ಮಳೆಗಾಲದ ಚಹಾ ಸಮಯಕ್ಕೆ ಪರ್ಫೆಕ್ಟ್ ಸ್ನ್ಯಾಕ್: ಹಿತಕಿದ ಅವರೆಕಾಳಿನ ಮಿಕ್ಸ್ಚರ್‌!

ಸಂಜೆಯ ವೇಳೆ ಚಹಾ ಅಥವಾ ಕಾಫಿ ಜೊತೆಗೆ ರುಚಿಕರವಾದ ಸ್ನ್ಯಾಕ್‌ ಸವಿಯುವ ಆಸೆ ಎಲ್ಲರಿಗೂ ಇರುತ್ತದೆ.ಸಾಮಾನ್ಯವಾಗಿ, ಬೋಂಡ, ಬಜ್ಜಿ, ಅಥವಾ ಮಸಾಲೆ ಕಡಲೆ ಇಂತಹ ತಿಂಡಿಗಳನ್ನು ನಾವು ಮನೆಯಲ್ಲಿ ಮಾಡಿ ಸವಿಯುತ್ತೇವೆ. ಅಂಗಡಿಗೆ ಹೋಗದೇ ಮನೆಯಲ್ಲೇ ತಯಾರಿಸಬಹುದಾದ ಒಂದು ಸೂಪರ್ ಸ್ನ್ಯಾಕ್ ಎಂದರೆ ಹಿತಕಿದ ಅವರೆಕಾಳಿನ ಮಿಕ್ಸ್ಚರ್. ಇದು ಆರೋಗ್ಯಕರವೂ ಆಗಿದ್ದು, ಸಿಹಿ-ಖಾರ ರುಚಿಯ ಸಂಯೋಜನೆಯಿಂದ ಮನಸ್ಸನ್ನು ಖುಷಿಪಡಿಸುತ್ತದೆ.ಇದು ಎಲ್ಲರಿಗೂ ಇಷ್ಟವಾಗುವ, ಮಸಾಲೆಭರಿತ ಮತ್ತು ಗರಿಗರಿಯಾದ ತಿನಿಸು. ಇದನ್ನು ತಯಾರಿಸುವುದು ಕೂಡ ತುಂಬಾ ಸುಲಭ. ನಿಮ್ಮ ಮನೆಯಲ್ಲಿ, ಅದರಲ್ಲೂ ಈ ಮಳೆಗಾಲದ ಸಮಯದಲ್ಲಿ, ಸಂಜೆ ಹೊತ್ತಿಗೆ ಏನಾದರೂ ಸ್ನ್ಯಾಕ್ಸ್ ಇದ್ದರೆ ದಿನವೇ ಅದ್ಭುತವಾಗಿರುತ್ತದೆ. ಬೋಂಡ, ಬಜ್ಜಿ, ಅಥವಾ ಮಸಾಲೆ ಕಡಲೆ ಹೀಗೆ ಹಲವು ರೀತಿಯ ತಿಂಡಿಗಳನ್ನು ನೀವು ಸವಿದಿರುತ್ತೀರಿ. ಅದೇ ರೀತಿ, ಅಂಗಡಿಗಳಲ್ಲಿ ಸಿಗುವ ರುಚಿಯಾದ ಹಿತಕಿದ ಅವರೆಕಾಳಿನ ಮಿಕ್ಸ್ಚರ್ ಅನ್ನು ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಬಹುದು.ಹೀಗಾಗಿ, ಮನೆಯಲ್ಲೇ ತಯಾರಿಸಬಹುದಾದ ಹಿತಕಿದ ಅವರೆಕಾಳಿನ ಮಿಕ್ಸ್ಚರ್ ಅನ್ನು ಹೇಗೆ ಮಾಡುವುದು ಎಂದು ನೋಡೋಣ.

ಅವರೆಕಾಳು ಮಿಕ್ಸ್ಚರ್ ಮಾಡುವ ವಿಧಾನ

ಬೇಕಾಗುವ ಸಾಮಗ್ರಿಗಳು:

ಒಣಗಿದ ಅವರೆಕಾಳು (ಸುಮಾರು 2 ಕಪ್)

ಶೇಂಗಾ ಬೀಜಗಳು (ಅರ್ಧ ಕಪ್)

ಒಣ ಕೊಬ್ಬರಿ ತುರಿ (ಅರ್ಧ ಕಪ್)

ಒಣ ದ್ರಾಕ್ಷಿ (ಕಾಲು ಕಪ್)

ಕರಿಬೇವು (ಸ್ವಲ್ಪ)

