ಹಣ ಉಳಿಸಿ ಭವಿಷ್ಯ ಭದ್ರಗೊಳಿಸಿ LIC ನಿಂದ ಸೀಮಿತ ಅವಧಿಗೆ ಲಭ್ಯವಿರುವ ಸೂಪರ್ ಯೋಜನೆಗಳು

ಯುವ ಜನರಲ್ಲಿ ಉಳಿತಾಯವನ್ನು ಉತ್ತೇಜಿಸುವ ಉದ್ದೇಶದಿಂದ ಭಾರತೀಯ ಜೀವ ವಿಮಾ ನಿಗಮ (LIC) ಎರಡು ಹೊಸ ಪಾಲಿಸಿಗಳನ್ನು ಪರಿಚಯಿಸಿದೆ. ಈ ಯೋಜನೆಗಳು ಉಳಿತಾಯದ ಜೊತೆಗೆ ವಿಮಾ ರಕ್ಷಣೆಯನ್ನು ಒದಗಿಸುವ ನಾನ್-ಪಾರ್ಟಿಸಿಪೇಟಿಂಗ್, ನಾನ್-ಲಿಂಕ್ಡ್ ಎಂಡೋವ್‌ಮೆಂಟ್ ಪಾಲಿಸಿಗಳಾಗಿವೆ. ಪಾಲಿಸಿ ತೆಗೆದುಕೊಳ್ಳುವವರ ಜೀವನ ಹಂತಗಳಿಗೆ ತಕ್ಕಂತೆ ಅಗತ್ಯಗಳನ್ನು ಪೂರೈಸುವಂತೆ ಈ ಯೋಜನೆಗಳನ್ನು ವಿನ್ಯಾಸಗೊಳಿಸಲಾಗಿದೆ ಎಂದು LIC ತಿಳಿಸಿದೆ.’ನವ ಜೀವನ ಶ್ರೀ’ ಮತ್ತು ‘ನವ ಜೀವನ ಶ್ರೀ ಏಕ ಪ್ರೀಮಿಯಂ’ ಎಂಬ ಹೆಸರಿನಲ್ಲಿ ಈ ಎರಡು ಹೊಸ ಯೋಜನೆಗಳು ಮಾರುಕಟ್ಟೆಗೆ ಬಂದಿವೆ. ಈ ಯೋಜನೆಗಳು ಉಳಿತಾಯದೊಂದಿಗೆ ಜೀವ ವಿಮೆಯ ರಕ್ಷಣೆಯನ್ನೂ ಒದಗಿಸುತ್ತವೆ. LIC ಸಂಸ್ಥೆಯ ಮೇಲೆ ಸಾರ್ವಜನಿಕರ ನಂಬಿಕೆ ಗಟ್ಟಿಯಾಗಿದ್ದು, ತಮ್ಮ ದುಡಿತದ ಹಣಕ್ಕೆ ಸುರಕ್ಷತೆ ಮತ್ತು ಉತ್ತಮ ಆದಾಯವನ್ನು ಬಯಸುವವರಿಗೆ LIC ಯಾವಾಗಲೂ ಮೊದಲ ಆಯ್ಕೆಯಾಗಿರುತ್ತದೆ.ಒಂದು ಪ್ರಮುಖ ವಿಷಯ: ಈ ಯೋಜನೆಗಳು ಸೀಮಿತ ಅವಧಿಗೆ ಮಾತ್ರ ಲಭ್ಯ. ಜುಲೈ 4, 2024 ರಿಂದ ಮಾರ್ಚ್ 31, 2025 ರೊಳಗೆ ಮಾತ್ರ ಈ ಪಾಲಿಸಿಗಳನ್ನು ಖರೀದಿಸಬಹುದು.

