ಮಕ್ಕಳ ಟಿಫಿನ್‌ಬಾಕ್ಸ್‌ಗೂ ಫಿಟ್ ಪೌಷ್ಟಿಕ ಹೆಸರು ಕಾಳಿನ ದೋಸೆ ರೆಸಿಪಿ ಇಲ್ಲಿದೆ

ಹೆಸರು ಕಾಳಿನ ದೋಸೆ (Moong Dal Dosa) ಪೌಷ್ಟಿಕಾಂಶಭರಿತ ಹಾಗೂ ಆರೋಗ್ಯಕರ ಉಪಹಾರವಾಗಿ ಪರಿಗಣಿಸಲಾಗಿದೆ. ಇದು ಪ್ರೋಟೀನ್, ಫೈಬರ್, ವಿಟಮಿನ್‌ಗಳು ಮತ್ತು ಖನಿಜಗಳನ್ನು ಒದಗಿಸುವುದರಿಂದ ಒಟ್ಟಾರೆ ಆರೋಗ್ಯಕ್ಕೆ ಬಹಳ ಪ್ರಯೋಜನಕಾರಿ. ತೂಕ ನಷ್ಟ ಆಹಾರದ ಭಾಗವಾಗಿ ಹೆಸರು ಕಾಳಿನ ದೋಸೆಯನ್ನು ಸೇರಿಸಬಹುದು, ಏಕೆಂದರೆ ಇದರಲ್ಲಿ ಕಡಿಮೆ ಕ್ಯಾಲೊರಿ ಮತ್ತು ಹೆಚ್ಚು ಪ್ರೋಟೀನ್ ಇದೆ. ಮಧುಮೇಹ ಮತ್ತು ಹೃದಯ ಕಾಯಿಲೆಯವರು ಸಹ ಈ ದೋಸೆಯನ್ನು ಚಿಂತಿಸದೆ ಸೇವಿಸಬಹುದು, ಏಕೆಂದರೆ ಇದು ಕಡಿಮೆ ಗ್ಲೈಸೆಮಿಕ್ ಇಂಡೆಕ್ಸ್ ಹೊಂದಿದ್ದು, ಹೃದಯ ಆರೋಗ್ಯಕ್ಕೂ ಸಹಕಾರಿ.

ಮಕ್ಕಳಿಗೆ ಹೆಸರು ಕಾಳಿನ ದೋಸೆ ಪೌಷ್ಟಿಕಾಂಶದ ಗುಣಮಟ್ಟವನ್ನು ಹೆಚ್ಚಿಸುತ್ತದೆ. ವಾರದಲ್ಲಿ ಕನಿಷ್ಠ ಎರಡು ದಿನ ಅವರ ಟಿಫಿನ್ ಬಾಕ್ಸ್‌ನಲ್ಲಿ ಹೆಸರು ಕಾಳಿನ ಖಾದ್ಯವನ್ನು ಸೇರಿಸುವುದು ಉತ್ತಮ. ದಿನವೂ ನೀರುದೋಸೆ, ಉದ್ದಿನ ದೋಸೆ, ಅವಲಕ್ಕಿ ದೋಸೆ, ಮೆಂತೆ ದೋಸೆ ಮುಂತಾದವುಗಳನ್ನು ತಿಂದು ಬೇಸರವಾದಾಗ, ಹೆಸರು ಕಾಳಿನ ದೋಸೆ ವಿಭಿನ್ನ ರುಚಿ ಮತ್ತು ಪೌಷ್ಟಿಕತೆ ನೀಡುತ್ತದೆ. ಬಿಸಿಬಿಸಿ ಹೆಸರು ಕಾಳಿನ ದೋಸೆಯನ್ನು ನಿಮ್ಮ ನೆಚ್ಚಿನ ಚಟ್ನಿಯೊಂದಿಗೆ ಸೇವಿಸಿದರೆ ಇನ್ನಷ್ಟು ರುಚಿಕರವಾಗುತ್ತದೆ.ಹೆಸರು ಕಾಳಿನ ದೋಸೆಯನ್ನು ವಿವಿಧ ರೀತಿಯಲ್ಲಿ ತಯಾರಿಸಬಹುದು: ಬೆಳ್ಳುಳ್ಳಿ, ಮೆಂತೆ, ಕೊತ್ತಂಬರಿ ಸೊಪ್ಪು ಅಥವಾ ಸಾಂಬಾರ್ ಪೌಡರ್ ಸೇರಿಸಿ ಹೊಸ ರುಚಿ ತರಬಹುದು. ಹೀಗೆ, ಆರೋಗ್ಯಕರ ಮತ್ತು ಸವಿಯಾದ ದೋಸೆ ತಯಾರಿಸುವ ಹಲವು ಆಯ್ಕೆಗಳು ನಿಮಗೆ ಲಭ್ಯ.ಹಾಗಾದರೆ ತಡ ಮಾಡದೇ ಇಂದು ನಾವು ಸುಲಭ ಮತ್ತು ರುಚಿಕರ ಹೆಸರು ಕಾಳಿನ ದೋಸೆ ಪಾಕ ವಿಧಾನ ಹೇಗೆ ತಯಾರಿಸುವುದು ಎಂದು ನೋಡೋಣ

