ಬೇಸಿಗೆಯಲ್ಲಿ ಫ್ರಿಡ್ಜ್ ನೀರು ಕುಡಿಯುವುದು ಸುರಕ್ಷಿತವೇ? ತಪ್ಪದೇ ಮೊದ್ಲು ಈ ವಿಚಾರ ತಿಳಿದುಕೊಳ್ಳಿ!

ಬೇಸಿಗೆಕಾಲ ಆರಂಭವಾಗುತ್ತಿದ್ದಂತೆ ವಾತಾವರಣದಲ್ಲಿ ಬದಲಾವಣೆ ಕಾಣಿಸಿಕೊಳ್ಳುತ್ತಿದೆ.ಈ ವರ್ಷದ ಮಾರ್ಚ್ ಮೊದಲ ವಾರದಿಂದಲೇ ಬಿಸಿಲಿನ ತಾಪಮಾನ ಹೆಚ್ಚಾಗಿದೆ. ದೇಶದಲ್ಲಿ ತಾಪಮಾನ 35 ಡಿಗ್ರಿ ತಲುಪಿದೆ. ಇದರಿಂದಾಗಿ ಜನ ಮಧ್ಯಾಹ್ನದ ನಂತರ ಮನೆಯಿಂದ ಹೊರಗೆ ಬರಲು ಆಗದಂತಹ ಪರಿಸ್ಥಿತಿ ಎದುರಾಗಿದೆ, ಕೆಲವೆಡೆ ಬಿಸಿಗಾಳಿ ಶುರುವಾಗಿದ್ದು, ತಾಪಮಾನದಲ್ಲಿ ಗಣನೀಯ ಏರಿಕೆ ಕಂಡುಬರುತ್ತಿದೆ. ಈ ಹಿನ್ನೆಲೆಯಲ್ಲಿ ಜನರು ತಣ್ಣೀರಿನ ಬಳಕೆಯನ್ನು ಹೆಚ್ಚಿಸುತ್ತಾರೆ. ಬಹುತೇಕರು ಬಿಸಿಲಿನಿಂದ ಬಂದ ತಕ್ಷಣ ನೇರವಾಗಿ ಫ್ರಿಡ್ಜ್‌ನಲ್ಲಿ ಇಟ್ಟಿರುವ ತಣ್ಣೀರನ್ನು ಕುಡಿಯುತ್ತಾರೆ. ಆದರೆ, ಈ ಅಭ್ಯಾಸವು ದೀರ್ಘಕಾಲದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.ಬಿಸಿಲಿನಿಂದ ನೇರವಾಗಿ ಬಂದು ತಣ್ಣೀರನ್ನು ಕುಡಿಯುವಾಗ ಕ್ಷಣಿಕ ತಂಪು ಮತ್ತು ತಾಜಾತನ ಸಿಗುತ್ತದೆ. ಆದರೆ, ಇದರ ದೀರ್ಘಕಾಲದ ಪರಿಣಾಮಗಳು ಆರೋಗ್ಯಕ್ಕೆ ಹಾನಿಕಾರಕವಾಗಬಹುದು. ಫ್ರಿಜ್ ನೀರು ಅಥವಾ ಐಸ್ ನೀರಿನ ನಿರಂತರ ಸೇವನೆಯಿಂದ ನಮ್ಮ ದೇಹದಲ್ಲಿ ಆಗುವ ಅಡ್ಡಪರಿಣಾಮಗಳು ಯಾವುವು ಎಂಬುದನ್ನು ತಿಳಿದುಕೊಂಡರೆ, ನೀವು ಸಹ ಇದನ್ನು ಮಿತವಾಗಿ ಬಳಸದಿರಬಹುದು.

ತಣ್ಣೀರು ಕುಡಿಯುವುದರಿಂದ ಉಂಟಾಗುವ ತೊಂದರೆಗಳು :

