ಸಂಜೆ ತಿಂಡಿಗೆ ಸೂಪರ್ ಚಾಯ್ಸ್: ಬಾಯಲ್ಲಿ ಕರಗುವ ಆಲೂಗಡ್ಡೆ ಕಟ್ಲೆಟ್

ಭಾನುವಾರ ಅಥವಾ ವಿಶೇಷ ಸಂದರ್ಭಗಳಲ್ಲಿ ಮನೆಯವರ ಜೊತೆ ಕುಳಿತು ರುಚಿಕರವಾದ, ಆದರೆ ಸಿಂಪಲ್ ಆಗಿರುವ ಒಂದು ಸ್ನ್ಯಾಕ್ ಬೇಕು ಅನಿಸಿಕೊಂಡರೆ, ಆಲೂಗಡ್ಡೆ ಕಟ್ಲೆಟ್ ಅತ್ಯುತ್ತಮ ಆಯ್ಕೆ. ನಿಮಗೆ ಮನೆಯಲ್ಲಿ ಸಮಯ ಲಭ್ಯವಿರುವಾಗ ಅಥವಾ ಹಬ್ಬದ ಸಂದರ್ಭದಲ್ಲಿ ಮನೆಯವರ ಜೊತೆ ಕುಳಿತು ಸವಿಯಲು ಸರಿಯಾದ ತಿಂಡಿ ಬೇಕಾದರೆ ಈ ರೆಸಿಪಿ ಖಂಡಿತಾ ಉಪಯುಕ್ತ.ಶುಭಕಾರ್ಯಗಳು ನಡೆಯುತ್ತಿರುವಾಗ ಅಥವಾ ಅತಿಥಿಗಳು, ಸಂಬಂಧಿಗಳು ಮನೆಗೆ ಬರುವ ಮುನ್ಸೂಚನೆ ಇದ್ದರೆ, ಸ್ವಲ್ಪ ಸ್ಪೆಷಲ್ ತಿಂಡಿ ಮಾಡುವ ಇಚ್ಛೆ ಸಹಜ. ಅಂಥ ಸಂದರ್ಭಗಳಲ್ಲಿ ಈ ಆಲೂಗಡ್ಡೆ ಕಟ್ಲೆಟ್‌ ಸರಳವಾಗಿ ತಯಾರಿಸಲು ಸಾಧ್ಯವಾಗುತ್ತದೆ ಮತ್ತು ಎಲ್ಲರಿಗೂ ಇಷ್ಟವಾಗುತ್ತದೆ.ಮಳೆಗಾಲ ಅಥವಾ ಚಳಿಗಾಲದ ಸಾಯಂಕಾಲ ಬಾಯಿ ಬೇರೆ ರುಚಿಯ ತಿನಿಸು ಕೇಳಿದರೆ, ಬಿಸಿಬಿಸಿ ಆಲೂಗಡ್ಡೆ ಕಟ್ಲೆಟ್‌ ಮಾಡಿ, ಒಂದು ಕಪ್‌ ಕಾಫಿ ಅಥವಾ ಚಹಾ ಜೊತೆಗೆ ಸವಿದು ನೋಡಿ ಸಂಜೆ ಕ್ಷಣಗಳು ಹೇಗೆ ಕಳೆಯುತ್ತವೆ ಎಂದು ಗೊತ್ತಾಗಲಾರದು!ಆಲೂಗಡ್ಡೆಯ ಈ ಕಟ್ಲೆಟ್ ಮಾಡೋದು ಬಹಳ ಸುಲಭ. ಹಾಗೆ ಎಲ್ಲರಿಗೂ ಇಷ್ಟವಾಗುತ್ತೆ.ಮನೆಮಂದಿಗೆ ಇಷ್ಟವಾಗುವ, ತ್ವರಿತವಾಗಿ ಮತ್ತು ಸುಲಭವಾಗಿ ತಯಾರಿಸಬಹುದಾದ ಆಲೂಗಡ್ಡೆ ಕಟ್ಲೆಟ್‌ಗಳು ಉತ್ತಮ ಆಯ್ಕೆ. ಈ ರೆಸಿಪಿ ನಿಮಗೆ ರಿಲ್ಯಾಕ್ಸ್ ಆಗಿ, ಕಡಿಮೆ ಸಮಯದಲ್ಲಿ ರುಚಿಕರವಾದ ಸ್ನ್ಯಾಕ್ ತಯಾರಿಸಲು ಸಹಾಯ ಮಾಡುತ್ತದೆ.

