವರಗಳನ್ನು ಪರಿಶೀಲಿಸುವ ಮತ್ತು ಸಾಕ್ಷ್ಯ ಸಂಗ್ರಹಿಸುವ ಕೆಲಸ ಮಾಡುತ್ತಿದ್ದಾರೆ.
ಅಕ್ಟೋಬರ್‌ನಲ್ಲಿ ದುಬೈನಿಂದ ಕರೆತರಲಾಗಿ, ₹252 ಕೋಟಿ ಮೌಲ್ಯದ ಸಾಂಗ್ಲಿ ಮೆಫೆಡ್ರೋನ್ ವಶಪಡಿಸಿಕೊಂಡ ಪ್ರಕರಣದಲ್ಲಿ ಬಂಧಿತನಾಗಿರುವ ಮೊಹಮ್ಮದ್ ಸಲೀಂ ಮೊಹಮ್ಮದ್ ಸುಹೇಲ್ ಶೇಖ್ ವಿಚಾರಣೆ ವೇಳೆ ಈ ಹೆಸರುಗಳನ್ನು ಬಹಿರಂಗಪಡಿಸಿದ್ದಾನೆ.
ಆತ ಹಲವು ಪ್ರಮುಖ ಬಾಲಿವುಡ್ ನಟರು, ನಿರ್ಮಾಪಕರು, ರಾಪರ್‌ಗಳು ಮತ್ತು ಒಬ್ಬ ಪ್ರಮುಖ ಮಾಜಿ ಶಾಸಕರಿಗೆ ಮಾದಕ ವಸ್ತುಗಳನ್ನು ಪೂರೈಸುತ್ತಿದ್ದ ಮತ್ತು ಅವರ ಭಾಗವಹಿಸುವಿಕೆಗೆ ಡ್ರಗ್ಸ್ ಪಾರ್ಟಿಗಳನ್ನು ಆಯೋಜಿಸುತ್ತಿದ್ದ ಎಂದು ಮಾದಕ ವಸ್ತು ನಿಗ್ರಹ ದಳ (ANC) ತಿಳಿಸಿದೆ.
ರಿಮಾಂಡ್ ಪ್ರತಿಯಲ್ಲಿರುವ ಪ್ರಮುಖ ಹೆಸರುಗಳು:
ನಟಿ ಶ್ರದ್ಧಾ ಕಪೂರ್ (Shraddha Kapoor),ಅವರ ಸಹೋದರ ಸಿದ್ದಾಂತ್ ಕಪೂರ್ (Siddhanth Kapoor),ನಟಿ ಮತ್ತು ಡ್ಯಾನ್ಸರ್ ನೋರಾ ಫತೇಹಿ (Nora Fatehi),ಕಾಂಗ್ರೆಸ್ ಹಿರಿಯ ನಾಯಕ ಬಾಬಾ ಸಿದ್ದೀಕ್ ಅವರ ಪುತ್ರ, ರಾಜಕಾರಣಿ ಜೀಶಾನ್ ಸಿದ್ದೀಕಿ ,ದಿವಂಗತ ಹಸೀನಾ ಪಾರ್ಕರ್ ಅವರ ಪುತ್ರ ಆಲಿಷಾ ಪಾರ್ಕರ್ ,ನಿರ್ಮಾಪಕ ಅಬ್ಬಾಸ್ ಮಸ್ತಾನ್ ,ರಾಪ್ಪರ್ ಲೋಕಾ
ಪ್ರಕರಣದ ಪ್ರಮುಖ ಅಂಶಗಳು
1.ಪ್ರಕರಣದ ಪ್ರಮುಖ ಆರೋಪಿ 31 ವರ್ಷದ ಶೇಖ್ ಡಾಂಗ್ರಿ ಮೂಲದವನಾಗಿದ್ದು, ಡ್ರಗ್ಸ್ ಜಗತ್ತಿನ ಭೂಗತ ಡಾನ್ ಸಲೀಂ ಡೋಲಾ ಮತ್ತು ದಾವೂದ್ ಇಬ್ರಾಹಿಂ ಸಿಂಡಿಕೇಟ್‌ಗೆ ಸಂಪರ್ಕ ಹೊಂದಿದ್ದಾನೆ ಎನ್ನಲಾಗಿದೆ.
