ಮೋದಿ ಎಂಬ ಪದನಾಮವನ್ನು ರಾಹುಲ್ ಗಾಂಧಿ ನಿಂದಿಸಿದ್ದಾರೆಂದು ದಾಖಲಾಗಿದ್ದ ಪ್ರಕರಣದಲ್ಲಿ ರಾಹುಲ್ ಗಾಂಧಿ ಪರವಾಗಿ ನ್ಯಾಯಾಲಯದಲ್ಲಿ ವಾದಿಸಿದ್ದ ಫಿರೋಜ್ ಪಠಾಣ್ ಶವವಾಗಿದ್ದಾರೆ! ಮೃತದೇಹವನ್ನು ಪೋಲಿಸರು ಹುಡುಕಿ ಪತ್ತೆಹಚ್ಚಿದ್ದಾರೆ.
ವಕೀಲ ಮತ್ತು ಮಾಜಿ ಕಾಂಗ್ರೆಸ್ ಕಾನೂನು ಸಂಚಾಲಕ ವಕೀಲ ಫಿರೋಜ್ ಪಠಾಣ್ ಸೆಪ್ಟೆಂಬರ್ 5ರಂದು ಕೇಬಲ್ ಸೇತುವೆಯಿಂದ ತಾಪಿ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದು ಹುಡುಕಾಟದ ನಂತರ, ಇಂದು ಬೆಳಿಗ್ಗೆ ಉಭರತ್ ದಡದಲ್ಲಿ ಅವರ ಮೃತದೇಹ ಪತ್ತೆಯಾಗಿದೆ.
ಫಿರೋಜ್ ಪಠಾಣ್ ಕೆಲವು ಸಮಯದಿಂದ ಕುಟುಂಬ ಮತ್ತು ಆರ್ಥಿಕ ಸಮಸ್ಯೆಗಳಿಂದ ಬಳಲುತ್ತಿದ್ದರು. ಆರ್ಥಿಕ ತೊಂದರೆಗಳು ಮತ್ತು ಆಸ್ತಿಯ ಮೇಲೆ ಪಡೆದ ಸಾಲವನ್ನು ಮರುಪಾವತಿಸಲು ಅಸಮರ್ಥತೆಯಿಂದಾಗಿ ಅವರು ಖಿನ್ನತೆಗೆ ಒಳಗಾಗಿದ್ದರು ಎನ್ನಲಾಗಿದೆ.
ಅವರು ಕಳೆದ ವರ್ಷವೂ ಆತ್ಮಹತ್ಯೆಗೆ ಯತ್ನಿಸಿದ್ದರು.ಫಿರೋಜ್ ಪಠಾಣ್ ಆತ್ಮಹತ್ಯೆ ಮಾಡಿಕೊಳ್ಳುವ ಮೊದಲು ತಮ್ಮ ಕಿರಿಯ ವಕೀಲ ದೀಪಕ್ ಅವರಿಗೆ ಕರೆ ಮಾಡಿ, ನನಗೆ ಏನಾದರೂ ಸಂಭವಿಸಿದರೆ, ನ್ಯಾಯಾಲಯದ ಪಕ್ಕದ ಸೇತುವೆಯ ಮೇಲೆ ನನ್ನನ್ನು ಹುಡುಕಿ ಬನ್ನಿ ಎಂದು ಹೇಳಿದ್ದರು. ದೀಪಕ್ ತಕ್ಷಣ ಫಿರೋಜ್ ಅವರ ಮಗನಿಗೆ ಮಾಹಿತಿ ನೀಡಿದ್ದು, ಸೇತುವೆಯ ಕೆಳಗಿರುವ ಪಾರ್ಕಿಂಗ್ ಸ್ಥಳದಲ್ಲಿ ಫಿರೋಜ್ ಅವರ ಕಾರು ಪತ್ತೆಯಾಗಿದೆ.
ಪೊಲೀಸರು ಮತ್ತು ಅಗ್ನಿಶಾಮಕ ದಳದ ತಂಡವು ತಕ್ಷಣ ಸ್ಥಳಕ್ಕೆ ತಲುಪಿ, ತಾಪಿ ನದಿಯ ರಭಸದಿಂದ ಹರಿಯುವ ಪ್ರವಾಹದಲ್ಲಿ ಹುಡುಕಾಟ ಆರಂಭಿಸಿತು. ತೀವ್ರ ಹುಡುಕಾಟದ ನಂತರ, ಇಂದು ಮುಂಜಾನೆ ಉಭಾರತ್ ನದಿಯ ದಡದಲ್ಲಿ ಅವರ ಶವ ಪತ್ತೆಯಾಗಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.