ಬೆಂಗಳೂರು (ಡಿಸೆಂಬರ್ 1, 2025): ಕಳೆದ ಎರಡು ಮೂರು ದಿನಗಳಿಂದ ರಾಜ್ಯಾದ್ಯಂತ ಚಳಿಯ ಪ್ರಮಾಣ ವಿಪರೀತವಾಗಿ ಏರಿಕೆ ಕಂಡಿದ್ದು, ಅಲ್ಲಲ್ಲಿ ಜಿಟಿಜಿಟಿ ಮಳೆ ಕೂಡ ಆಗಿದೆ. ಸೂರ್ಯನ ಕಿರಣ ಕಾಣದೇ ಮೈಕೊರೆಯುವ ಚಳಿಗೆ ಜನರು ನಡುಗಿಹೋಗಿದ್ದು, ಇದರ ನಡುವೆಯೇ ಅಗತ್ಯ ವಸ್ತುಗಳಲ್ಲೊಂದಾದ ತರಕಾರಿ ಬೆಲೆಗಳು ಗಗನಕ್ಕೇರಿವೆ.
ದಿತ್ವಾ ಚಂಡಮಾರುತದ ಎಫೆಕ್ಟ್ನಿಂದಾಗಿ ಈ ವೈಪರಿತ್ಯ ಉಂಟಾಗಿದ್ದು, ಜನಸಾಮಾನ್ಯರು ತರಕಾರಿ ಬೆಲೆ ಏರಿಕೆಗೆ ಸುಸ್ತಾಗಿದ್ದಾರೆ. ನಗರದ ಕೆಆರ್ ಮಾರುಕಟ್ಟೆಯಲ್ಲಿ ಒಂದು ಕೆಜಿ ಟೊಮ್ಯಾಟೊಗೆ 60ರಿಂದ 80 ರೂಪಾಯಿಗಳಾಗಿದ್ದು, ನುಗ್ಗೆಕಾಯಿ ಕೆಜಿಗೆ 600 ರೂಗಳ ಸನಿಹ ತಲುಪಿದೆ.
ದಿತ್ವಾ ಚಂಡಮಾರುತ ನೆರೆಯ ತಮಿಳುನಾಡಿನಲ್ಲಿ ಅಕಾಲಿಕ ಮಳೆ ತರಿಸಿದ್ದು, ತರಕಾರಿ ಫಸಲು ಕೈಗೆ ಬರುತ್ತದೆ ಎಂಬ ನಿರೀಕ್ಷೆಯಲ್ಲಿದ್ದ ರೈತನ ಬೆಳೆಗಳು ಹಾನಿಗೊಳಗಾವಿವೆ. ಹೀಗಾಗಿ ತಮಿಳುನಾಡಿನಿಂದ ರಾಜ್ಯಕ್ಕೆ ತರಕಾರಿ ಪೂರೈಕೆಯಲ್ಲಿ ಕುಸಿತ ಕಂಡಿದ್ದು, ಟೊಮ್ಯಾಟೊ ಹಾಗೂ ನುಗ್ಗೆಕಾಯಿ ಮಾತ್ರವಲ್ಲದೇ ಇತರೆ ತರಕಾರಿ ಬೆಲೆಗಳು ಸಹ ಏರಿಕೆ ಕಂಡಿವೆ. ಯಾವ ತರಕಾರಿ ಬೆಲೆ ಕೆಜಿಗೆ ಎಷ್ಟಿದೆ ಎಂಬುದರ ಪಟ್ಟಿ ಮುಂದಿದೆ.
ನುಗ್ಗೆಕಾಯಿ: 550 – 600
ಟೊಮ್ಯಾಟೊ: 60 – 80
ಅವರೆಕಾಯಿ: 80 – 100
ಹಸಿರು ಬಟಾಣಿ: 250
ಬೀನ್ಸ್: 60-80
ತೊಂಡೆಕಾಯಿ: 80 – 100
ತೊಗರಿಕಾಯಿ: 60-70
ಕ್ಯಾರೆಟ್: 60-80
ಬೀಟ್ರೂಟ್ 60-70
ದಪ್ಪ ಮೆಣಸಿನಕಾಯಿ: 80-100
ಗೆಡ್ಡೆಕೋಸು: 70-80
ಬೆಂಡೆಕಾಯಿ: 60-80
ಯುವಕನಿಂದ ಲೈಂಗಿಕ ಕಿರುಕುಳ: ನಟಿ ಆಶಿಕಾ ರಂಗನಾಥ್ ಮಾವನ ಮಗಳು ಆತ್ಮಹತ್ಯೆ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.