ಡಿಗ್ರಿ ಬೇಡ ಸ್ಕಿಲ್ ಇದ್ದರೆ ಸಾಕು ಬೆಂಗಳೂರು ಸಂಸ್ಥೆಯಿಂದ ₹1 ಕೋಟಿ ಸಂಬಳದ ಜಾಬ್ ಆಫರ್

ಲಿಂಕ್ಡ್ ಇನ್ ಮತ್ತು ಇತರ ಸಾಮಾಜಿಕ ಜಾಲತಾಣಗಳಲ್ಲಿ ವಿವಿಧ ರೀತಿಯ ಜಾಬ್ ಆಫರ್‌ಗಳು ಹರಿದು ಬರುತ್ತಿರುವ ಈ ದಿನಗಳಲ್ಲಿ, ವರ್ಷಕ್ಕೆ ₹1 ಕೋಟಿ ಸಂಬಳದ ಜಾಬ್ ಆಫರ್‌ ಒಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಬೆಂಗಳೂರು ಮೂಲದ ಎಐ ಸ್ಟಾರ್ಟಪ್ Smallest AI ಸಂಸ್ಥಾಪಕ ಸುದರ್ಶನ ಕಾಮತ್ ಈ ವಿಶಿಷ್ಟ ಉದ್ಯೋಗಾವಕಾಶವನ್ನು ಘೋಷಿಸಿದ್ದಾರೆ.ಈ ಜಾಬ್‌ಗೆ ಐಐಟಿ ಅಥವಾ ಎನ್ಐಟಿ ಪದವಿ ಅಗತ್ಯವಿಲ್ಲ, ಸಿವಿ ಕೂಡ ಕೇಳಲಾಗುವುದಿಲ್ಲ. ಕೇವಲ 4-5 ವರ್ಷಗಳ ಅನುಭವವಿರುವ, Next JS, Python, React JSನಲ್ಲಿ ಪ್ರೌಢತೆ ಹೊಂದಿರುವ ಅಭ್ಯರ್ಥಿಗಳಿಗೆ ಅವಕಾಶ ನೀಡಲಾಗಿದೆ. ಆಯ್ಕೆ ಪ್ರಕ್ರಿಯೆಯಲ್ಲಿ ಅಭ್ಯರ್ಥಿಗಳು ಕೇವಲ 100 ಪದಗಳ ಪರಿಚಯ ಮತ್ತು ತಮ್ಮ ಉತ್ತಮ ಕೆಲಸದ ಲಿಂಕ್‌ಗಳನ್ನು ಸಲ್ಲಿಸಬೇಕು.ಈ ಹುದ್ದೆಗೆ ವಾರಕ್ಕೆ 5 ದಿನ ಕಾರ್ಯಾಲಯಕ್ಕೆ ಹಾಜರಾಗಬೇಕಾಗಿದ್ದು, ವಾರ್ಷಿಕ ಪ್ಯಾಕೇಜ್‌ನಲ್ಲಿ ₹60 ಲಕ್ಷ ನಿಗದಿತ ಸಂಬಳ ಮತ್ತು ₹40 ಲಕ್ಷ ಕಂಪನಿಯ ಈಎಸ್‌ಒಪಿ (ESOPs) ಒಳಗೊಂಡಿದೆ. ಈ ಆಫರ್‌ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಪದವಿಯ ಅಗತ್ಯವಿಲ್ಲದೆ ಶುದ್ಧ ಕೌಶಲ್ಯ ಆಧಾರಿತ ನೇಮಕಾತಿಗೆ ಒತ್ತು ನೀಡಿರುವುದು ವಿಶೇಷವಾಗಿದೆ.ಅರ್ಹತೆ, ಜಾಬ್ ವಿವರ ಮತ್ತು ಅರ್ಜಿ ಸಲ್ಲಿಸುವ ವಿಧಾನಗಳ ಬಗ್ಗೆ ಹೆಚ್ಚಿನ ಮಾಹಿತಿ Smallest AI ಸಂಸ್ಥೆಯ ಅಧಿಕೃತ ಜಾಲತಾಣ ಅಥವಾ ಸಾಮಾಜಿಕ ಜಾಲತಾಣಗಳಲ್ಲಿ ಲಭ್ಯವಿದೆ.