2.ಪೊಲೀಸರ ರಿಮಾಂಡ್ ಪ್ರತಿಯ ಪ್ರಕಾರ, ಆರೋಪಿ ಭಾರತದಲ್ಲಿ ಮಾತ್ರವಲ್ಲದೆ ದುಬೈ ಹಾಗೂ ಥಾಯ್ಲೆಂಡ್‌ನಂತಹ ವಿದೇಶಗಳಲ್ಲಿ ಐಷಾರಾಮಿ ಪಾರ್ಟಿಗಳನ್ನು ಆಯೋಜಿಸುತ್ತಿದ್ದ. ಈ ಪಾರ್ಟಿಗಳಿಗೆ ಡ್ರಗ್ಸ್ ಮಾರಾಟದಿಂದ ಬಂದ ಹಣವನ್ನು ಬಳಸಲಾಗುತ್ತಿತ್ತು ಮತ್ತು ಅವು ಡ್ರಗ್ಸ್ ವಿತರಣೆಯ ಕೇಂದ್ರಗಳಾಗಿ ಕಾರ್ಯನಿರ್ವಹಿಸುತ್ತಿದ್ದವು.
3.ಈ ಪ್ರಕರಣವನ್ನು ಮುಂಬೈ ಕ್ರೈಂ ಬ್ರಾಂಚ್ ಮತ್ತು ಜಾರಿ ನಿರ್ದೇಶನಾಲಯ (ED) ಜಂಟಿಯಾಗಿ ತನಿಖೆ ನಡೆಸುತ್ತಿವೆ. ಡ್ರಗ್ಸ್ ವ್ಯವಹಾರದಿಂದ ಬಂದ ಹಣವನ್ನು ಹವಾಲಾ ಹಾಗೂ ರಿಯಲ್ ಎಸ್ಟೇಟ್ ಮೂಲಕ ಬಿಳಿ(Whitemoney) ಹಣವಾಗಿ ಪರಿವರ್ತಿಸಲಾಗಿದೆ ಎಂಬ ಶಂಕೆಯನ್ನು ಇಡಿ ವ್ಯಕ್ತಪಡಿಸಿದೆ.
4.ಉನ್ನತ ಮಟ್ಟದ ಹಲವು ವ್ಯಕ್ತಿಗಳಿಗೆ ಶೀಘ್ರದಲ್ಲೇ ಸಮನ್ಸ್ ಕಳುಹಿಸಿ ವಿವರವಾದ ವಿಚಾರಣೆ ನಡೆಸಲಾಗುವುದು ಎಂದು ಕ್ರೈಂ ಬ್ರಾಂಚ್ ಅಧಿಕಾರಿಗಳು ತಿಳಿಸಿದ್ದಾರೆ.
5.ತಹೀರ್ ಆಯೋಜಿಸಿದ್ದ ಡ್ರಗ್ಸ್ ಪಾರ್ಟಿಗಳು ಮುಂಬೈ, ಗೋವಾ ಮಾತ್ರವಲ್ಲದೆ ದುಬೈ ಮತ್ತು ಥಾಯ್ಲೆಂಡ್‌ನಲ್ಲೂ ನಡೆದಿರುವುದು ತನಿಖೆಯಲ್ಲಿ ಬಹಿರಂಗವಾಗಿದೆ.
Google Maps ಮೂಲಕ ರಿಯಲ್-ಟೈಮ್ ಗಾಳಿಯ ಗುಣಮಟ್ಟ ಪರಿಶೀಲಿಸುವುದು ಹೇಗೆ?
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.