ಬೆಂಗಳೂರು: ಬಾಲಸಂತ, ಧಾರ್ಮಿಕ ಆಧ್ಯಾತ್ಮಿಕ ಪ್ರಭಾವಿ ಎಂದು ಗುರುತಿಸಿಕೊಂಡಿರುವ ಬಾಲಕ ಅಭಿನವ್ ಅರೋರಾ ತನ್ನ ಹತ್ತನೇ ವಯಸ್ಸಿಗೆ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಮಟ್ಟದಲ್ಲಿ ವೈರಲ್ ಆಗಿಬಿಟ್ಟಿದ್ದಾನೆ.
ಹಿಂದೂ ಧರ್ಮದ ಕುರಿತ ವಿಷಯಗಳನ್ನು ವಿಡಿಯೊ ಮೂಲಕ ಜನರಿಗೆ ತಲುಪಿಸುವ ಕೆಲಸ ಮಾಡುವ ಅಭಿನವ್ ಅರೋರಾಗೆ ಭಕ್ತರ ಅಭಿಮಾನಿ ಬಳಗವೇ ಇದೆ. ಆರಂಭದಲ್ಲಿ ದೊಡ್ಡ ಮಟ್ಟದ ಸಂಚಲನ ಹುಟ್ಟುಹಾಕಿದ ಅಭಿನವ್ ಅರೋರಾ ನಂತರದ ದಿನಗಳಲ್ಲಿ ಕೆಲ ವಿವಾದಗಳನ್ನೂ ಸಹ ಎದುರಿಸಬೇಕಾಯಿತು.
ಆತನ ಪೋಷಕರು ತಮ್ಮ ಮಗನನ್ನು ಹಣಕ್ಕಾಗಿ ಈ ರೀತಿ ಬಳಸಿಕೊಳ್ಳುತ್ತಿದ್ದಾರೆ ಎಂಬ ಆಪಾದನೆಗಳೂ ಸಹ ಕೇಳಿಬಂದಿದ್ದವು. ಇದೀಗ ಮತ್ತೊಂದು ವಿವಾದಾತ್ಮಕ ವಿಚಾರದಲ್ಲಿ ಅಭಿನವ್ ಅರೋರಾ ಹೆಸರು ಕೇಳಿಬರುತ್ತಿದೆ. ಇತ್ತೀಚೆಗೆ ಆತ ಪ್ರಯಾಗ್ರಾಜ್ನಲ್ಲಿ ನಡೆಯುತ್ತಿರುವ ಮಹಾಕುಂಭ ಮೇಳಕ್ಕೆ ತೆರಳಿದ್ದಾಗ ತೆಗೆದುಕೊಂಡು ಹೋಗಿದ್ದ ಬ್ಯಾಗ್ ಕಂಡು ನೆಟ್ಟಿಗರು ಟೀಕೆ ಆರಂಭಿಸಿದ್ದಾರೆ.
ವಿಡಿಯೊವೊಂದರಲ್ಲಿ ಅಭಿನವ್ ಅರೋರಾ ಬ್ಯಾಗ್ ಹಿಡಿದಿದ್ದು, ಅದು ಲಾರ್ಜ್ ಡಿಯೊರ್ ಬ್ರಾಂಡ್ನದ್ದಾಗಿದೆ. ಇನ್ನು ಈ ಬ್ಯಾಗ್ ಬೆಲೆ ಬರೋಬ್ಬರಿ 3,10,000 ರೂಪಾಯಿ ಹಾಗೂ ಈ ಬ್ಯಾಗ್ ಅನ್ನು ಕಪ್ಪು ಹಸುವಿನ ಚರ್ಮ ಬಳಸಿ ತಯಾರಿಸಲಾಗಿರುತ್ತದೆ, ಇಂತಹ ಬ್ಯಾಗ್ ಅನ್ನು ಮಹಾಕುಂಭ ಮೇಳಕ್ಕೆ ತೆಗೆದುಕೊಂಡು ಹೋಗಿದ್ದಾನೆ, ಇಂತಹ ಭಕ್ತನನ್ನು ನಾನು ನನ್ನ ಜೀವನದಲ್ಲೇ ಕಂಡಿಲ್ಲ ಎಂದು ನೆಟ್ಟಿಗರೊಬ್ಬರು ಎಕ್ಸ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ. ಈ ವಿಷಯಕ್ಕಾಗಿ ಅಭಿನವ್ ಅರೋರಾ ಸದ್ಯ ಇನ್ನೂ ಹಲವಾರು ಪೋಸ್ಟ್ಗಳಲ್ಲಿ ಟ್ರೋಲ್ಗೊಳಗಾಗಿದ್ದಾನೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.