ಧ್ರುವ ಸರ್ಜಾ ನಟನೆಯ ಬಹು ನಿರೀಕ್ಷಿತ ಚಿತ್ರ ಮಾರ್ಟಿನ್‌ ಕಳೆದ ಅಕ್ಟೋಬರ್ 11ರಂದು ತೆರೆಕಂಡಿತ್ತು. ಚಿತ್ರ ಬಿಡುಗಡೆಗೂ ಮುನ್ನ ಮಾಡಿದ್ದ ಸದ್ದು ಬಾಕ್ಸ್‌ ಆಫೀಸ್‌ನಲ್ಲಿ ಕೇಳಿಸಲಿಲ್ಲ. ಚಿತ್ರ ಬಿಡುಗಡೆಯಾದ ಮೊದಲ ಪ್ರದರ್ಶನದಿಂದಲೇ ತೀವ್ರವಾದ ನಕಾರಾತ್ಮಕ ವಿಮರ್ಶೆಗಳನ್ನು ಪಡೆದುಕೊಂಡಿತ್ತು.
ಕೋಟಿ ಕೋಟಿ ದುಡ್ಡು ಸುರಿದು ತಯಾರಿಸಿದ್ದ ಪ್ಯಾನ್‌ ಇಂಡಿಯಾ ಸಿನಿಮಾ ಮಾರ್ಟಿನ್‌ ಅನ್ನು ಎಲ್ಲಾ ಭಾಷೆಯ ಸಿನಿ ರಸಿಕರೂ ತಿರಸ್ಕರಿಸಿದ್ದರು. ಹೀಗೆ ಮೊದಲ ಶೋನಲ್ಲೇ ಮುಗ್ಗರಿಸಿದ ಮಾರ್ಟಿನ್‌ ಮತ್ತೆ ಎಲ್ಲಿಯೂ ಸದ್ದು ಮಾಡಲಿಲ್ಲ. ಕೆಟ್ಟ ವಿಮರ್ಶೆ ಹಾಗೂ ಕೆಲ ವಿವಾದಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡಿಂಗ್‌ನಲ್ಲಿದ್ದ ಈ ಚಿತ್ರ ಒಳ್ಳೆ ಅಂಶಗಳಿಂದ ಟ್ರೆಂಡಿಂಗ್‌ ಪಟ್ಟಿ ಸೇರಲೇ ಇಲ್ಲ.
ಇನ್ನು ಚಿತ್ರದುದ್ದಕ್ಕೂ ಅನಗತ್ಯವಾದ ದೃಶ್ಯಗಳು, ಅತಿರೇಕವೆನಿಸುವ ಆಕ್ಷನ್ಸ್‌ ಕುರಿತು ಹೆಚ್ಚಾಗಿ ನೆಗೆಟಿವ್‌ ಕಾಮೆಂಟ್‌ ಕೇಳಿಬಂದಿತ್ತು. ಹೀಗೆ ಬಿಡುಗಡೆಯಾದ ಬಳಿಕ ಟ್ರೋಲ್‌ ಮೂಲಕವೇ ಸದ್ದು ಮಾಡಿದ ಮಾರ್ಟಿನ್‌ ಯಾವಾಗ ಒಟಿಟಿಗೆ ಬರಲಿದೆ ಎಂಬ ಪ್ರಶ್ನೆ ಧ್ರುವ ಸರ್ಜಾ ಅಭಿಮಾನಿಗಳಲ್ಲಿ ಇದೆ. ಈ ಪ್ರಶ್ನೆಗೆ ಇದೀಗ ಉತ್ತರ ದೊರೆತಿದ್ದು, ನವೆಂಬರ್‌ 23ರಂದು ಮಾರ್ಟಿನ್‌ ಜೀ5 ಅಪ್ಲಿಕೇಶನ್‌ನಲ್ಲಿ ಬಿಡುಗಡೆಯಾಗಲಿದೆ ಎಂದು ವರದಿಯಾಗಿದೆ.
ಚಿತ್ರಮಂದಿರದಲ್ಲಿ ಊಹಿಸಿರದ ರೀತಿ ಕೆಟ್ಟ ವಿಮರ್ಶೆ ಪಡೆದುಕೊಂಡ ಮಾರ್ಟಿನ್‌ ಒಟಿಟಿಯಲ್ಲಾದರೂ ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆದುಕೊಳ್ಳುತ್ತಾ ಎಂಬುದು ಸದ್ಯ ಸಿನಿ ರಸಿಕರ ಪ್ರಶ್ನೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.