ಮುಂಬೈ ನಂತರ ದೆಹಲಿಯಲ್ಲಿ ಟೆಸ್ಲಾದ ಎರಡನೇ ಶೋರೂಂ: ಆಗಸ್ಟ್ 11ಕ್ಕೆ ಉದ್ಘಾಟನೆ!

ಎಲಾನ್ ಮಸ್ಕ್ ಒಡೆತನದ ಎಲೆಕ್ಟ್ರಿಕ್ ವಾಹನ ತಯಾರಕ ಕಂಪನಿ ಟೆಸ್ಲಾ, ಭಾರತದಲ್ಲಿ ತನ್ನ ಎರಡನೇ ಶೋರೂಮ್ ಅನ್ನು ದೆಹಲಿಯಲ್ಲಿ ತೆರೆಯಲು ಸಿದ್ಧವಾಗಿದೆ. ವರದಿಗಳ ಪ್ರಕಾರ, ಆಗಸ್ಟ್ 11 ರಂದು ದೆಹಲಿಯ ಏರೋಸಿಟಿಯಲ್ಲಿರುವ ವರ್ಲ್ಡ್‌ಮಾರ್ಕ್ 3 ರಲ್ಲಿ ಈ ಮಳಿಗೆಯನ್ನು ಉದ್ಘಾಟಿಸಲಾಗುವುದು.ಕಳೆದ ತಿಂಗಳು ಮುಂಬೈನಲ್ಲಿ ತನ್ನ ಮೊದಲ ಶೋರೂಂ ತೆರೆಯುವ ಮೂಲಕ ಟೆಸ್ಲಾ ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸಿತ್ತು. ಇದೀಗ ದೆಹಲಿ ಮತ್ತು ರಾಷ್ಟ್ರೀಯ ರಾಜಧಾನಿ ಪ್ರದೇಶದ ಗ್ರಾಹಕರನ್ನು ಗುರಿಯಾಗಿಟ್ಟುಕೊಂಡು ಈ ಹೊಸ ಶೋರೂಂ ಅನ್ನು ನಿರ್ಮಿಸಲಾಗಿದೆ, ಇದರ ಕಾಮಗಾರಿ ಬಹುತೇಕ ಪೂರ್ಣಗೊಂಡಿದೆ.ಮುಂಬೈನಲ್ಲಿ ತನ್ನ ಮೊದಲ ಮಳಿಗೆ ತೆರೆದ ಕೆಲವೇ ವಾರಗಳಲ್ಲಿ, ಟೆಸ್ಲಾ ತನ್ನ ಮೊದಲ ಚಾರ್ಜಿಂಗ್ ಸೌಲಭ್ಯವನ್ನೂ ಸಹ ಮುಂಬೈನ ಬಾಂದ್ರಾ-ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿ ಆರಂಭಿಸಿದೆ ಎಂದು ವರದಿಯಾಗಿದೆ. ಈ ಮೂಲಕ ಭಾರತದಲ್ಲಿ ಟೆಸ್ಲಾ ತನ್ನ ವಿಸ್ತರಣಾ ಕಾರ್ಯಗಳನ್ನು ವೇಗಗೊಳಿಸುತ್ತಿದೆ.ಇದರಲ್ಲಿ ರಿಯರ್-ವೀಲ್ ಡ್ರೈವ್ ಕಾರಿನ ಮೂಲ ಬೆಲೆ 59.89 ಲಕ್ಷ ರೂಪಾಯಿಗಳು ಮತ್ತು ಲಾಂಗ್-ರೇಂಜ್ ರಿಯ‌ರ್ ವೀಲ್ ಡ್ರೈವ್‌ನ ಮೂಲ ಬೆಲೆ 67.89 ಲಕ್ಷ ರೂಪಾಯಿಗಳಾಗಿವೆ.

CNBC-TV18 ಆಯೋಜಿಸಿದ್ದ ಚರ್ಚಾ ವೇದಿಕೆಯಲ್ಲಿ ಮಾತನಾಡಿದ ಫ್ರಾಸ್ಟ್ ಅಂಡ್ ಸಲಿವನ್ ಸಂಸ್ಥೆಯ ಅಸೋಸಿಯೇಟ್ ಪಾರ್ಟ್‌ನರ್ ವಿವೇಕ್ ವೈದ್ಯ ಅವರು, “ಟೆಸ್ಲಾ ಭಾರತದ ಮಾರುಕಟ್ಟೆಯಲ್ಲಿ ಪ್ರವೇಶ ನೀಡುವುದು ನಿರ್ಣಾಯಕ ಕ್ಷಣವಾಗಿದ್ದು, BMW, ಮೆರ್ಸಿಡೆಸ್‌ ಹಾಗೂ ಹೊಸದಾಗಿ ಪ್ರವೇಶಿಸುತ್ತಿರುವ VinFast ಮತ್ತು BYD ಕಂಪನಿಗಳಿಗೆ ಗಂಭೀರ ಸ್ಪರ್ಧೆ ನೀಡಬಹುದು” ಎಂದು ಅಭಿಪ್ರಾಯಪಟ್ಟರು. ಬುಕ್ಕಿಂಗ್‌ಗಳೂ ಈಗಾಗಲೇ ಆರಂಭವಾಗಿರುವುದರಿಂದ, ಟೆಸ್ಲಾ ತನ್ನ ಬಲವಾದ ಬ್ರ್ಯಾಂಡ್ ಆಕರ್ಷಣೆಯಿಂದ ಸುಸ್ಥಿರ ಗ್ರಾಹಕ ಪೈಪ್ಲೈನ್ ನಿರ್ಮಿಸಲು ಸಾಧ್ಯವಿದೆ ಎಂದು ಅವರು ಹೇಳಿದ್ದಾರೆ.