LIC ನವ ಜೀವನ್ ಶ್ರೀ ಪಾಲಿಸಿ ವಿವರ (Nav Jeevan Shri Policy Details)

ಬಾಲ್ಯದಿಂದಲೇ ಉಳಿತಾಯ, ನಿವೃತ್ತಿಯ ವೇಳೆಗೆ ಭದ್ರತಾ ಮೊತ್ತ ಎಂಬ ಗುರಿಯೊಂದಿಗೆ, LIC ತನ್ನ ಹೊಸ ಪಾಲಿಸಿಯಾದ ನವ ಜೀವನ್ ಶ್ರೀ ಯೋಜನೆಯನ್ನು ಪರಿಚಯಿಸಿದೆ. ಇದು ಉಳಿತಾಯದ ಜೊತೆಗೆ ಜೀವ ವಿಮಾ ಸುರಕ್ಷೆಯನ್ನೂ ಒದಗಿಸುವ ಶ್ರೇಷ್ಠ ಯೋಜನೆಯಾಗಿದ್ದು, ವಿವಿಧ ಆಯ್ಕೆಗಳನ್ನು ಹೊಂದಿದೆ.

ಯಾರು ಪಾಲಿಸಿಯನ್ನು ಖರೀದಿಸಬಹುದು?

ಕನಿಷ್ಠ ಪ್ರವೇಶ ವಯಸ್ಸು: 30 ದಿನದ ಮಗು,ಗರಿಷ್ಠ ಪ್ರವೇಶ ವಯಸ್ಸು: 60 ವರ್ಷ

ಪಾಲಿಸಿ ಅವಧಿ (Policy Term):ನಿಮ್ಮ ಆಯ್ಕೆಯ ಪ್ರಕಾರ, 10 ರಿಂದ 16 ವರ್ಷಗಳ ಅವಧಿ ತನಕ ಪಾಲಿಸಿ ಇರಬಹುದು

ಗರಿಷ್ಠ ಪಾಲಿಸಿ ಅವಧಿ: 20 ವರ್ಷ

ಪ್ರೀಮಿಯಂ ಪಾವತಿ ಅವಧಿ (Premium Paying Term):ನಿಮ್ಮ ಆಯ್ಕೆಯಂತೆ 6, 8, 10 ಅಥವಾ 12 ವರ್ಷಗಳ ಕಾಲ ಪ್ರೀಮಿಯಂ ಪಾವತಿಸಬಹುದು

ಪ್ರೀಮಿಯಂ ಪಾವತಿ ವಿಧಾನಗಳು:ಮಾಸಿಕ (Monthly),ತ್ರೈಮಾಸಿಕ (Quarterly),ಅರ್ಧವಾರ್ಷಿಕ (Half-Yearly),ವಾರ್ಷಿಕ (Yearly)

ಕನಿಷ್ಠ ವಿಮಾ ಮೊತ್ತ (Sum Assured):₹ 5 ಲಕ್ಷ,ಗರಿಷ್ಠ ಸಮ್ಮಿತಿಯಿಲ್ಲ (No Upper Limit)

ಖಾತರಿಪಡಿಸಿದ ಸೇರ್ಪಡೆಗಳು (Guaranteed Additions):ಪಾಲಿಸಿ ಅವಧಿಯನ್ನು ಅವಲಂಬಿಸಿ,ಪ್ರೀಮಿಯಂ ಮೊತ್ತದ 8.50% ರಿಂದ 9.50% ರಷ್ಟು ಖಾತರಿಪಡಿಸಿದ ಬೋನಸ್ ರೂಪದಲ್ಲಿ ಸೇರಿಸಲಾಗುತ್ತದೆ