ಹೆಸರು ಕಾಳಿನ ದೋಸೆ ಮಾಡಲು ಬೇಕಾಗುವ ಸಾಮಗ್ರಿಗಳು

ಹೆಸರು ಕಾಳು- 2 ಕಪ್,

ಹಸಿರು ಮೆಣಸಿನಕಾಯಿ – 2,

ನೆನೆಸಿದ ಅಕ್ಕಿ – ½ ಕಪ್,

ಪಾಲಕ – 100 ಗ್ರಾಂ,

ಉಪ್ಪು ರುಚಿಗೆ ತಕ್ಕಷ್ಟು,

ಶುಂಠಿ – ಒಂದು ಸಣ್ಣ ತುಂಡು,

ಕರಿಮೆಣಸು,

ಹುರಿದ ಜೀರಿಗೆ ಪುಡಿ,

ತುಪ್ಪ .

ಹೆಸರು ಕಾಳಿನ ದೋಸೆ ತಯಾರಿಸುವ ವಿಧಾನ:

ಹೆಸರು ಕಾಳನ್ನು ಮೊದಲು ಆರು ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ.

ನೆನೆದು ಊದಿಕೊಂಡ ನಂತರ, ಬ್ಲೆಂಡರ್ ಜಾರ್‌ನಲ್ಲಿ ನೆನೆದ ಹೆಸರು ಕಾಳು, ನೆನೆಸಿದ ಅಕ್ಕಿ, ಪಾಲಕ್, ಕೊತ್ತಂಬರಿ ಸೊಪ್ಪು, ಹಸಿರು ಮೆಣಸಿನಕಾಯಿ ಮತ್ತು ಶುಂಠಿ ಸೇರಿಸಿ ನಯವಾದ ಪೇಸ್ಟ್ ತಯಾರಿಸಿ.

ರುಚಿಗೆ ತಕ್ಕಷ್ಟು ಉಪ್ಪು, ಕರಿಮೆಣಸು, ಜೀರಿಗೆ ಪುಡಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ದೋಸೆಗೆ ಸ್ಥಿರತೆ ನೀಡಲು ಬೇಕಾದರೆ ಸ್ವಲ್ಪ ಮೊಸರು ಸೇರಿಸಬಹುದು.

ಮಧ್ಯಮ ಉರಿಯಲ್ಲಿ ನಾನ್ ಸ್ಟಿಕ್ ಪ್ಯಾನ್ ಅನ್ನು ಬೆಚ್ಚಗಾಗಲು ಬಿಡಿ.

ನಂತರ, ಪ್ಯಾನ್‌ಗೆ ಸ್ವಲ್ಪ ತುಪ್ಪ ಹಾಕಿ ನೀರು ಚಿಮುಕಿಸಿ, ಹತ್ತಿ ಬಟ್ಟೆಯಿಂದ ಸ್ವಚ್ಛಗೊಳಿಸಿ.

ಬಾಣಲೆಯ ಮೇಲೆ ಹಿಟ್ಟನ್ನು ಸುರಿಸಿ, ದೋಸೆಯ ಆಕಾರಕ್ಕೆ ತನ್ನಿ.ದೋಸೆಯನ್ನು ಬಿಸಿ ಬಿಸಿ ಸವಿಯಿರಿ.ಈ ರೀತಿಯಾಗಿ ತಯಾರಿಸಿದ ಹೆಸರು ಕಾಳಿನ ದೋಸೆ ಪೌಷ್ಟಿಕಾಂಶಭರಿತ ಮತ್ತು ರುಚಿಕರವಾಗಿರುತ್ತದೆ.

ಮಳೆಗಾಲಕ್ಕೆ ಸೂಕ್ತ ತಿಂಡಿ: ಮನೆಯಲ್ಲೇ ತಯಾರಿಸಿ ರುಚಿಕರ ಭೇಲ್ ಪುರಿ

ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ

ಎಐ ಅಡ್ವೋಕೇಟ್‌ ಅಸಿಸ್ಟೆಂಟ್‌ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