ಹೃದಯದ ಮೇಲೆ ಒತ್ತಡ

ತಣ್ಣೀರು ದೇಹವನ್ನು ಪ್ರವೇಶಿಸಿದಾಗ, ಶರೀರವು ಅದನ್ನು ತನ್ನ ಶರೀರದ ತಾಪಮಾನಕ್ಕೆ ಹೊಂದಿಕೊಳ್ಳಿಸಲು ಹೆಚ್ಚಿನ ಶಕ್ತಿಯನ್ನು ಬಳಸುತ್ತದೆ. ಇದರಿಂದ ಹೃದಯದ ಮೇಲೆ ಹೆಚ್ಚುವರಿ ಒತ್ತಡ ಬೀರುತ್ತದೆ, ಏಕೆಂದರೆ ರಕ್ತನಾಳಗಳು ತಕ್ಷಣ ಸಂಕೋಚಗೊಳ್ಳುತ್ತವೆ. ಇದರಿಂದ ಹೃದಯದ ರಕ್ತಪ್ರಸರಣ ಪ್ರಕ್ರಿಯೆಯಲ್ಲಿ ವ್ಯತ್ಯಾಸ ಉಂಟಾಗಬಹುದು, ಇದರಿಂದ ಕೆಲವೊಂದು ಹೃದಯ ಸಂಬಂಧಿ ಸಮಸ್ಯೆಗಳ ಸಂಭವ ಹೆಚ್ಚಾಗಬಹುದು.

ಮಲಬದ್ಧತೆ ಸಮಸ್ಯೆ

ನೀವು ನಿರಂತರವಾಗಿ ತಣ್ಣೀರು ಕುಡಿಯುತ್ತಿದ್ದರೆ, ಮಲಬದ್ಧತೆಯ ಸಮಸ್ಯೆಯನ್ನು ಎದುರಿಸುವ ಸಾಧ್ಯತೆ ಹೆಚ್ಚಾಗಬಹುದು. ತಣ್ಣೀರಿನಿಂದ ಜೀರ್ಣಕ್ರಿಯೆಯ ಕ್ರಿಯಾಶೀಲತೆ ಕುಗ್ಗಬಹುದು, ಇದರಿಂದ ಆಹಾರ ದೇಹದ ಮೂಲಕ ಸರಾಗವಾಗಿ ಹಾದುಹೋಗುವ ಬದಲು ಗಟ್ಟಿಯಾಗುತ್ತದೆ. ತಣ್ಣೀರಿನ ಪರಿಣಾಮದಿಂದ ಕರುಳುಗಳು ಸಂಕೋಚಗೊಳ್ಳುವುದರಿಂದ ಮಲಬದ್ಧತೆ ಉಂಟಾಗಬಹುದು.ಸಂಶೋಧನೆಗಳ ಪ್ರಕಾರ, ಕೋಣೆಯ ಉಷ್ಣಾಂಶದ ನೀರು ಅಥವಾ ತುಸು ಬೆಚ್ಚಗಿನ ನೀರು ಕುಡಿಯುವುದರಿಂದ ಜೀರ್ಣಕ್ರಿಯೆ ಸುಗಮಗೊಳ್ಳುತ್ತದೆ ಮತ್ತು ಮಲಬದ್ಧತೆ ಕಡಿಮೆಯಾಗಬಹುದು. ಆದ್ದರಿಂದ, ನೀರಿನ ತಾಪಮಾನವನ್ನು ಸರಿಯಾಗಿ ಆಯ್ಕೆ ಮಾಡುವುದು ಆರೋಗ್ಯದ ದೃಷ್ಟಿಯಿಂದ ಬಹಳ ಮುಖ್ಯ.

ಬೊಜ್ಜಿನ ಸಮಸ್ಯೆ

ಅತಿಯಾಗಿ ತಣ್ಣೀರು ಕುಡಿಯುವುದರಿಂದ ದೇಹದಲ್ಲಿ ಕೊಬ್ಬು ಕರಗಿಸುವ ಕ್ರಿಯೆ ತಡೆಗೊಳ್ಳಬಹುದು. ತಣ್ಣೀರಿನ ಪರಿಣಾಮದಿಂದ ಕೊಬ್ಬು ಗಟ್ಟಿಯಾಗುವುದರಿಂದ, ದೇಹಕ್ಕೆ ಅದನ್ನು ಜೀರ್ಣಿಸಿಕೊಳ್ಳಲು ಮತ್ತು ಶಕ್ತಿಯಾಗಿ ಪರಿವರ್ತಿಸಲು ಹೆಚ್ಚಿನ ಸಮಯ ಬೇಕಾಗುತ್ತದೆ. ಇದರಿಂದ ಕೊಬ್ಬು ಸುಡುವ ಪ್ರಕ್ರಿಯೆ ನಿಧಾನಗೊಳ್ಳಬಹುದು ಮತ್ತು ತೂಕ ಇಳಿಸುವ ಪ್ರಕ್ರಿಯೆಯ ಮೇಲೂ ಪರಿಣಾಮ ಬೀರುತ್ತದೆ.ತೂಕ ಇಳಿಸಿಕೊಳ್ಳಲು ಬಯಸುವವರು ತಣ್ಣೀರಿನ ಸೇವನೆಯನ್ನು ಮಿತವಾಗಿಸಬೇಕಾಗಿಲ್ಲ, ಆದರೆ ಕೋಣೆಯ ಉಷ್ಣಾಂಶದ ನೀರನ್ನು ಆಯ್ಕೆ ಮಾಡುವುದು ಉತ್ತಮ. ಬೆಚ್ಚಗಿನ ನೀರು ಜೀರ್ಣಕ್ರಿಯೆಯನ್ನು ಸುಗಮಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ದೇಹದ ಮೆಟಾಬೊಲಿಸಮ್ ಹೆಚ್ಚಿಸಲು ಸಹಕಾರಿ ಆಗುತ್ತದೆ.

