ಹಾವೇರಿ: ರಾಜ್ಯದಲ್ಲಿ ಪ್ರತಿದಿನ ಹೃದಯಾಘಾತದಿಂದ ಮೃತಪಟ್ಟ ಸುದ್ದಿಗಳು ಕಳೆದೊಂದು ತಿಂಗಳಿನಿಂದ ಸತತವಾಗಿ ಕೇಳಿಬರುತ್ತಲೇ ಇವೆ. ಅದರಲ್ಲಿಯೂ ಹಾಸನದಲ್ಲಿ ದಾಖಲಾದ ಸರಣಿ ಹೃದಯಾಘಾತ ಪ್ರಕರಣಗಳು ದೊಡ್ಡ ಸಂಖ್ಯೆಯಲ್ಲಿದ್ದದ್ದು ವಿಚಾರವನ್ನು ಮತ್ತಷ್ಟು ಗಂಭೀರವನ್ನಾಗಿಸಿದೆ.
ಸದ್ಯ ಈ ಕುರಿತು ವಿಶೇಷ ಸಮಿತಿ ರಚಿಸಿ ವರದಿ ಮಾಡಿಸಿರುವ ಸರ್ಕಾರ ಹೃದಯಾಘಾತ ತಡೆಗೆ ಮಾರ್ಗಸೂಚಿಗಳನ್ನೂ ಸಹ ಬಿಡುಗಡೆ ಮಾಡಿದೆ. ಮತ್ತೊಂದೆಡೆ ಹೃದಯಾಘಾತ ಸಂಬಂಧಿ ಸಾವುಗಳ ಸುದ್ದಿಗಳು ವರದಿಯಾಗುತ್ತಲೇ ಇವೆ. ನಿನ್ನೆ ( ಜುಲೈ 16 ) ಸಹ ಹೃದಯಾಘಾತಕ್ಕೆ ರಾಜ್ಯದಲ್ಲಿ ಸಾವು ಸಂಭವಿಸಿದ್ದು, ಶಾಲಾ ಬಸ್‌ ಚಾಲಕನೋರ್ವ ಬಸ್‌ ಚಲಾಯಿಸುವಾಗಲೇ ಹೃದಯಾಘಾತಕ್ಕೀಡಾಗಿ ಮೃತಪಟ್ಟಿದ್ದಾರೆ.
ಹಾವೇರಿಯಲ್ಲಿ ಜಿಲ್ಲೆಯ ಕಳಲಗೊಂಡ ಗ್ರಾಮದ ಬಳಿ ಈ ಘಟನೆ ನಡೆದಿದ್ದು 25 ವರ್ಷದ ಪಕ್ಕಿರೇಶ್‌ ಎಂಬಾತ ಮೃತ ಶಾಲಾ ಬಸ್‌ ಚಾಲಕನಾಗಿದ್ದಾರೆ. ನಿನ್ನೆ ಶಾಲಾ ಮಕ್ಕಳನ್ನು ಎಂದಿನಂತೆ ವಾಪಸ್‌ ಬಿಡಲು ತೆರಳಿದ್ದ ಪಕ್ಕೀರೇಶ್ ಎದೆ ನೋವು ಕಾಣಿಸಿಕೊಂಡ ಕಾರಣ ರಸ್ತೆ ಬದಿಗೆ ಬಸ್‌ ನಿಲ್ಲಿಸಿದ್ದ. ಈ ಮೂಲಕ ಪಕ್ಕೀರೇಶ್ ಸಾವಿಗೂ ಮುನ್ನ ಸಮಯಪ್ರಜ್ಞೆ ಮೆರೆದಿದ್ದಾರೆ.
5 ವರ್ಷ ದಾಟಿದ ಮಕ್ಕಳ ‘ಆಧಾರ್’ ಅಪ್ ಡೇಟ್ ಮಾಡೋದು ಕಡ್ಡಾಯ, ಇಲ್ಲಿದೆ ಮಾಹಿತಿ
ಎಐ ಕನ್ನಡ ಕೃಷಿ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.