ಹೈದರಾಬಾದ್: ಇಲ್ಲಿನ ರಾಜೀವ್‌ ಗಾಂಧಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಸಿಸಿಎಲ್‌ 2025 ಟೂರ್ನಿಯ ಏಳನೇ ಲೀಗ್‌ ಪಂದ್ಯದಲ್ಲಿ ಕರ್ನಾಟಕ ಬುಲ್ಡೋಜರ್ಸ್‌ ಹಾಗೂ ಮುಂಬೈ ಹೀರೋಸ್‌ ತಂಡಗಳು ಮುಖಾಮುಖಿಯಾಗಿವೆ.
ಟೆಸ್ಟ್‌ ಮಾದರಿಯಲ್ಲಿ ಹತ್ತು ಓವರ್‌ಗಳ ಎರಡು ಇನ್ನಿಂಗ್ಸ್ ಪಂದ್ಯ ನಡೆಯುತ್ತಿದ್ದು ಮೊದಲು ಬ್ಯಾಟಿಂಗ್ ಮಾಡಿದ ಕರ್ನಾಟಕ ಬುಲ್ಡೋಜರ್ಸ್‌ ಮೊದಲ ಇನ್ನಿಂಗ್ಸ್‌ನಲ್ಲಿ 10 ಓವರ್‌ಗಳಲ್ಲಿ 1 ವಿಕೆಟ್‌ ನಷ್ಟಕ್ಕೆ 171 ರನ್‌ ದಾಖಲಿಸಿದೆ.
ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದ ರಾಜೀವ್‌ ಹನು 24 ಎಸೆತಗಳಲ್ಲಿ 37 ರನ್‌ ಬಾರಿಸಿದರೆ, ಡಾರ್ಲಿಂಗ್‌ ಕೃಷ್ಣ 36 ಎಸೆತಗಳಲ್ಲಿ 11 ಬೌಂಡರಿ ಹಾಗೂ 9 ಸಿಕ್ಸರ್‌ ಸಹಿತ ಅಜೇಯ 111 ರನ್‌ ಬಾರಿಸಿದರು. ಇನ್ನುಳಿದಂತೆ ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಚಂದನ್‌ ಕುಮಾರ್‌ ಅಜೇಯ 1 ರನ್‌ ಬಾರಿಸಿದರು. ಡಾರ್ಲಿಂಗ್‌ ಕೃಷ್ಣ 33 ಎಸೆತಗಳಲ್ಲಿ ಶತಕ ಪೂರೈಸುವ ಮೂಲಕ ದಾಖಲೆ ಬರೆದರು.
ಮುಂಬೈ ಹೀರೋಸ್‌ ಪರ ದರುವಾಲಾ ಫ್ರೆಡಿ ಒಂದು ವಿಕೆಟ್‌ ಪಡೆದರು. ಮುಂಬೈ ಬೌಲರ್ಸ್‌ ಕಳಪೆ ಬೌಲಿಂಗ್‌ ಮಾಡಿದ್ದು 22 ಎಕ್ಸ್ಟ್ರಾ ರನ್‌ ನೀಡಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.