ಕನ್ನಡಕ ಧರಿಸಿ ಬೇಸತ್ತಿರುವ ಕೋಟ್ಯಂತರ ಜನರಿಗೆ ಇದೊಂದು ಒಳ್ಳೆಯ ಸುದ್ದಿ. ವೈದ್ಯಕೀಯ ಲೋಕದಲ್ಲಿ ಮಹತ್ವದ ಆವಿಷ್ಕಾರವೊಂದು ನಡೆದಿರುವ ಕಾರಣ, ಕನ್ನಡಕಗಳ ಬಳಕೆ ಇತಿಹಾಸವಾಗುವ ಸಾಧ್ಯತೆ ಇದೆ. ಹೌದು, ದೀರ್ಘದೃಷ್ಟಿ ಸಮಸ್ಯೆ (Long-sightedness) ಇರುವವರಿಗೆ ಪರಿಹಾರ ನೀಡುವ ವಿಶೇಷ ಕಣ್ಣಿನ ಹನಿಗಳನ್ನು ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ್ದಾರೆ.
ಕೋಪನ್ ಹ್ಯಾಗನ್ನಲ್ಲಿ ನಡೆದ ಯುರೋಪಿಯನ್ ಸೊಸೈಟಿ ಆಫ್ ಕ್ಯಾಟರಾಕ್ಟ್ ಅಂಡ್ ರಿಫ್ರಾಕ್ಟಿವ್ ಸರ್ಜನ್ಸ್ (ESCRS) ಸಮ್ಮೇಳನದಲ್ಲಿ ಮಂಡಿಸಿದ ಅಧ್ಯಯನದ ಪ್ರಕಾರ, ಈ ಕಣ್ಣಿನ ಹನಿಗಳನ್ನು ಬಳಸಿದ ಜನರು ಕಣ್ಣಿನ ಪರೀಕ್ಷಾ ಪಟ್ಟಿಯಲ್ಲಿ ಹೆಚ್ಚುವರಿ ಸಾಲುಗಳನ್ನು ಓದಲು ಸಾಧ್ಯವಾಯಿತು. ಮತ್ತು ಈ ಸುಧಾರಣೆ ಎರಡು ವರ್ಷಗಳ ಕಾಲ ಮುಂದುವರಿಯಿತು ಎಂದು ವರದಿ ತಿಳಿಸಿದೆ.
ಪ್ರೆಸ್ಬಿಯೋಪಿಯಾ ಎಂದರೇನು?
ಕಣ್ಣಿನ ಮಸೂರವು ತನ್ನ ಹೊಂದಿಕೊಳ್ಳುವ ಸಾಮರ್ಥ್ಯವನ್ನು ಕಳೆದುಕೊಂಡಾಗ, ಹತ್ತಿರದ ವಸ್ತುಗಳನ್ನು ನೋಡಲು ಕಷ್ಟವಾಗುತ್ತದೆ. ಈ ಸಮಸ್ಯೆಯನ್ನು ‘ಪ್ರೆಸ್ಬಿಯೋಪಿಯಾ’ ಎಂದು ಕರೆಯಲಾಗುತ್ತದೆ. ಸಾಮಾನ್ಯವಾಗಿ 40 ವರ್ಷ ದಾಟಿದವರಲ್ಲಿ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಇದುವರೆಗೆ ಇದಕ್ಕೆ ಕನ್ನಡಕ ಅಥವಾ ದುಬಾರಿ ಶಸ್ತ್ರಚಿಕಿತ್ಸೆಯೇ ಏಕೈಕ ಪರಿಹಾರವಾಗಿತ್ತು.
ಸಾಮಾನ್ಯವಾಗಿ 40 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಲ್ಲಿ ಕಾಣಿಸಿಕೊಳ್ಳುವ ಪ್ರೆಸ್ಬಿಯೋಪಿಯಾ ಒಂದು ರೀತಿಯ ದೀರ್ಘದೃಷ್ಟಿ ಸಮಸ್ಯೆಯಾಗಿದೆ. ಕಣ್ಣಿನ ಮಸೂರವು ತನ್ನ ಹೊಂದಿಕೊಳ್ಳುವ ಸಾಮರ್ಥ್ಯವನ್ನು ಕಳೆದುಕೊಂಡಾಗ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಇದರಿಂದ ಹತ್ತಿರದ ವಸ್ತುಗಳ ಮೇಲೆ ಕೇಂದ್ರೀಕರಿಸಲು ಕಷ್ಟವಾಗುತ್ತದೆ. ಈ ಸಮಸ್ಯೆಗೆ ಕನ್ನಡಕಗಳು ಅಥವಾ ಶಸ್ತ್ರಚಿಕಿತ್ಸೆಯು ಸಾಮಾನ್ಯ ಪರಿಹಾರವಾಗಿದೆ. ಆದರೆ, ಅನೇಕರಿಗೆ ಕನ್ನಡಕ ಧರಿಸುವುದು ಕಿರಿಕಿರಿ ಅನ್ನಿಸಿದರೆ, ಶಸ್ತ್ರಚಿಕಿತ್ಸೆಯು ದುಬಾರಿಯಾಗಿರುತ್ತದೆ.
ಆದರೆ, ಈ ಹೊಸ ಕಣ್ಣಿನ ಹನಿಗಳು ಈ ಸಮಸ್ಯೆಗೆ ಸರಳ ಮತ್ತು ಕೈಗೆಟುಕುವ ಪರಿಹಾರವನ್ನು ನೀಡಬಹುದು ಎಂದು ಸಂಶೋಧಕರು ತಿಳಿಸಿದ್ದಾರೆ. ಇದು ವೈದ್ಯಕೀಯ ಜಗತ್ತಿನಲ್ಲಿ ಒಂದು ಮಹತ್ವದ ಆವಿಷ್ಕಾರವಾಗಿದ್ದು, ಲಕ್ಷಾಂತರ ಜನರಿಗೆ ಪ್ರಯೋಜನಕಾರಿಯಾಗಲಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.