LIC ನವ ಜೀವನ ಶ್ರೀ ಪಾಲಿಸಿಯಲ್ಲಿ ಬಡ್ಡಿ ಗ್ಯಾರಂಟಿ ಇದೆ. ಉದಾಹರಣೆಗೆ, ನೀವು ಸುಮಾರು ₹5.40 ಲಕ್ಷವನ್ನು ಒಂದೇ ಪ್ರೀಮಿಯಂ ಆಗಿ ಹೂಡಿಕೆ ಮಾಡಿದರೆ, 5 ವರ್ಷಗಳ ನಂತರ ನಿಮಗೆ ₹7.12 ಲಕ್ಷದಷ್ಟು ಮೊತ್ತ ಹಿಂತಿರುಗುತ್ತದೆ. ಇದಲ್ಲದೆ, ಪಾಲಿಸಿ ಅವಧಿಯಲ್ಲಿ ಅನಾಹುತ ಸಂಭವಿಸಿದರೆ, ನಾಮಿನಿಗೆ ₹9 ಲಕ್ಷಕ್ಕಿಂತ ಹೆಚ್ಚು ವಿಮಾ ಮೊತ್ತ ದೊರೆಯುವ ವ್ಯವಸ್ಥೆಯೂ ಇದೆ.ಈ ಯೋಜನೆಯು ಹೂಡಿಕೆಗೆ ಖಾತರಿಪಡಿಸಿದ ಬಡ್ಡಿಯನ್ನು ಒದಗಿಸುವುದರ ಜೊತೆಗೆ, ವಿಮಾ ರಕ್ಷಣೆಯ ಭರವಸೆ ಕೂಡ ಒದಗಿಸುತ್ತದೆ. ಆದಾಯದ ಪ್ರಮಾಣ ನಿಮ್ಮ ಹೂಡಿಕೆ ಮೊತ್ತ, ಆಯ್ಕೆ ಮಾಡಿದ ಅವಧಿ ಮತ್ತು ಪಾಲಿಸಿ ನಿಯಮಗಳಿಗೆ ಅನುಗುಣವಾಗಿ ಬದಲಾಗಬಹುದು.

LIC ನವ ಜೀವನ ಶ್ರೀ ಸಿಂಗಲ್ ಪ್ರೀಮಿಯಂ

ಒಂದೇ ಬಾರಿ ದೊಡ್ಡ ಮೊತ್ತವನ್ನು ಹೂಡಲು ಬಯಸುವವರಿಗೆ LIC ನವ ಜೀವನ ಶ್ರೀ ಸಿಂಗಲ್ ಪ್ರೀಮಿಯಂ (Nav Jeevan Shri Single Premium, Plan No. 911) ಪಾಲಿಸಿ ಅತ್ಯುತ್ತಮ ಆಯ್ಕೆ.

ಈ ಯೋಜನೆಯ ಪ್ರಮುಖ ವಿವರಗಳು ಹೀಗಿವೆ:

ಹೂಡಿಕೆ ವಿಧಾನ: ಒಂದೇ ಬಾರಿ ಸಿಂಗಲ್ ಪ್ರೀಮಿಯಂ ಪಾವತಿ.

ಕನಿಷ್ಠ ಪ್ರೀಮಿಯಂ: ₹1 ಲಕ್ಷ (₹1,00,000), ನಂತರ ₹10,000 ಗಳ ಹೆಚ್ಚುವರಿಯಲ್ಲಿ ₹2 ಲಕ್ಷವರೆಗೆ, ಅದಕ್ಕಿಂತ ಮೇಲೆ ₹25,000 ಗಳ ಹೆಚ್ಚುವರಿಯಲ್ಲಿ ಪಾವತಿ ಮಾಡಬಹುದು.

ಗರಿಷ್ಠ ಮಿತಿ: ಗರಿಷ್ಠ ಪ್ರೀಮಿಯಂ ಮೊತ್ತಕ್ಕೆ ಯಾವುದೇ ಮಿತಿ ಇಲ್ಲ.

ಅರ್ಹತೆ: 30 ದಿನದ ಮಗುವಿನಿಂದ 60 ವರ್ಷ ವಯಸ್ಸಿನವರೆಗೆ ಪಾಲಿಸಿ ತೆಗೆದುಕೊಳ್ಳಬಹುದು (option 1); option 2 ಗೆ ಗರಿಷ್ಠ ಪ್ರವೇಶ ವಯಸ್ಸು 40 ವರ್ಷ.