ಟೆಸ್ಲಾ ಭಾರತದ ಪ್ರವೇಶವನ್ನು ಮುಂಬೈನ ಬಾಂದ್ರಾ ಕುರ್ಲಾ ಸಂಕೀರ್ಣದಲ್ಲಿರುವ ಮೇಕರ್ ಮ್ಯಾಕ್ಸಿಟಿ ಮಾಲ್ನಲ್ಲಿ ತನ್ನ ಮೊದಲ ಶೋರೂಂ ತೆರೆದು ಆರಂಭಿಸಿದೆ. ಶಾಂಘೈ ಘಟಕದಿಂದ ಆಮದು ಮಾಡಲಾದ ಮಾದೆಲ್ ವೈ ಕಾರಿನ ಎರಡು ಮಾದರಿಗಳು (variants) ಪ್ರಸ್ತುತ ಪ್ರದರ್ಶನಕ್ಕಿರುವುದಾಗಿವೆ. ರಿಯರ್-ವೀಲ್ಡ್ ಡ್ರೈವ್ (RWD) ಮಾದರಿಯ ವಿತರಣೆಯು ಮೂರನೇ ತ್ರೈಮಾಸಿಕದ ಕೊನೆ ವೇಳೆಗೆ ಆರಂಭವಾಗಲಿದೆ, ಮತ್ತು ಲಾಂಗ್-ರೇಂಜ್ ಆವೃತ್ತಿಯ ವಿತರಣೆಯು ನಾಲ್ಕನೇ ತ್ರೈಮಾಸಿಕದಲ್ಲಿ ಆರಂಭವಾಗಲಿದೆ.

ಟೆಸ್ಲಾ ಮಾಡಲ್ ವೈ: ಭಾರತದಲ್ಲಿನ ಬೆಲೆಗಳು

ರಿಯರ್-ವೀಲ್ ಡ್ರೈವ್ ಮಾದರಿ: ಇದರ ಬೆಲೆ ₹60.1 ಲಕ್ಷ ($70,000).

ಲಾಂಗ್-ರೇಂಜ್ ಮಾದರಿ: ಇದರ ಬೆಲೆ ₹67.8 ಲಕ್ಷ ($79,000).

ಭಾರತದಲ್ಲಿನ ಈ ಬೆಲೆಗಳು ಇತರ ದೇಶಗಳಿಗೆ ಹೋಲಿಸಿದರೆ ಗಮನಾರ್ಹವಾಗಿ ಹೆಚ್ಚಿವೆ. ಉದಾಹರಣೆಗೆ:

ಅಮೆರಿಕ: ಇದೇ ಮಾಡಲ್ ವೈ ಬೆಲೆ ₹38.6 ಲಕ್ಷ ($44,990).

ಚೀನಾ: ಇದರ ಬೆಲೆ ₹30.5 ಲಕ್ಷ ($36,700).

ಜರ್ಮನಿ: ಇದರ ಬೆಲೆ ₹46 ಲಕ್ಷ ($53,700).

ಭಾರತದಲ್ಲಿ ಇಷ್ಟು ಹೆಚ್ಚಿನ ಬೆಲೆ ಇರುವುದಕ್ಕೆ ಮುಖ್ಯ ಕಾರಣ, ಎಲೆಕ್ಟ್ರಿಕ್ ವಾಹನಗಳ ಮೇಲಿನ ಹೆಚ್ಚಿನ ಆಮದು ಸುಂಕಗಳು ಎಂದು ವಿಶ್ಲೇಷಿಸಲಾಗಿದೆ.

ಚಿನ್ನ-ಬೆಳ್ಳಿ ದರ ಜಿಗಿತ: ಮಂಗಳವಾರ 10 ಗ್ರಾಂ ಚಿನ್ನ₹820 ಹೆಚ್ಚಳ, ಬೆಳ್ಳಿ ₹2,000 ಏರಿಕೆ!

ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