ಎಐ.. ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್.. ಪ್ರಸ್ತುತ ನಾವೆಲ್ಲಾ ಅನುಭವಿಸುತ್ತಿರುವ ಒಂದು ತಂತ್ರಜ್ಞಾನ ಕ್ರಾಂತಿ. ವಿಜ್ಞಾನ ಕ್ಷೇತ್ರದಲ್ಲಿ ಹಲವು ದಶಕಗಳಿಗೊಮ್ಮೆ ಆಗುವ ಬೃಹತ್ ಮಾರ್ಪಾಡು ಅಥವಾ ಬೆಳವಣಿಗೆಯೇ ಈ ಎಐ.
ಎಐ ಎಷ್ಟು ಮಹತ್ವದ್ದಾಗಿದೆ ಎಂದರೆ ಮೊನ್ನೆ ಮೊನ್ನೆಯಷ್ಟೇ ಚೀನಾದ ಡೀಪ್ಸೀಕ್ ಹಾಗೂ ಅಮೆರಿಕಾದ ಚಾಟ್ಜಿಪಿಟಿ ಹೋಲಿಸಿ ಇಡೀ ವಿಶ್ವವೇ ಚರ್ಚಿಸಿದ್ದು. ಈ ಎಐ ಪರಾಕ್ರಮ ಎಷ್ಟರ ಮಟ್ಟಿಗೆ ಇದೆ ಎಂದರೆ ಇದೇ ಚೀನಾದ ಹಲವು ಅಪ್ಲಿಕೇಶನ್ಗಳನ್ನು ಬ್ಯಾನ್ ಮಾಡಿ ಎಂದು ಈ ಹಿಂದೆ ಆಕ್ರೋಶ ಹೊರಹಾಕಿದ್ದವರೇ ಡೀಪ್ಸೀಕ್ ನಿಖರತೆ ಕಂಡು ದಂಗಾಗಿ ಹೋಗಿದ್ದರು.
ಇದೇ ವೇಳೆ ವಿಶ್ವದ ದೊಡ್ಡ ದೇಶಗಳಾದ ಚೀನಾ ಡೀಪ್ಸೀಕ್ ರಚಿಸಿದರೆ, ಯುಎಸ್ ಚಾಟ್ಜಿಪಿಟಿ ರಚಿಸಿದೆ. ಅದೇ ರೀತಿ ಭಾರತ ಯಾವ ಎಐ ರಚಿಸಿದೆ ಎಂದು ಕಾಲೆಳೆದವರೂ ಉಂಟು.
ಇಷ್ಟು ದೊಡ್ಡ ಮಟ್ಟದಲ್ಲಿ ಗಮನ ಸೆಳೆದಿರುವ ಎಐಯನ್ನು ರಾಹುಲ್ ಗಾಂಧಿ ಸಹ ಸದನದಲ್ಲಿ ಉಲ್ಲೇಖಿಸಿದ್ದು, ಎಐ ಮಹತ್ವವನ್ನು ತಿಳಿಸಿದ್ದಾರೆ. ಎಐಗೆ ಸ್ಥಳೀಯ ದತ್ತಾಂಶಗಳೇ ಆಧಾರವಾಗಿದ್ದು, ಭಾರತ ಅದರ ಕಡೆ ಸರಿಯಾಗಿ ಗಮನ ಹರಿಸಬೇಕಿದೆ ಎಂದು ಹೇಳಿದರು. ಅಲ್ಲದೇ ಹಿಂದುಳಿದವರ ಪ್ರಗತಿಗೂ ಸಹ ಎಐ ಸಹಕಾರಿಯಾಗಲಿದೆ ಎಂದು ತಿಳಿಸಿದರು.
ಹೀಗೆ ರಾಹುಲ್ ಗಾಂಧಿ ಎಐ ಕುರಿತು ಆಡಿದ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಇದೇ ವೇಳೆ ಇದಕ್ಕೆ ಮೋದಿ ಎಐ ಕುರಿತು ನೀಡಿದ ಹೇಳಿಕೆಯ ವಿಡಿಯೊವನ್ನು ಎಡಿಟ್ ಮಾಡಿ ಟ್ರೋಲ್ ಅನ್ನೂ ಸಹ ಮಾಡಲಾಗುತ್ತಿದೆ.
ಹೌದು, ಈ ಹಿಂದೆ ಮೋದಿ ಎಐ ಎಂದರೆ ನನಗೆ ʼಅಮೆರಿಕಾ – ಇಂಡಿಯಾʼ ಎಂದಿದ್ದು ಹಾಗೂ ಎಐ ಎಂದರೆ ʼಆಯಿʼ ಎಂದು ಹೇಳಿದ ವಿಡಿಯೊಗಳನ್ನು ಹಂಚಿಕೊಂಡು ಅದನ್ನು ರಾಹುಲ್ ಗಾಂಧಿ ಅವರು ಎಐ ಕುರಿತು ಆಡಿದ ಮಾತುಗಳ ಜತೆ ಎಡಿಟ್ ಮಾಡಿ ಒಂದು ಪ್ರಸ್ತುತ ಅವಶ್ಯ ತಂತ್ರಜ್ಞಾನದ ಕುರಿತು ಈ ಇಬ್ಬರಿಗೂ ಇರುವ ವಿಭಿನ್ನ ಜ್ಞಾನ ಹಾಗೂ ತಿಳುವಳಿಕೆ ನೋಡಿ ಎಂದು ಮೋದಿ ಕಾಲೆಳೆದಿದ್ದಾರೆ.
ಇನ್ನೂ ಕೆಲವರು ಎಐ ಎಂದರೆ ವಿದ್ಯಾವಂತರ ಪ್ರಕಾರ ಏನು, ಅವಿದ್ಯಾವಂತರ ಪ್ರಕಾರ ಏನು ಎಂದು ಎರಡೂ ವಿಡಿಯೊಗಳನ್ನೂ ಶೇರ್ ಮಾಡಿದ್ದಾರೆ. ಅಲ್ಲದೇ ತಂತ್ರಜ್ಞಾನದ ಬಗ್ಗೆ ಅರಿತಿರುವ ವ್ಯಕ್ತಿ ವಿರೋಧ ಪಕ್ಷದಲ್ಲಿ ಕುಳಿತಿದ್ದಾರೆ, ಏನೂ ಅರಿಯದವರು ಪ್ರಧಾನಮಂತ್ರಿಯಾಗಿದ್ದಾರೆ ಎಂದು ಟ್ರೋಲ್ ಮಾಡಿದ್ದಾರೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.