ಅಗತ್ಯ ಅರ್ಹತೆಗಳು

ಈ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಈ ಕೆಳಗಿನ ಅರ್ಹತೆಗಳನ್ನು ಹೊಂದಿರಬೇಕು:

ಕನಿಷ್ಠ 4-5 ವರ್ಷಗಳ ಅನುಭವ: ಅಭ್ಯರ್ಥಿಗಳು ಫುಲ್ ಸ್ಟಾಕ್ ಡೆವಲಪ್‌ಮೆಂಟ್‌ನಲ್ಲಿ 4-5 ವರ್ಷಗಳ ಕೆಲಸದ ಅನುಭವವನ್ನು ಹೊಂದಿರಬೇಕು.

ತಾಂತ್ರಿಕ ಕೌಶಲ್ಯಗಳು: ನೆಕ್ಸ್ಟ್ ಜೆಎಸ್ (Next.js), ಪೈಥಾನ್ (Python) ಮತ್ತು ರಿಯಾಕ್ಟ್ ಜೆಎಸ್ (React.js) ಜೊತೆಗೆ ಕೋಡಿಂಗ್‌ನಲ್ಲಿ ಪರಿಣತಿ.

ಹೆಚ್ಚುವರಿ ಅನುಭವ: 0 ರಿಂದ 100 ರವರೆಗೆ ಸಿಸ್ಟಮ್ ಸ್ಕೇಲಿಂಗ್ (System Scaling) ಸಿಸ್ಟಮ್‌ಗಳೊಂದಿಗೆ ಕೆಲಸ ಮಾಡಿದ ಅನುಭವವಿದ್ದರೆ ಬೋನಸ್ ಅಂಕಗಳನ್ನು ಪಡೆಯಬಹುದು.

<blockquote class="twitter-tweet"><p lang="en" dir="ltr">Hiring a cracked full-stack lead at Smallest AI<br><br>Salary CTC - 1 Cr<br>Salary Base - 60 LPA<br>Salary ESOPs - 40 LPA<br>Joining - Immediate<br>Location - Bangalore (Indiranagar)<br>Experience - 4-5 years minimum<br>Languages - Next JS, Python, React JS<br>Work from Office - 5 days a week (slightly…</p>&mdash; Sudarshan Kamath (@kamath_sutra) <a href="https://twitter.com/kamath_sutra/status/1942114681323422074?ref_src=twsrc%5Etfw">July 7, 2025</a></blockquote> https://platform.twitter.com/widgets.js

ಅಪ್ಲೈ ಮಾಡುವ ವಿಧಾನ:

ಈ ಹುದ್ದೆಗೆ ಅರ್ಜಿ ಹಾಕಲು, ಅರ್ಹ ಅಭ್ಯರ್ಥಿಗಳು ತಮ್ಮ ಸ್ವಪರಿಚಯವನ್ನು ಕನಿಷ್ಠ 100 ಪದಗಳಲ್ಲಿ ಬರೆಯಬೇಕು.

ಆ ಪರಿಚಯದಲ್ಲಿ ನೀವು ವೃತ್ತಿಬದುಕಿನಲ್ಲಿ ಮಾಡಿರುವ ಶ್ರೇಷ್ಠ ಕೆಲಸದ ಲಿಂಕ್‌ಗಳನ್ನು (portfolio, GitHub, project links) ಸೇರಿಸಬೇಕು.

ಈ ವಿವರಗಳನ್ನು info@smallest.ai ಎಂಬ ಇ-ಮೇಲ್ ವಿಳಾಸಕ್ಕೆ ಕಳುಹಿಸಬೇಕು.

ಇ-ಮೇಲ್‌ನ ವಿಷಯ (Subject) ಭಾಗದಲ್ಲಿ ‘Cracked Full Stack Lead’ ಎಂದು ಸ್ಪಷ್ಟವಾಗಿ ಉಲ್ಲೇಖಿಸಬೇಕು.ಈ ಕ್ರಮವನ್ನು ಅನುಸರಿಸಿ ಅರ್ಜಿ ಸಲ್ಲಿಸಬಹುದು.

ಬ್ಯಾಂಕ್ ಆಫ್ ಬರೋಡಾದಲ್ಲಿ ಭರ್ಜರಿ ಉದ್ಯೋಗ ಅವಕಾಶ: 2500 ಹುದ್ದೆಗಳಿಗಾಗಿ ಅರ್ಜಿ ಆಹ್ವಾನ

ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