ಬಿಗ್‌ಬಾಸ್‌ ಸೀಸನ್‌ 11 ಮುಕ್ತಾಯದ ಹಂತಕ್ಕೆ ಬಂದು ತಲುಪಿದ್ದು, ಫಿನಾಲೆ ವಾರಕ್ಕೆ ತಲುಪಿದ್ದ ಭವ್ಯಾ ಗೌಡ ನಿನ್ನೆ (ಜನವರಿ 25) ಎಲಿಮಿನೇಟ್‌ ಆಗಿದ್ದಾರೆ. ಈ ಮೂಲಕ ಭವ್ಯಾ ಗೌಡ ಆರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ.
ನಿನ್ನೆಯ ಸಂಚಿಕೆ ಆರಂಭದಲ್ಲಿ ತಾನು ಎಲಿಮಿನೇಟ್‌ ಆಗುವುದಿಲ್ಲ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದ ಭವ್ಯಾ ಗೌಡ ಮನೆಯಲ್ಲಿರುವ ಆರು ಸ್ಪರ್ಧಿಗಳ ಪೈಕಿ ಕಡಿಮೆ ವೋಟ್‌ ಪಡೆದುಕೊಂಡ ಕಾರಣ ಎಲಿಮಿನೇಷನ್‌ಗೆ ಒಳಗಾಗಿದ್ದಾರೆ.
64 ಲಕ್ಷದ 48 ಸಾವಿರದ 853 ಮತಗಳನ್ನು ಪಡೆದುಕೊಂಡ ಭವ್ಯಾ ಗೌಡ ಗ್ರಾಂಡ್‌ ಫಿನಾಲೆ ತಲುಪುವಲ್ಲಿ ವಿಫಲರಾಗಿ ಮನೆಯಿಂದ ಹೊರನಡೆದಿದ್ದಾರೆ. ಇನ್ನು ವರದಿಗಳ ಪ್ರಕಾರ ಭವ್ಯಾ ಗೌಡ ಅವರಿಗೆ ಬಿಗ್‌ಬಾಸ್‌ ಮನೆಯಲ್ಲಿ ವಾರಕ್ಕೆ 40 ಸಾವಿರ ಸಂಭಾವನೆ ನೀಡಲಾಗುತ್ತಿತ್ತು ಎನ್ನಲಾಗಿದ್ದು, ಈ ಮೂಲಕ ಭವ್ಯಾ ಗೌಡ 17 ವಾರಕ್ಕೆ 6 ಲಕ್ಷದ 80 ಸಾವಿರ ಸಂಭಾವನೆ ಪಡೆದಂತಾಗಿದೆ.
ಇದಷ್ಟೇ ಅಲ್ಲದೇ ಬಿಗ್‌ಬಾಸ್‌ ಪ್ರಾಯೋಜಕರಾದ ಶ್ರೀ ಕೃಷ್ಣ ತುಪ್ಪ ಕಡೆಯಿಂದ 2 ಲಕ್ಷ, ಸುದರ್ಶನ್‌ ಸಿಲ್ಕ್ಸ್‌ ಕಡೆಯಿಂದ 1 ಲಕ್ಷ ಹಾಗೂ ಎಕೋ ಪ್ಲಾನೆಟ್‌ ಕಡೆಯಿಂದ 50 ಸಾವಿರ ನಗದು ಬಹುಮಾನ ಸಹ ಭವ್ಯಾಗೆ ದೊರೆತಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.