ಆರೋಗ್ಯ ಪಾನೀಯವೇ ಅಪಾಯ! ಒಂದು ವಾರದಲ್ಲಿ ಲಿವರ್ ಫೈಲ್ಯೂರ್‌ಗೆ ತಳ್ಳಿದ ‘ಹರ್ಬಲ್’ ಕಾಫಿ

ನಿಮ್ಮ ಮುಂಜಾನೆಯ ‘ಹರ್ಬಲ್ ಕಾಫಿ’ ನಿಮ್ಮ ಪ್ರಾಣಕ್ಕೇ ಕಂಟಕವಾಗಬಹುದು ಎಚ್ಚರ, ಚೀನಾ ಮೂಲದ ‘ಜಾಸ್ಮಿನ್ ಫ್ಲೇವರ್’ ಕಾಫಿ ಕುಡಿದ ಭಾರತೀಯ ಯುವಕನೊಬ್ಬ ಸಾವು-ಬದುಕಿನ ನಡುವೆ ಹೋರಾಡಿದ ಬೆಚ್ಚಿಬೀಳಿಸುವ ಕಥೆಯನ್ನು ಪ್ರಸಿದ್ಧ ಲಿವರ್ ತಜ್ಞ ‘ದ ಲಿವರ್ ಡಾಕ್’ ಹಂಚಿಕೊಂಡಿದ್ದಾರೆ. ‘ನ್ಯಾಚುರಲ್’ ಎಂದು ನಂಬಿ ಕುಡಿದ ಆ ಒಂದು ಪಾನೀಯ, ಕೇವಲ ಒಂದೇ ವಾರದಲ್ಲಿ ಆತನ ಲಿವರ್ ಅನ್ನು ಸಂಪೂರ್ಣ ಹಾನಿ ಮಾಡಿತ್ತು. ಮಾರುಕಟ್ಟೆಯಲ್ಲಿ ಸಿಗುವ ನಿಯಂತ್ರಣವಿಲ್ಲದ ಇಂತಹ ಗಿಡಮೂಲಿಕೆ ಪಾನೀಯಗಳ ಹಿಂದೆ ಅಡಗಿರುವ ಅಸಲಿ ಅಪಾಯದ ಬಗ್ಗೆ ಈ ವರದಿ ಕಣ್ಣು ತೆರೆಸುವಂತಿದೆ.

ಏನಿದು ಘಟನೆ?

ಆರೋಗ್ಯವಾಗಿರಲು ಮತ್ತು ಹೆಚ್ಚಿನ ಶಕ್ತಿ (Energy) ಪಡೆಯಲು ಯುವಕನೊಬ್ಬ ಚೀನಾ ಮೂಲದ ‘ಚೈನೀಸ್ ಜಾಸ್ಮಿನ್ ಕಾಫಿ’ ಕುಡಿಯಲು ಪ್ರಾರಂಭಿಸಿದ್ದನು. ಕೇವಲ ಒಂದು ವಾರದ ಸೇವನೆ ಆತನ ಜೀವನವನ್ನೇ ಅಸ್ತವ್ಯಸ್ತ ಮಾಡಿತು!

ವೈದ್ಯರನ್ನೇ ಚಕಿತಗೊಳಿಸಿದ ರೋಗದ ಲಕ್ಷಣಗಳು

ಕಣ್ಣು ಮತ್ತು ಮೂತ್ರದಲ್ಲಿ ಬದಲಾವಣೆ: ಎರಡು ವಾರಗಳ ಕಾಲ ಕಣ್ಣುಗಳು ಅತಿಯಾದ ಹಳದಿ ಬಣ್ಣಕ್ಕೆ ತಿರುಗಿದ್ದವು ಮತ್ತು ಮೂತ್ರವು ಗಾಢ ಬಣ್ಣದಿಂದ ಕೂಡಿತ್ತು.

ವಿಪರೀತ ತುರಿಕೆ: ಇಡೀ ದೇಹದಲ್ಲಿ ತಡೆಯಲಾಗದ ತುರಿಕೆ ಕಾಣಿಸಿಕೊಂಡಿತ್ತು.

ನಿಗೂಢ ರೋಗ: ಇಬ್ಬರು ವೈದ್ಯರನ್ನು ಭೇಟಿಯಾದರೂ ಯಾವುದೇ ವೈರಸ್ ಅಥವಾ ಸಾಮಾನ್ಯ ಕಾಯಿಲೆ ಪತ್ತೆಯಾಗಿರಲಿಲ್ಲ. ಆದರೆ ಆತನ ದೇಹದಲ್ಲಿ ಜಾಂಡೀಸ್ (ಕಾಮಾಲೆ) ಪ್ರಮಾಣ ಏರುತ್ತಲೇ ಇತ್ತು.

