ಬೆಂಗಳೂರು: ಗೂಗಲ್‌ ಭಾರತದ ಪ್ರಥಮ ಎಐ ಹಬ್ ಅನ್ನು ನೆರೆಯ ಆಂಧ್ರಪ್ರದೇಶದ ವಿಶಾಖಪಟ್ಟಣ ನಗರದಲ್ಲಿ ತೆರೆಯಲು ಮುಂದಾಗಿದೆ.
ಬರೋಬ್ಬರಿ 1500 ಕೋಟಿ ಡಾಲರ್ ಹೂಡಿಕೆಯಲ್ಲಿ ಈ ಹಬ್ ನಿರ್ಮಾಣವಾಗಲಿದ್ದು, ಇದರಲ್ಲಿ ಎಐ ಮೂಲಸೌಕರ್ಯ, ಡೇಟಾ ಕೇಂದ್ರಗಳು ಇರಲಿದ್ದು ಇದು ದೇಶದ ಮೊದಲ ಗಿಗಾವ್ಯಾಟ್‌ ಪ್ರಮಾಣದ ಡೇಟಾ ಸೆಂಟರ್‌ ಹಬ್ ಆಗಲಿದೆ.
ಇನ್ನು ಇದರಿಂದ ಬರೋಬ್ಬರಿ 30 ಸಾವಿರ ಉದ್ಯೋಗಗಳು ಸೃಷ್ಟಿಯಾಗಲಿದ್ದು, ಇದು ಬೆಂಗಳೂರಿನ ಕೈತಪ್ಪಿತು ಎಂಬ ಚರ್ಚೆಗಳೂ ಸಹ ಇದೇ ಸಮಯದಲ್ಲಿ ಮುನ್ನೆಲೆಗೆ ಬಂದಿವೆ.
ಹೀಗೆ ಚರ್ಚೆಗಳು ನಡೆಯುತ್ತಿರುವ ಸಮಯದಲ್ಲೇ ತೆಲುಗು ದೇಶಂ ಪಾರ್ಟಿಯ ಶಾಸಕ, ಆಂಧ್ರ ಸಂಪುಟದ ಸಚಿವ ನಾರಾ ಲೋಕೇಶ್‌ ತಮ್ಮ ಅಧಿಕೃತ ಎಕ್ಸ್ ಖಾತೆಯಲ್ಲಿ ಟ್ವೀಟ್‌ ಒಂದನ್ನು ಹಂಚಿಕೊಂಡಿದ್ದು, ನೆರೆಯ ರಾಜ್ಯಗಳ ಕಾಲೆಳೆಯುವ ಯತ್ನ ಮಾಡಿದ್ದಾರೆ.
ಆಂಧ್ರ ಪ್ರದೇಶದ ಆಹಾರ ಖಾರವಾಗಿರುತ್ತವೆ ಎಂದು ಹೇಳುತ್ತಾರೆ. ಅದೇ ರೀತಿ ನಮ್ಮ ಹೂಡಿಕೆಗಳೂ ಸಹ ಖಾರವಾಗಿದ್ದು, ಕೆಲ ನೆರೆ ರಾಜ್ಯಗಳು ಈಗಾಗಲೇ ಅದರ ಉರಿಯನ್ನು ಅನುಭವಿಸಲು ಆರಂಭಿಸಿದ್ದಾರೆ ಎಂದು ಬರೆದುಕೊಂಡಿದ್ದಾರೆ. ಇದು ತಮ್ಮ ನೆರೆಯ ತೆಲಂಗಾಣಕ್ಕೆ ಕೊಟ್ಟ ಟಕ್ಕರ್‌ ಎಂದು ಕೆಲ ನೆಟ್ಟಿಗರು ಕಾಮೆಂಟ್‌ ಹಾಕಿದ್ದರೆ, ಇನ್ನೂ ಕೆಲವರು ಇದು ಕರ್ನಾಟಕಕ್ಕೆ ಮಾಡಿದ ಕಾಮೆಂಟ್‌ ಎಂದು ಆಕ್ರೋಶ ಹೊರಹಾಕುತ್ತಿದ್ದಾರೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.