ನವದೆಹಲಿ: ನಾಳೆ (ಫೆಬ್ರವರಿ 5) ದೆಹಲಿ ವಿಧಾನಸಭಾ ಚುನಾವಣೆ ನಡೆಯಲಿದ್ದು, ಚುನಾವಣಾ ಆಯೋಗ ಹಾಗೂ ಪೊಲೀಸ್ ಇಲಾಖೆ ಯಾವುದೇ ಅಕ್ರಮ ಹಾಗೂ ಅಹಿತರಕ ಘಟನೆಗಳು ಜರುಗದಂತೆ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಂಡು ಸಜ್ಜಾಗಿವೆ.
ಅತ್ತ ಕಳೆದ ಕೆಲ ದಿನಗಳಿಂದ ಬಿರುಸಿನ ಪ್ರಚಾರ ಮಾಡಿರುವ ರಾಜಕೀಯ ನಾಯಕರು ಮತದಾನಕ್ಕಾಗಿ ಕಾತರರಾಗಿ ಕಾಯುತ್ತಿದ್ದಾರೆ. ಹೀಗೆ ನಾಳಿನ ಪ್ರಮಖ ದಿನಕ್ಕೆ ಕ್ಷಣಗಣನೆ ಆರಂಭವಾಗಿರುವಾಗ ಗಾಂಧಿನಗರದ ಪೊಲೀಸ್ ಠಾಣೆಯ ಕಂಟ್ರೋಲ್ ರೂಂಗೆ ಕರೆಯೊಂದು ಬಂದಿದ್ದು, ಇಲ್ಲೊಬ್ಬ ವ್ಯಕ್ತಿಯ ಕೈಬೆರಳಿನಲ್ಲಿ ಇಂಕ್ ಇದೆ ಎಂದು ಹೇಳಿಕೊಳ್ಳುತ್ತಿದ್ದಾನೆ ಎಂದು ತಿಳಿಸಿದರು.
ಕೂಡಲೇ ಗಾಬರಿಯಾಗಿ ಸ್ಥಳಕ್ಕಾಗಮಿಸಿ ವ್ಯಕ್ತಿಯ ವಿಚಾರಣೆ ನಡೆಸಿದಾಗ ಆತ 15 ಕ್ರಿಮಿನಲ್ ಕೇಸ್ ಹೊಂದಿರುವ ಕ್ರಿಮಿನಲ್ ಎಂಬುದು ತಿಳಿದು ಬಂದಿದೆ. ಹೌದು, 40 ವರ್ಷದ ಫಿರೋಜ್ ಖಾನ್ ಎಂಬಾತನೇ ಕೈ ಬೆರಳಿನಲ್ಲಿ ಇಂಕ್ ಇದೆ, ಮತ ಹಾಕಿದ್ದೇನೆ ಎಂದು ಹೇಳಿಕೊಂಡಿದ್ದವ.
ಇನ್ನು ಪೊಲೀಸರು ಸ್ಥಳಕ್ಕಾಗಮಿಸಿದಾಗ ಫಿರೋಜ್ ಖಾನ್ ಅಮಲೇರಿದ ಸ್ಥಿತಿಯಲ್ಲಿದ್ದು, ಆತನ ಕೈ ಬೆರಳಿನಲ್ಲಿ ಯಾವುದೇ ಇಂಕ್ ಇಲ್ಲದಿರುವುದು ಪತ್ತೆಯಾಗಿದೆ. ಸುದ್ದಿ ವಾಹಿನಿಗಳಲ್ಲಿ ವೈರಲ್ ಆಗುವುದಕ್ಕೋಸ್ಕರ ಈ ರೀತಿ ಮಾಡಿದೆ ಎಂದು ಹೇಳಿಕೊಂಡಿದ್ದಾನೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.