ಹೆತ್ತ ತಾಯಿ ದೇವರಿಗೆ ಸಮ ಎಂಬ ಮಾತಿದೆ. ಆದರೆ ದುಡ್ಡೇ ದೊಡ್ಡಪ್ಪ, ದುಡ್ಡೇ ಗಾಡು ಎನ್ನುವ ಜನರಿಗೆ ಸಂಬಂಧಗಳ ಮಹತ್ವ ಮುಖ್ಯವಾಗುವುದಿಲ್ಲ ಎನ್ನುವುದಕ್ಕೆ ತನ್ನದೇ ಕುಟುಂಬ ಸದಸ್ಯರನ್ನು ದುಡ್ಡಿಗಾಗಿ ಹತ್ಯೆ ಮಾಡಿರುವ ಹಲವು ಘಟನೆಗಳೇ ಸಾಕ್ಷಿ.
ಇಲ್ಲೋರ್ವ ದುಡ್ಡಿಗಾಗಿ ತನ್ನ ತಾಯಿಯ ಸಾವನ್ನೇ ಮುಚ್ಚಿಟ್ಟು ಬರೋಬ್ಬರಿ 3 ವರ್ಷ ಜೀವನ ಸಾಗಿಸಿದ್ದು, ಆಕೆಯ ಸಾವಿಗೆ ಕಾರಣವೇನೆಂಬುದು ಮರಣೋತ್ತರ ಪರೀಕ್ಷೆಯಲ್ಲಿ ಹೊರಬರಬೇಕಿದೆ.
ಹೌದು, ಉತ್ತರ ಇಟಲಿಯ ಮಂಟುವಾ ಬಳಿಯ ಬೊರ್ಗೊ ವರ್ಜಿಲಿಯೊದ 56 ವರ್ಷ ವಯಸ್ಸಿನ ನಿವಾಸಿಯೋರ್ವ ತನ್ನ 85 ವರ್ಷ ವಯಸ್ಸಿನ ತಾಯಿಯ ವೇಷ ಧರಿಸಿ ಪಿಂಚಣಿ ಹಣ ಪಡೆಯುತ್ತಿದ್ದ ಘಟನೆ ಬೆಳಕಿಗೆ ಬಂದಿದೆ.
2022ರಲ್ಲಿಯೇ ಮೃತಪಟ್ಟ ತನ್ನ ತಾಯಿಯ ಶವವನ್ನು ಮನೆಯ ಲಾಂಡ್ರಿ ಕೋಣೆಯಲ್ಲಿಟ್ಟುಕೊಂಡು ವಿಷಯವನ್ನು ಯಾರಿಗೂ ತಿಳಿಸದೇ ಪಿಂಚಣಿ ಹಣವನ್ನು ಪಡೆದುಕೊಂಡಿದ್ದಾನೆ. ಆದರೆ ಇತ್ತೀಚೆಗೆ ಆಕೆಯ ಗುರುತಿನ ಚೀಟಿಯ ಅವಧಿ ಮೀರಿದ ಕಾರಣ ಮತ್ತೆ ಗುರುತಿನ ಚೀಟಿ ಸಕ್ರಿಯಗೊಳಿಸಲು ಆತ ತನ್ನ ತಾಯಿಯ ಹಾಗೆ ವೇಷ ಧರಿಸಿ ಕಚೇರಿಗೆ ತೆರಳಿದ್ದಾನೆ.
ತನ್ನ ತಾಯಿಗೆ ಹೋಲುವ ವಿಗ್ ಧರಿಸಿದ್ದ ಈತ ತಾಯಿಯ ಹಾಗೆ ಉಗುರುಗಳಿಗೆ ಬಣ್ಣ, ಲಿಪ್ಸ್ಟಿಕ್ ಹಚ್ಚಿಕೊಂಡು ತೆರಳಿದ್ದ. ಆದರೆ ಸಿಬ್ಬಂದಿಯೊಬ್ಬರಿಗೆ ಅನುಮಾನ ಹುಟ್ಟಿ ಮೇಲಧಿಕಾರಿಗಳಿಗೆ ತಿಳಿಸಿದಾಗ ಕೃತ್ಯ ಬೆಳಕಿಗೆ ಬಂದಿದೆ. ವ್ಯಕ್ತಿಯ ಕುತ್ತಿಗೆ ಭಾಗ ಅನುಮಾನ ಹುಟ್ಟಿಸಿದ್ದು, ಆತನ ಚರ್ಮ 85 ವರ್ಷದ ಮಹಿಳೆಯ ಹಾಗೆ ಇಲ್ಲದ ಕಾರಣ ಅನುಮಾನಗೊಂಡು ಪರಿಶೀಲಿಸಿದಾಗ ಸತ್ಯಾಂಶ ಬೆಳಕಿಗೆ ಬಂದಿದೆ ಹಾಗೂ ಮನೆಗೆ ಹೋಗಿ ಪರಿಶೀಲನೆ ನಡೆಸಿದಾ ಲಾಂಡ್ರಿ ಕೋಣೆಯಲ್ಲಿ ತಾಯಿಯ ಶವವನ್ನು ಬಚ್ಚಿಟ್ಟಿದ್ದು ಕಂಡುಬಂದಿದೆ.
ಬೆಂಗಳೂರು: ಅಕ್ರಮ ಸಂಬಂಧ ಪ್ರಶ್ನಿಸಿದ್ದಕ್ಕೆ ಚಪ್ಪಲಿಯಲ್ಲಿ ಹೊಡೆದ ಪತ್ನಿ; ಮನನೊಂದು ಆತ್ಮಹತ್ಯೆಗೆ ಶರಣಾದ ಪತಿ!
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.