ಭಾರತದಲ್ಲಿ ತಂತ್ರಜ್ಞಾನ ಬೆಳೆದಂತೆ, ಡಿಜಿಟಲ್ ಹಣಕಾಸು ಸೇವೆಗಳು ಜನಸಾಮಾನ್ಯರಿಗೆ ಸುಲಭವಾಗಿ ಲಭ್ಯವಾಗಿವೆ. ಹಣ ಪಡೆಯುವುದು, ಕಳುಹಿಸುವುದು, ಬಿಲ್ ಪಾವತಿಯಂತಹ ಅನೇಕ ವ್ಯವಹಾರಗಳು ಕೆಲವೇ ಸೆಕೆಂಡ್ಗಳಲ್ಲಿ ಮುಗಿಯುತ್ತಿವೆ. ಅದೇ ರೀತಿ, ಈಗ ಬ್ಯಾಂಕ್ಗೆ ಹೋಗದೇ ಮೊಬೈಲ್ ಅಪ್ಲಿಕೇಶನ್ಗಳ ಮೂಲಕವೇ ವೈಯಕ್ತಿಕ ಸಾಲಗಳನ್ನು (Personal Loans) ನೀಡುವ ಅನೇಕ ಹಣಕಾಸು ಸಂಸ್ಥೆಗಳು ಮತ್ತು NBFC ಗಳು ಕಾಣಸಿಗುತ್ತವೆ.
ನೀವು ವೈಯಕ್ತಿಕ ಸಾಲ ಪಡೆಯಲು ಯೋಜಿಸುತ್ತಿದ್ದರೆ ಎಚ್ಚರ: ಆಕರ್ಷಕ ಆಫರ್ಗಳು ಇದ್ದರೂ, ಪರ್ಸನಲ್ ಲೋನ್ಗಳು ಸಾಮಾನ್ಯವಾಗಿ ಹೆಚ್ಚಿನ ಬಡ್ಡಿದರಗಳನ್ನು ಹೊಂದಿರುತ್ತವೆ. ಹೆಚ್ಚಿನ ಸಾಲಗಾರರು ಕೇವಲ ಬಡ್ಡಿದರದ ಮೇಲೆ ಮಾತ್ರ ಗಮನ ಹರಿಸುತ್ತಾರೆ. ಆದರೆ, ಸಾಲದ ಒಟ್ಟಾರೆ ಹೊರೆ ಹೆಚ್ಚಿಸುವ ಅನೇಕ ‘ಗುಪ್ತ ಶುಲ್ಕಗಳು’ (Hidden Charges) ಇರುತ್ತವೆ.
ಹಣಕಾಸಿನ ಮುಗ್ಗಟ್ಟು ಎದುರಿಸಿದಾಗ ಸ್ನೇಹಿತರು/ಸಂಬಂಧಿಕರ ಬದಲಿಗೆ ಪರ್ಸನಲ್ ಲೋನ್ ಅಥವಾ ಗೋಲ್ಡ್ ಲೋನ್ಗೆ ಮೊರೆ ಹೋಗುವುದು ಸಾಮಾನ್ಯ. ಆದರೆ, ಗೋಲ್ಡ್ ಲೋನ್ಗೆ ಚಿನ್ನ ಇಲ್ಲದಿದ್ದರೆ, ವೈಯಕ್ತಿಕ ಸಾಲವೇ ಬಹುತೇಕರ ಆಯ್ಕೆಯಾಗಿರುತ್ತದೆ. ಹಾಗಾಗಿ, ಈ ಗುಪ್ತ ಶುಲ್ಕಗಳ ಬಗ್ಗೆ ಮುಂಚಿತವಾಗಿಯೇ ತಿಳಿದುಕೊಳ್ಳುವುದು ಅತ್ಯಗತ್ಯ.
1.ಬಡ್ಡಿ ದರಗಳನ್ನು ಜಾಗರೂಕವಾಗಿ ಹೋಲಿಸಿ
ವೈಯಕ್ತಿಕ ಸಾಲ ಪಡೆಯುವ ಮುನ್ನ, ವಿವಿಧ ಬ್ಯಾಂಕ್ಗಳು ಮತ್ತು ಹಣಕಾಸು ಸಂಸ್ಥೆಗಳು ನೀಡುವ ಬಡ್ಡಿ ದರಗಳನ್ನು ತಪ್ಪದೇ ಹೋಲಿಸಿ. ಕೇವಲ ಶೇಕಡಾ 1–2ರಷ್ಟು ವ್ಯತ್ಯಾಸವೂ ಸಾಲದ ಅವಧಿ ಪೂರ್ಣಗೊಳ್ಳುವಷ್ಟರಲ್ಲಿ ನಿಮ್ಮ ಒಟ್ಟು ವೆಚ್ಚವನ್ನು ಹೆಚ್ಚಿಸಬಹುದು. ಅನಗತ್ಯ ಆರ್ಥಿಕ ಭಾರವನ್ನು ತಪ್ಪಿಸಲು, ಎಲ್ಲಾ ಸಾಲದಾತರ ಬಡ್ಡಿ ದರ ಹಾಗೂ ಷರತ್ತುಗಳನ್ನು ಗಮನದಿಂದ ಪರಿಶೀಲಿಸುವುದು ತುಂಬಾ ಮುಖ್ಯ.
