ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ಸದಸ್ಯರು ತಮ್ಮ ಪಿಎಫ್ ಖಾತೆಗೆ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ಲಿಂಕ್ ಮಾಡುವುದು ಬಹಳ ಮುಖ್ಯ. ಇದರಿಂದ ನಿಮ್ಮ ಪಿಎಫ್ ಖಾತೆಯ ಎಲ್ಲಾ ಚಟುವಟಿಕೆಗಳ ಬಗ್ಗೆ SMS ಮೂಲಕ ಅಪ್‌ಡೇಟ್‌ಗಳು ಲಭ್ಯವಾಗುತ್ತವೆ. ಜೊತೆಗೆ, ಮೊಬೈಲ್ ಸಂಖ್ಯೆ ಲಿಂಕ್ ಆಗಿದ್ದರೆ, ನೀವು ಕೇವಲ ಮಿಸ್ಡ್ ಕಾಲ್ ನೀಡುವ ಮೂಲಕವೂ ಖಾತೆಯ ಬ್ಯಾಲೆನ್ಸ್ ಪರಿಶೀಲಿಸಬಹುದು.
ಒಂದೊಮ್ಮೆ ನಿಮ್ಮ ಹಳೆಯ ಮೊಬೈಲ್ ಸಂಖ್ಯೆ ನಿಷ್ಕ್ರಿಯಗೊಂಡಿದ್ದರೆ ಅಥವಾ ಬದಲಾಗಿದ್ದರೆ, ಅದನ್ನು ನಿಮ್ಮ ಪಿಎಫ್ ಖಾತೆಗೆ ನವೀಕರಿಸುವ ಸುಲಭ ವಿಧಾನ ಇಲ್ಲಿದೆ:
ಪಿಎಫ್ ಖಾತೆಗೆ ಮೊಬೈಲ್ ಸಂಖ್ಯೆ ಲಿಂಕ್/ನವೀಕರಿಸುವ ಹಂತಗಳು
ಈ ಹಂತಗಳನ್ನು ಅನುಸರಿಸಿ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಸುಲಭವಾಗಿ ನವೀಕರಿಸಬಹುದು:
ಇಪಿಎಫ್‌ಒ ವೆಬ್‌ಸೈಟ್‌ಗೆ ಭೇಟಿ,ಮೊದಲಿಗೆ, EPFO ನ ಅಧಿಕೃತ ವೆಬ್‌ಸೈಟ್ https://unifiedportal.epfo.gov.in ಗೆ ಭೇಟಿ ನೀಡಿ.
ಲಾಗಿನ್ ಮಾಡಿ,ನಿಮ್ಮ ಯುಎಎನ್ (UAN) ಸಂಖ್ಯೆ ಮತ್ತು ಪಾಸ್‌ವರ್ಡ್ ಅನ್ನು ನಮೂದಿಸಿ.ನಂತರ, ‘ಸೈನ್ ಇನ್’ ಮೇಲೆ ಕ್ಲಿಕ್ ಮಾಡಿ.
ಖಾತೆಗೆ ಪ್ರವೇಶ,ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಬರುವ ಒಟಿಪಿ (OTP) ಅನ್ನು ನಮೂದಿಸಿ ಮತ್ತು ನಿಮ್ಮ ಖಾತೆಗೆ ಲಾಗಿನ್ ಆಗಿ.
ಸಂಪರ್ಕ ವಿವರಗಳ ಆಯ್ಕೆ,ಲಾಗಿನ್ ಆದ ನಂತರ, ನೀವು ವಿವಿಧ ವಿಭಾಗಗಳನ್ನು ನೋಡುತ್ತೀರಿ. ಇಲ್ಲಿ ‘ಮ್ಯಾನೇಜ್’ (Manage) ವಿಭಾಗದ ಅಡಿಯಲ್ಲಿರುವ ‘ಸಂಪರ್ಕ ವಿವರಗಳು’ (Contact Details) ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಮೊಬೈಲ್ ಸಂಖ್ಯೆ ಬದಲಾವಣೆ,ನಂತರ, “ಮೊಬೈಲ್ ಸಂಖ್ಯೆ ಬದಲಾಯಿಸಿ” (Change Mobile Number) ಆಯ್ಕೆಯನ್ನು ಆರಿಸಿ.
ಹೊಸ ಸಂಖ್ಯೆ ನಮೂದಿಸಿ,ಇಲ್ಲಿ ನಿಮ್ಮ ಹೊಸ ಮೊಬೈಲ್ ಸಂಖ್ಯೆಯನ್ನು ಎರಡು ಬಾರಿ ನಮೂದಿಸಿ.
ಒಟಿಪಿ ಪರಿಶೀಲನೆ,”ಮೊಬೈಲ್ ಒಟಿಪಿ ಪಡೆಯಿರಿ” (Get Mobile OTP) ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.ನಿಮ್ಮ ಹೊಸ ಮೊಬೈಲ್ ಸಂಖ್ಯೆಯಲ್ಲಿ ಸ್ವೀಕರಿಸಿದ ಒಟಿಪಿ ಅನ್ನು ನಮೂದಿಸಿ.
ಸಲ್ಲಿಕೆ,ಅಂತಿಮವಾಗಿ, “ಸಲ್ಲಿಸು” (Submit) ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.ಈ ಪ್ರಕ್ರಿಯೆ ಪೂರ್ಣಗೊಂಡ ನಂತರ, ನಿಮ್ಮ ಹೊಸ ಮೊಬೈಲ್ ಸಂಖ್ಯೆ ಯಶಸ್ವಿಯಾಗಿ ಪಿಎಫ್ ಖಾತೆಗೆ ಲಿಂಕ್ ಆಗುತ್ತದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.