ಗಂಟಲು ಕೆರತ :

ಹಠಾತ್ತನೆ ತಣ್ಣೀರು ಕುಡಿಯಲು ಪ್ರಾರಂಭಿಸಿದರೆ, ಗಂಟಲು ಮತ್ತು ಉಸಿರಾಟದ ಸಮಸ್ಯೆಗಳಿಗೆ ಒಳಗಾಗುವ ಸಾಧ್ಯತೆ ಹೆಚ್ಚಾಗುತ್ತದೆ. ತಣ್ಣೀರಿನಿಂದ ಗಂಟಲು ಒಣಗಬಹುದು, ಇದರಿಂದ ಕೆರತ, ಉರಿ ಕಾಣಿಸಬಹುದು. ಇದನ್ನು ನಿರ್ಲಕ್ಷಿಸಿದರೆ, ಇದು ಶೀತ, ಕೆಮ್ಮು, ಹಾಗೂ ಗಂಟಲು ಉರಿಯೂ ಉಂಟಾಗಬಹುದು.ಹೆಚ್ಚು ತಣ್ಣೀರನ್ನು ಕುಡಿಯುವುದರಿಂದ ಗಂಟಲು ಭಾಗದಲ್ಲಿ ಉರಿ ಉಂಟಾಗಬಹುದು, ಇದರಿಂದ ಸೋಂಕು ತೀವ್ರಗೊಳ್ಳಲು ಸಾಧ್ಯ. ಇದು ತಪ್ಪಿಸಲು, ಕೋಣೆಯ ಉಷ್ಣಾಂಶದ ನೀರು ಅಥವಾ ಸ್ವಲ್ಪ ಬೆಚ್ಚಗಿನ ನೀರು ಕುಡಿಯುವುದು ಆರೋಗ್ಯಕರ ಆಯ್ಕೆಯಾಗಬಹುದು.

ತಲೆನೋವು ಸಂಭವಿಸಬಹುದು

ಹೆಚ್ಚು ತಣ್ಣೀರು ಅಥವಾ ಐಸ್ ನೀರನ್ನು ಕುಡಿಯುವುದರಿಂದ ಮೆದುಳಿನಲ್ಲಿ ತಕ್ಷಣವಾದ ಶೀತ (ಬ್ರೇನ್ ಫ್ರೀಜ್) ಉಂಟಾಗಬಹುದು. ಇದು ಬೆನ್ನುಮೂಳೆಯಲ್ಲಿನ ಸೂಕ್ಷ್ಮ ನರಗಳನ್ನು ತಟ್ಟಿದಾಗ, ತಕ್ಷಣವೇ ಮೆದುಳಿಗೆ ಸಂಕೇತಗಳನ್ನು ಕಳುಹಿಸಿ ತಲೆನೋವನ್ನು ಉಂಟುಮಾಡಬಹುದು.ವಿಶೇಷವಾಗಿ, ಸೈನಸ್ ಸಮಸ್ಯೆ ಇರುವವರಿಗೆ ತಣ್ಣೀರಿನ ಈ ಪರಿಣಾಮ ಇನ್ನಷ್ಟು ತೀವ್ರಗೊಳ್ಳಬಹುದು. ತಣ್ಣೀರಿನ ತಾಪಮಾನದಿಂದ ಸೈನಸ್ ಪಾಶ್ವವಾಯು (Sinus Cavities) ಶೀತಗೊಂಡು, ಶ್ವಾಸಕೋಶ ಸಮಸ್ಯೆ ಉಂಟಾಗಬಹುದು. ಇದರಿಂದ ತಲೆನೋವು, ಮತ್ತು ಗಂಟಲು ನೋವು ಹೆಚ್ಚಾಗಬಹುದು.