ಭಾರತೀಯ ಐಟಿ ದಿಗ್ಗಜ ಇನ್ಫೋಸಿಸ್ (Infosys) ಇದೀಗ ಫ್ರೆಶರ್ಸ್ಗಳಿಗೆ ಬಂಪರ್ ಸುದ್ದಿಯೊಂದನ್ನು ನೀಡಿದೆ. ವಿಶ್ವದ ಅತಿದೊಡ್ಡ ಐಟಿ ಸೇವಾ ಕಂಪನಿಗಳಲ್ಲಿ ಒಂದಾಗಿರುವ ಇನ್ಫೋಸಿಸ್, ಹೊಸ ಪ್ರತಿಭೆಗಳನ್ನು ಸೆಳೆಯಲು ತನ್ನ ನೇಮಕಾತಿ ನೀತಿಯನ್ನು ಆಮೂಲಾಗ್ರವಾಗಿ ಬದಲಿಸಿದೆ. ಇದರ ಭಾಗವಾಗಿ, ವಿಶೇಷ ತಂತ್ರಜ್ಞಾನ ವಿಭಾಗಗಳಲ್ಲಿ (Specialized technology roles) ನೇಮಕವಾಗುವ ಹೊಸಬರಿಗೆ ವಾರ್ಷಿಕ ಗರಿಷ್ಠ ₹21 ಲಕ್ಷದವರೆಗೆ ವೇತನ ನೀಡಲು ನಿರ್ಧರಿಸಿದೆ.
ಸಾಮಾನ್ಯವಾಗಿ ಎಂಟ್ರಿ ಲೆವೆಲ್ನಲ್ಲಿ ಅಷ್ಟೇನೂ ದೊಡ್ಡ ಮೊತ್ತದ ಸಂಬಳ ನೀಡದ ಇನ್ಫೋಸಿಸ್, ಈಗ ಈ ಭಾರಿ ವೇತನ ಏರಿಕೆಯ ಮೂಲಕ ಐಟಿ ಕ್ಷೇತ್ರದಲ್ಲಿ ಹೊಸ ಸಂಚಲನ ಮೂಡಿಸಿದ್ದು, ಉದ್ಯೋಗ ಮಾರುಕಟ್ಟೆಯಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸಿದೆ.
ಏನಿದು ಹೊಸ ಪ್ಲ್ಯಾನ್?ಇದುವರೆಗೆ ಕೇವಲ ಕಾಲೇಜು ಕ್ಯಾಂಪಸ್ಗಳಿಗೆ ಹೋಗಿ ನೇಮಕಾತಿ ಮಾಡುತ್ತಿದ್ದ ಇನ್ಫೋಸಿಸ್, ಈಗ ‘ಆಫ್-ಕ್ಯಾಂಪಸ್’ (Off-Campus) ಅಥವಾ ನೇರ ನೇಮಕಾತಿಗೆ ಸಜ್ಜಾಗಿದೆ. ವಿಶೇಷವಾಗಿ ಆರ್ಟಿಫಿಷಿಯಲ್ ಇಂಟಲಿಜೆನ್ಸ್ (AI), ಡೇಟಾ ಸೈನ್ಸ್ ಮತ್ತು ಡಿಜಿಟಲ್ ಎಂಜಿನಿಯರಿಂಗ್ನಂತಹ ಹೈ-ಟೆಕ್ ವಿಭಾಗಗಳಲ್ಲಿ ಪ್ರತಿಭಾವಂತರನ್ನು ಸೆಳೆಯಲು ಇನ್ಫೋಸಿಸ್ ಈ ಮಾಸ್ಟರ್ ಪ್ಲ್ಯಾನ್ ಮಾಡಿದೆ.