2.ಪ್ರೊಸೆಸಿಂಗ್ ಶುಲ್ಕಗಳನ್ನು ತಪ್ಪದೇ ಪರಿಶೀಲಿಸಿ
ಬಡ್ಡಿದರ ತಿಳಿದುಕೊಂಡ ನಂತರ, ಬ್ಯಾಂಕ್ ಅಥವಾ NBFC ನೀಡುವ ಪ್ರೊಸೆಸಿಂಗ್ ಶುಲ್ಕ ಎಷ್ಟು ಎಂಬುದನ್ನು ಸ್ಪಷ್ಟವಾಗಿ ಕೇಳಿ. ಕೆಲವು ಸಂಸ್ಥೆಗಳು ಹೆಚ್ಚು ಶುಲ್ಕ ವಿಧಿಸುತ್ತವೆ, ಇದು ಅನುಮೋದಿತ ಸಾಲದ ಮೊತ್ತದಿಂದಲೇ ಕಡಿತವಾಗುತ್ತದೆ. ಶುಲ್ಕ ಜಾಸ್ತಿಯಾದಷ್ಟೂ, ನಿಮಗೆ ಕೈಗೆ ಸಿಗುವ ಹಣ ಕಡಿಮೆಯಾಗುತ್ತದೆ. ಇದನ್ನು ಮುಂಚಿತವಾಗಿ ತಿಳಿದರೆ ನೀವು ಉತ್ತಮ ಹಣಕಾಸು ಯೋಜನೆ ಮಾಡಬಹುದು.
3.ಪೂರ್ವಪಾವತಿ ಶುಲ್ಕ ಮಾತನಾಡಿದರೆ ಕಡಿಮೆಯಾಗಬಹುದು!
ಸಾಲವನ್ನು ಅವಧಿಗಿಂತ ಬೇಗ ಪೂರ್ಣಗೊಳಿಸಲು ಬಯಸಿದರೆ, ಬ್ಯಾಂಕ್ ಪೂರ್ವಪಾವತಿ ಶುಲ್ಕ ವಿಧಿಸುತ್ತದೆಯೇ ಎಂದು ಕೇಳಿ. ಕೆಲ ಬ್ಯಾಂಕ್ಗಳಲ್ಲಿ ಈ ಶುಲ್ಕ ಹೆಚ್ಚು ಇರಬಹುದು. ಆದರೆ ನಿಮ್ಮ ಕ್ರೆಡಿಟ್ ಸ್ಕೋರ್ ಉತ್ತಮವಾಗಿದ್ದರೆ, ಈ ಶುಲ್ಕವನ್ನು ಕಡಿಮೆ ಮಾಡಿಸಿಕೊಳ್ಳಲು ಅಥವಾ ಮನ್ನಾ ಪಡೆಯಲು ನೀವು ಮಾತುಕತೆ ನಡೆಸಬಹುದು. ಉತ್ತಮ ಗ್ರಾಹಕರಿಗೆ ಬ್ಯಾಂಕ್ಗಳು ವಿಶೇಷ ಸೌಲಭ್ಯ ನೀಡುವುದು ಸಾಮಾನ್ಯ.
4.ಎಷ್ಟು ತುರ್ತು ಇದ್ದರೂ ನಿಯಮಗಳನ್ನು ಓದಿಯೇ ಸಹಿ ಹಾಕಿ
ಆಕಸ್ಮಿಕ ಹಣಕಾಸಿನ ಅವಶ್ಯಕತೆಯಲ್ಲಿ ಅನೇಕರು ಸಾಲದ ಷರತ್ತುಗಳನ್ನು ಸರಿಯಾಗಿ ಓದದೇ ಒಪ್ಪಿಕೊಂಡು ನಂತರ ಪಶ್ಚಾತ್ತಾಪಪಡುವರು. ನಿಮ್ಮ ಅಗತ್ಯ ಎಷ್ಟೇ ತುರ್ತು ಆಗಿದ್ದರೂ, ಮತ್ತು ಎಲ್ಲಾ ಸಾಲದ ನಿಯಮಗಳು ಮತ್ತು ಷರತ್ತುಗಳನ್ನು (Terms and Conditions) ಓದಲು ಎಂದಿಗೂ ಮರೆಯಬೇಡಿ.
ಬೆಂಗಳೂರು ಬೆಲೆ ಆಘಾತ: 2BHK ಮನೆಗೆ ₹1 ಕೋಟಿ ; ಬೆಲೆ ಏರಿಕೆಯ ಹಿಂದಿನ ಕಾರಣಗಳು
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.