ಬೆಂಗಳೂರು: ಜೂನ್ 12ರಂದು ಅಹ್ಮದಾಬಾದ್ನ ಸರ್ದಾರ್ ವಲ್ಲಭಭಾಯ್ ಪಟೇಲ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಲಂಡನ್ಗೆ ಹಾರಿದ್ದ ಎಐ 171 ಏರ್ಇಂಡಿಯಾ ವಿಮಾನ ಕೆಲ ಟೇಕ್ಆಫ್ ಆದ 40 ಸೆಕೆಂಡುಗಳಲ್ಲೇ ನೆಲಕ್ಕೆ ಕುಸಿದಿತ್ತು.
ಅಹ್ಮದಾಬಾದ್ನ ಮೇಘಾನಿ ನಗರ ಪ್ರದೇಶದಲ್ಲಿನ ಬಿಜೆ ಮೆಡಿಕಲ್ ಕಾಲೇಜಿನ ಹಾಸ್ಟೆಲ್ ಮೇಲೆ ವಿಮಾನ ಬಿದ್ದಿದ್ದು, ವಿಮಾನದಲ್ಲಿದ್ದ 241 ಮಂದಿ ಸೇರಿದಂತೆ ಒಟ್ಟು 270 ಮಂದಿ ಈ ಅವಘಡದಲ್ಲಿ ಮೃತಪಟ್ಟರು.
ಇನ್ನು ವಿಮಾನ ಬಿದ್ದ ಸಮಯಕ್ಕೆ ವಿದ್ಯಾರ್ಥಿಗಳು ಹಾಸ್ಟೆಲ್ಗೆ ಬಂದಿದ್ದು ದುರಂತ ಅಂತ್ಯ ಕಂಡಿದ್ದಾರೆ. ಈ ಸಮಯದಲ್ಲಿ ದೊಡ್ಡ ಸ್ಪೋಟವಾಗಿದ್ದು, ಹಾಸ್ಟೆಲ್ನ ಇನ್ನಿತರ ಭಾಗಗಳಲ್ಲಿದ್ದ ವಿದ್ಯಾರ್ಥಿಗಳು ಪ್ರಾಣ ಉಳಿಸಿಕೊಳ್ಳುವುದಕ್ಕಾಗಿ ಹರಸಾಹಸಪಟ್ಟಿದ್ದಾರೆ.
ಈ ಘಟನೆ ಸಂಭವಿಸಿದ ಸ್ಥಳದ ವಿಡಿಯೊಗಳು ಒಂದೊಂದಾಗಿ ನಿಧಾನವಾಗಿ ಹೊರಬರುತ್ತಿದ್ದು, ಇದೀಗ ಬಿಜೆ ಮೆಡಿಕಲ್ ಕಾಲೇಜಿನ ವಿದ್ಯಾರ್ಥಿಗಳು ಸ್ಪೋಟ ಸಂಭವಿಸಿದ ಸಮಯಕ್ಕೆ ಪ್ರಾಣಕ್ಕೆ ಹೆದರಿ ಹಾಸ್ಟೆಲ್ ಮಹಡಿಗಳಿಂದ ಕೆಳಕ್ಕೆ ಜಿಗಿದಿದ್ದಾರೆ. ಈ ವಿಡಿಯೊ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇನ್ನು ಮೃತಪಟ್ಟವರನ್ನು ಡಿಎನ್ಎ ಮೂಲಕ ಗುರುತಿಸಿ ಕುಟುಂಬಸ್ಥರಿಗೆ ಹಸ್ತಾಂತರಿಸಲಾಗುತ್ತಿದ್ದು, ಕೇಂದ್ರ ಸರ್ಕಾರ ಈಗಾಗಲೇ ತನಿಖೆಗೆ ತಂಡವನ್ನು ರಚಿಸಿ 90 ದಿನಗಳ ಒಳಗೆ ವರದಿ ನೀಡುವಂತೆ ಸೂಚನೆ ನೀಡಲಾಗಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.