ಆಲೂಗಡ್ಡೆ ಕಟ್ಲೆಟ್ ಬೇಕಾಗುವ ಸಾಮಗ್ರಿಗಳು:

ಆಲೂಗಡ್ಡೆ- 2-3

ಈರುಳ್ಳಿ- 1

ಶುಂಠಿ ಹಾಗೂ ಬೆಳ್ಳುಳ್ಳಿ ಪೇಸ್ಟ್- 1 ಚಮಚ

ಗರಂ ಮಸಾಲೆ- ಅರ್ಧ ಚಮಚ

ಜೋಳದ ಹಿಟ್ಟು- 4 ಚಮಚ

ಸಣ್ಣ ರವೆ- 3 ಚಮಚ

ಕೊತ್ತಂಬರಿ ಸೊಪ್ಪು- 8-10 ಎಸಳು

ಸಾಸಿವೆ, ಕಡ್ಲೆಬೇಳೆ, ಉದ್ದಿನಬೇಳೆ, ಕರಿಬೇವು- ಒಗ್ಗರಣೆ

ಹಸಿಮೆಣಸಿನಕಾಯಿ ಪೇಸ್ಟ್- 1 ಚಮಚ

ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಅಡುಗೆ ಎಣ್ಣೆ

ಆಲೂಗಡ್ಡೆ ಕಟ್ಲೆಟ್ ಮಾಡುವ ವಿಧಾನ:

ಮೊದಲು ಆಲೂಗಡ್ಡೆಗಳನ್ನು ಬೇಯಿಸಿ, ಸಿಪ್ಪೆ ತೆಗೆದು ಮೆತ್ತಗೆ ನುರಿಯಿರಿ.

ಒಂದು ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ, ಅದರಲ್ಲಿ ಸಾಸಿವೆ ಹಾಕಿ ಸಿಡಿಸುವಂತೆ ಮಾಡಿ.

ಬಳಿಕ ಉದ್ದಿನಬೇಳೆ ಮತ್ತು ಕಡ್ಲೆಬೇಳೆ ಹಾಕಿ ಅದು ಹಗ್ಗುರಾಗಿ ಕಂದು ಬಣ್ಣಕ್ಕೆ ತಿರುಗುವ ತನಕ ವಾಡಿಸಿ.

ಈಗ ಅದಕ್ಕೆ ಹಸಿಮೆಣಸು ಪೇಸ್ಟ್, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಗರಂ ಮಸಾಲಾ, ಕೊತ್ತಂಬರಿ ಸೊಪ್ಪು ಮತ್ತು ಈರುಳ್ಳಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ನಂತರ ಮೆತ್ತಗೆ ಮಾಡಿದ ಆಲೂಗಡ್ಡೆ ಸೇರಿಸಿ ಎಲ್ಲಾ ಸರಿಯಾಗಿ ಕಲಸಿ ಮಿಶ್ರಣ ತಯಾರಿಸಿ.

ಈ ಮಿಶ್ರಣದಿಂದ ನಿಮಗೆ ಇಷ್ಟವಾದ ಆಕಾರದ ಕಟ್ಲೆಟ್‌ಗಳನ್ನು ಮಾಡಿಕೊಳ್ಳಿ.

ಇನ್ನೊಂದು ಬೌಲ್‌ನಲ್ಲಿ ಜೋಳದ ಹಿಟ್ಟು ಮತ್ತು ರವೆ ಸೇರಿಸಿ ಸ್ವಲ್ಪ ನೀರಿನೊಂದಿಗೆ ಗಟ್ಟಿಯಾದ ಪೇಸ್ಟ್‌ ಮಾಡಿಕೊಳ್ಳಿ.

ತಯಾರಿಸಿದ ಕಟ್ಲೆಟ್‌ಗಳನ್ನು ಈ ಹಿಟ್ಟಿನಲ್ಲಿ ತೊಡಿಸಿ, ಕಾದ ಎಣ್ಣೆಯಲ್ಲಿ ಬಿಚ್ಚಿಯಾಗಿ ಕರಿಯಿರಿ.

ಗೋಲ್ಡನ್ ಬ್ರೌನ್ ಬಣ್ಣಕ್ಕೆ ತಿರುಗಿದಾಗ ತೆಗೆದು ಪೇಪರ್ ಟವಲ್ ಮೇಲೆ ಇಡಿರಿ.

ಬಿಸಿ ಬಿಸಿ ಕಟ್ಲೆಟ್‌ಗಳನ್ನು ಟೊಮೆಟೋ ಸಾಸ್ ಅಥವಾ ಪುದೀನಾ ಚಟ್ನಿ ಜೊತೆ ಸವಿಯಿರಿ.

ಹಾಗಲಕಾಯಿ ಫ್ರೈ ಪಕೋಡ: ಕಹಿಯಿಲ್ಲದ ರುಚಿ, ಮಕ್ಕಳಿಗೂ ಇಷ್ಟವಾಗುವ ಆರೋಗ್ಯಕರ ಸ್ನ್ಯಾಕ್!

ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ

ಎಐ ಅಡ್ವೋಕೇಟ್‌ ಅಸಿಸ್ಟೆಂಟ್‌ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