ಪತ್ತೆಯಾದ ಆಘಾತಕಾರಿ ಸತ್ಯ: ತಜ್ಞ ವೈದ್ಯರು ಕೂಲಂಕಷವಾಗಿ ತನಿಖೆ ನಡೆಸಿದಾಗ ತಿಳಿದುಬಂದ ಅಸಲಿ ವಿಷಯವೆಂದರೆ ಆತ ಕುಡಿದ ಹರ್ಬಲ್ ಕಾಫಿ! ಅದರಲ್ಲಿ ಬೆರೆಸಲಾಗಿದ್ದ ಅಪರಿಚಿತ ರಾಸಾಯನಿಕಗಳು ಮತ್ತು ವಿಷಕಾರಿ ಅಂಶಗಳು ಆತನ ಪಿತ್ತಜನಕಾಂಗದ ಮೇಲೆ ದಾಳಿ ಮಾಡಿದ್ದವು. ಇದರಿಂದ ಆತ ‘ಅಕ್ಯೂಟ್ ಲಿವರ್ ಫೈಲ್ಯೂರ್’ (Acute Liver Failure) ಹಂತಕ್ಕೆ ತಲುಪಿದ್ದನು.

ಹರ್ಬಲ್ ಕಾಫಿ ಏಕೆ ಅಪಾಯಕಾರಿಯಾಯಿತು?
ಮಲ್ಲಿಗೆ (Jasmine) ಹೆಸರಿನಲ್ಲಿ ಸಿಗುವ ಎಲ್ಲಾ ಗಿಡಗಳು ಸುರಕ್ಷಿತವಲ್ಲ ಎಂದು ಡಾ. ಫಿಲಿಪ್ಸ್ ವಿವರಿಸಿದ್ದಾರೆ:

ನೈಟ್ ಬ್ಲೂಮಿಂಗ್ ಜಾಸ್ಮಿನ್ ಮತ್ತು ಸ್ಟಾರ್ ಜಾಸ್ಮಿನ್: ಮಲ್ಲಿಗೆಯ ಹೆಸರನ್ನು ಹೊಂದಿರುವ ಇಂತಹ ಅನೇಕ ಗಿಡಗಳು ಅತ್ಯಂತ ವಿಷಕಾರಿ.

ಅಂಗಾಂಗ ವೈಫಲ್ಯ: ಇವುಗಳ ಸೇವನೆಯು ಕೇವಲ ಲಿವರ್ ಮಾತ್ರವಲ್ಲದೆ ಹೃದಯ ಮತ್ತು ಮೂತ್ರಪಿಂಡಗಳ (Kidneys) ಮೇಲೆಯೂ ಗಂಭೀರ ಪರಿಣಾಮ ಬೀರಬಲ್ಲದು.

ವೈದ್ಯರ ಪ್ರಮುಖ ಎಚ್ಚರಿಕೆಗಳು:

ವಿಷಕಾರಿ ಮಿಶ್ರಣ: ಇಂತಹ ಅನ್‌ರೆಗ್ಯುಲೇಟೆಡ್ ಉತ್ಪನ್ನಗಳಲ್ಲಿ ಹಾನಿಕಾರಕ ಸ್ಟೆರಾಯ್ಡ್‌ಗಳು, ಸೀಸ (Heavy metals) ಅಥವಾ ವಿಷಕಾರಿ ಗಿಡಗಳ ಅಂಶಗಳನ್ನು ಬೆರೆಸಿರುವ ಸಾಧ್ಯತೆ ಇರುತ್ತದೆ.

ಜಾಗರೂಕರಾಗಿರಿ: ಮಾರುಕಟ್ಟೆಯಲ್ಲಿ ಸಿಗುವ, ಸರಿಯಾದ ಪರವಾನಗಿ ಇಲ್ಲದ ಮತ್ತು ಅತಿಯಾದ ಜಾಹೀರಾತು ನೀಡುವ ‘ಹರ್ಬಲ್’ ಪಾನೀಯಗಳನ್ನು ಕುಡಿಯುವ ಮುನ್ನ ನೂರು ಬಾರಿ ಯೋಚಿಸಿ.

ವಿದೇಶಗಳಿಂದ ಆಮದು ಮಾಡಿಕೊಳ್ಳುವ ಅಥವಾ ಸರಿಯಾದ ಸುರಕ್ಷತಾ ಪ್ರಮಾಣಪತ್ರವಿಲ್ಲದ ಗಿಡಮೂಲಿಕೆಯ ಟೀ, ಕಾಫಿ ಅಥವಾ ‘ವೆಲ್ನೆಸ್’ ಪಾನೀಯಗಳನ್ನು ಕುಡಿಯಬೇಡಿ.

ನೈವಿಡಿಯಾ ಸಾಮ್ರಾಜ್ಯವನ್ನೇ ಉರುಳಿಸಿದ ಬೆಳ್ಳಿ! ಈಗ ಜಗತ್ತಿನ 2ನೇ ಅತಿ ದೊಡ್ಡ ಆಸ್ತಿ!