ಹುದ್ದೆ ಮತ್ತು ಸಂಬಳದ ವಿವರ (ವಾರ್ಷಿಕ ಪ್ಯಾಕೇಜ್):
ಹೊಸ ನೇಮಕಾತಿಯಲ್ಲಿ ಕೇವಲ ₹3-4 ಲಕ್ಷಕ್ಕೆ ಫ್ರೆಶರ್ಸ್ಗಳನ್ನು ದುಡಿಸಿಕೊಳ್ಳುವ ಕಾಲ ಮುಗಿದಂತೆ ಕಾಣುತ್ತಿದೆ. ಇನ್ಫೋಸಿಸ್ ನೀಡುತ್ತಿರುವ ಆಫರ್ ಹೀಗಿದೆ:
ಹುದ್ದೆಯ ಹೆಸರುವಾರ್ಷಿಕ ವೇತನ
(CTC)ಸ್ಪೆಷಲಿಸ್ಟ್ ಪ್ರೋಗ್ರಾಮರ್ (L3 ಟ್ರೈನಿ)₹21 ಲಕ್ಷ
ಸ್ಪೆಷಲಿಸ್ಟ್ ಪ್ರೋಗ್ರಾಮರ್ (L2 ಟ್ರೈನಿ)₹16 ಲಕ್ಷಸ್ಪೆಷಲಿಸ್ಟ್ ಪ್ರೋಗ್ರಾಮರ್ (L1 ಟ್ರೈನಿ)₹11 ಲಕ್ಷ
ಡಿಜಿಟಲ್ ಸ್ಪೆಷಲಿಸ್ಟ್ ಎಂಜಿನಿಯರ್ (ಟ್ರೈನಿ)₹7 ಲಕ್ಷ
ಐಟಿ ವಲಯದಲ್ಲಿ ಕಳೆದ 10 ವರ್ಷಗಳಿಂದ ಹೊಸಬರ ಸಂಬಳ ಕೇವಲ ಶೇ. 45ರಷ್ಟು ಮಾತ್ರ ಏರಿಕೆಯಾಗಿತ್ತು (2012ರಲ್ಲಿ ₹2.45 ಲಕ್ಷ ಇದ್ದಿದ್ದು 2022ಕ್ಕೆ ₹3.55 ಲಕ್ಷ ಮಾತ್ರವಾಗಿತ್ತು). ಆದರೆ ಸಿಇಒಗಳ ಸಂಬಳ ಮಾತ್ರ ಹತ್ತು ಪಟ್ಟು ಹೆಚ್ಚಾಗಿತ್ತು. ಈ ಅಸಮಾನತೆಯನ್ನು ಹೋಗಲಾಡಿಸಲು ಮತ್ತು ಗೂಗಲ್, ಮೆಟಾದಂತಹ ಜಾಗತಿಕ ಕಂಪನಿಗಳಿಗೆ ಸ್ಪರ್ಧೆ ನೀಡಲು ಇನ್ಫೋಸಿಸ್ ಈ ನಿರ್ಧಾರ ತಳೆದಿದೆ.
ಯಾರಿಗೆ ಸಿಗಲಿದೆ ಈ ಅವಕಾಶ?
ಶೈಕ್ಷಣಿಕ ಅರ್ಹತೆ: BE, B.Tech, ME, M.Tech, MCA, MSc (Computer Science).
ವಿಭಾಗಗಳು: ಐಟಿ, ಎಲೆಕ್ಟ್ರಾನಿಕ್ಸ್, ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ ಪದವೀಧರರು.
ನೇಮಕಾತಿ ಗುರಿ: ಈ ಹಣಕಾಸು ವರ್ಷದಲ್ಲಿ (2025-26) ಇನ್ಫೋಸಿಸ್ ಒಟ್ಟು 20,000 ಫ್ರೆಶರ್ಸ್ ಅನ್ನು ನೇಮಕ ಮಾಡಿಕೊಳ್ಳುವ ಗುರಿ ಹೊಂದಿದೆ. ಈಗಾಗಲೇ 12,000 ಮಂದಿ ಆಯ್ಕೆಯಾಗಿದ್ದು, ಮಾರ್ಚ್ 31ರೊಳಗೆ ಇನ್ನೂ 8,000 ಮಂದಿಗೆ ಅವಕಾಶ ಸಿಗಲಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.