ಪಾಲಿಸಿ ಅವಧಿ: ಕನಿಷ್ಠ 5 ವರ್ಷ, ಗರಿಷ್ಠ 20 ವರ್ಷ.

ವಿಮಾನ ರಕ್ಷಣೆ: ಪಾವತಿಸಿದ ಪ್ರೀಮಿಯಂನ 10 ಪಟ್ಟು ವಿಮಾ ರಕ್ಷಣೆ (option 2) ಅಥವಾ 1.25 ಪಟ್ಟು (option 1) ಆಯ್ಕೆಮಾಡಬಹುದು.

ಖಾತರಿಪಡಿಸಿದ ಸೇರ್ಪಡೆಗಳು: ಪ್ರತಿ ₹1,000 ಮೂಲ ವಿಮಾ ಮೊತ್ತಕ್ಕೆ ವರ್ಷಕ್ಕೆ ₹85 ರಷ್ಟು ಖಾತರಿಪಡಿಸಿದ ಸೇರ್ಪಡೆಗಳು ಪಾಲಿಸಿ ಅವಧಿಯಲ್ಲೆಲ್ಲಾ ಲಭ್ಯ.

ಮ್ಯಾಚ್ಯೂರಿಟಿ ಲಾಭ: ಪಾಲಿಸಿ ಅವಧಿ ಪೂರ್ಣಗೊಂಡಾಗ ಮೂಲ ವಿಮಾ ಮೊತ್ತದ ಜೊತೆಗೆ ಎಲ್ಲಾ ಖಾತರಿಪಡಿಸಿದ ಸೇರ್ಪಡೆಗಳು ದೊರೆಯುತ್ತವೆ.

ಮರಣ ಲಾಭ: ಆಯ್ಕೆ ಮಾಡಿದ ವಿಮಾ ರಕ್ಷಣೆಯ ಪ್ರಕಾರ, ಮರಣದ ಸಂದರ್ಭದಲ್ಲಿ ನಾಮಿನಿಗೆ ಹೆಚ್ಚಿನ ಮೊತ್ತ ದೊರೆಯುತ್ತದೆ.

ಸೌಲಭ್ಯಗಳು: ಸಾಲ ಪಡೆಯುವ ಅವಕಾಶ, ಮ್ಯಾಚ್ಯೂರಿಟಿ ಅಥವಾ ಮರಣ ಲಾಭವನ್ನು ಹಂತ ಹಂತವಾಗಿ ಪಡೆಯುವ ಆಯ್ಕೆ, ಹೆಚ್ಚುವರಿ ವಿಮಾ ಮೊತ್ತಕ್ಕೆ ರಿಯಾಯಿತಿ.

LIC ನವ ಜೀವನ ಶ್ರೀ ಸಿಂಗಲ್ ಪ್ರೀಮಿಯಂ ಪಾಲಿಸಿ, ಒಂದೇ ಬಾರಿ ಹೂಡಿಕೆ ಮಾಡುವವರಿಗೆ ಖಾತರಿಪಡಿಸಿದ ಸೇರ್ಪಡೆಗಳೊಂದಿಗೆ ಉಳಿತಾಯ ಮತ್ತು ಜೀವ ವಿಮೆ ರಕ್ಷಣೆಯನ್ನು ಒದಗಿಸುತ್ತದೆ. ಇದು ದೀರ್ಘಾವಧಿಯಲ್ಲಿ ಭದ್ರವಾದ ಆದಾಯ ಮತ್ತು ವಿಮಾ ಸುರಕ್ಷತೆ ಬಯಸುವವರಿಗೆ ಸೂಕ್ತ ಯೋಜನೆ

ವಿಮೆ ದಾಖಲೆ ಕಳೆದುಹೋಗಿದ್ರೆ ಇನ್ನು ಚಿಂತೆ ಬೇಡ ನೀವು ತೆಗೆದುಕೊಳ್ಳಬೇಕಾದ ಹಂತಗಳು

ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ

ಎಐ ಅಡ್ವೋಕೇಟ್‌ ಅಸಿಸ್ಟೆಂಟ್‌ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