ಎಣ್ಣೆ (ಮಿಕ್ಸ್ಚರ್ ಕರಿಯಲು)

ಅಚ್ಚಖಾರದ ಪುಡಿ (ಅರ್ಧ ಟೀ ಚಮಚ)

ಉಪ್ಪು (ರುಚಿಗೆ ತಕ್ಕಷ್ಟು)

ಮಾಡುವ ವಿಧಾನ:

ಮೊದಲಿಗೆ, ಒಣಗಿದ ಅವರೆಕಾಳನ್ನು ಚೆನ್ನಾಗಿ ತೊಳೆದು, ರಾತ್ರಿಯಿಡೀ ಅಥವಾ ಕನಿಷ್ಠ 6-8 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ.

ನೆನೆಸಿದ ಅವರೆಕಾಳನ್ನು ನೀರು ತೆಗೆದು, ಕುಕ್ಕರ್‌ನಲ್ಲಿ ಹಾಕಿ ಸ್ವಲ್ಪ ಉಪ್ಪು ಸೇರಿಸಿ 2-3 ವಿಸಿಲ್ ಬರುವವರೆಗೆ ಬೇಯಿಸಿ. ಕಾಳುಗಳು ತುಂಬಾ ಮೆತ್ತಗಾಗಬಾರದು.

ಬೇಯಿಸಿದ ಕಾಳುಗಳಿಂದ ನೀರನ್ನು ಪೂರ್ತಿಯಾಗಿ ತೆಗೆದು, ಒಂದು ಬಟ್ಟೆಯ ಮೇಲೆ ಹರಡಿ 15-20 ನಿಮಿಷಗಳ ಕಾಲ ಒಣಗಲು ಬಿಡಿ.

ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ. ಒಣಗಿದ ಅವರೆಕಾಳನ್ನು ಮಧ್ಯಮ ಉರಿಯಲ್ಲಿ ಕರಿಯಿರಿ. ಕಾಳುಗಳು ಗರಿಗರಿಯಾಗಿ ಮತ್ತು ಚಿನ್ನದ ಬಣ್ಣ ಬರುವವರೆಗೆ ಕರಿಯಿರಿ.

ಅದೇ ಎಣ್ಣೆಯಲ್ಲಿ ಶೇಂಗಾ ಬೀಜಗಳು, ಒಣ ಕೊಬ್ಬರಿ ತುರಿ, ಮತ್ತು ಕರಿಬೇವಿನ ಎಲೆಗಳನ್ನು ಪ್ರತ್ಯೇಕವಾಗಿ ಕರಿದು ತೆಗೆದಿಟ್ಟುಕೊಳ್ಳಿ.

ಒಂದು ದೊಡ್ಡ ಬೌಲ್‌ನಲ್ಲಿ ಕರೆದ ಅವರೆಕಾಳು, ಶೇಂಗಾ, ಒಣ ಕೊಬ್ಬರಿ, ಮತ್ತು ಕರಿಬೇವನ್ನು ಹಾಕಿ. ಅದಕ್ಕೆ ಅಚ್ಚಖಾರದ ಪುಡಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಎಲ್ಲವೂ ಸಮವಾಗಿ ಬೆರೆಯುವಂತೆ ನೋಡಿಕೊಳ್ಳಿ.

ರುಚಿಕರವಾದ ಅವರೆಕಾಳು ಮಿಕ್ಸ್ಚರ್ ಈಗ ಸಿದ್ಧವಾಗಿದೆ. ಇದನ್ನು ಗಾಳಿಯಾಡದ ಡಬ್ಬದಲ್ಲಿ ಸಂಗ್ರಹಿಸಿಟ್ಟರೆ ಒಂದು ವಾರಕ್ಕೂ ಹೆಚ್ಚು ಕಾಲ ಗರಿಗರಿಯಾಗಿರುತ್ತದೆ.ಈ ಸಿಂಪಲ್ ರೆಸಿಪಿಯನ್ನು ಟ್ರೈ ಮಾಡಿ ಮತ್ತು ನಿಮ್ಮ ಸಂಜೆಯನ್ನು ಇನ್ನಷ್ಟು ರುಚಿಕರವಾಗಿಸಿಕೊಳ್ಳಿ

ರಕ್ಷಾ ಬಂಧನದಂದು ಮನೆಯಲ್ಲೇ ತಯಾರಿಸೋ ಟೇಸ್ಟಿ ಮಿಲ್ಕ್ ಕೇಕ್ ಎಷ್ಟು ಸುಲಭವಾಗಿ ಮಾಡಬಹುದು ಗೊತ್ತಾ

ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