ಟ್ರಂಪ್ ಆಡಳಿತ ವೈಖರಿ ಕುರಿತು ಜನರು ಆಕ್ರೋಶ ಹೊರಹಾಕಿದ್ದು, ನೋ ಕಿಂಗ್ಸ್‌ ಎಂಬ ಬರಹವುಳ್ಳ ಬೋರ್ಡ್‌ ಹಿಡಿದು ರಸ್ತೆಗಿಳಿದಿದ್ದಾರೆ.
ಶನಿವಾರ ( ಅಕ್ಟೋಬರ್ 18 ) ಬೆಳಗ್ಗೆ ವಿವಿಧ ನಗರಗಳಲ್ಲಿ ಶುರುವಾದ ಈ ಪ್ರತಿಭಟನೆಯಲ್ಲಿ ಎಲ್ಲ ವಯಸ್ಸಿನವರೂ ಭಾಗವಹಿಸಿದ್ದು, ಟ್ರಂಪ್ ರಾಜನ ಮಾದರಿಯ ಆಳ್ವಿಕೆಯ ಯತ್ನ ಹಾಗೂ ಭ್ರಷ್ಟಾಚಾರವನ್ನು ಸಹಿಸಲಾರೆವು ಎಂದು ಘೋಷಣೆ ಕೂಗಿದ್ದಾರೆ.
ಬೆಳ್ಳಂಬೆಳಗ್ಗೆಯೇ ಟೈಮ್‌ ಸ್ಕ್ವೇರ್‌ನಲ್ಲಿ ಸಾವಿರಾರು ಜನರು ಕಿಕ್ಕಿರಿದು ಟ್ರಂಪ್ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ. ಇನ್ನು ಟ್ರಂಪ್ ಪಡೆ ಈ ಪ್ರತಿಭಟನೆಯನ್ನು ಎದುರಿಸಲು ನ್ಯಾಷನಲ್‌ ಗಾರ್ಡ್‌ಗಳನ್ನು ನೇಮಿಸಿದೆ.
ಟ್ರಂಪ್ ಅನಾಮಧೇಯ ವ್ಯಕ್ತಿಗಳನ್ನು ಕಳುಹಿಸಿ ಬೇಕಾದ ಪ್ರದೇಶಗಳಲ್ಲಿ ಬೇಹುಗಾರಿಕೆ ಮಾಡಿಸುತ್ತಿದ್ದು, ವಲಸಿಗರನ್ನು ಅವಮಾನಿಸಲಾಗುತ್ತಿದೆ ಎಂದು ಆರೋಪಿಸಿದ್ದಾರೆ.
ಅಮೆರಿಕಾದಲ್ಲಿ ರಾಜರಿಲ್ಲ, ನಾವು ಗಲಭೆ, ಭ್ರಷ್ಟಾಚಾರ ಹಾಗೂ ಕ್ರೌರ್ಯದ ವಿರುದ್ಧ ಹೋರಾಡುವುದನ್ನು ನಿಲ್ಲಿಸುವುದಿಲ್ಲ ಎಂದು ಪ್ರತಿಭಟನಾಕಾರರು ಬ್ಯಾನರ್‌ಗಳನ್ನು ಹಿಡಿದು ಪ್ರತಿಭಟಿಸಿದ್ದಾರೆ.
ಬೆರ್ಲಿನ್‌, ಮ್ಯಾಡ್ರಿಡ್ ಹಾಗೂ ರೋಮ್‌ ನಗರಗಳ ಬೀದಿಗಳಲ್ಲಿ ಬೃಹತ್‌ ಮಟ್ಟದಲ್ಲಿ ಪ್ರತಿಭಟನಾಕಾರರು ಟ್ರಂಪ್ ವಿರುದ್ಧ ಸಿಡಿದೆದ್ದಿರುವ ವಿಡಿಯೊಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಟ್ರಂಪ್ ವಿರುದ್ಧ ಜನರ ಆಕ್ರೋಶ ಎಷ್ಟಿದೆ ಎಂಬುದು ಜೂನ್‌ ಬಳಿಕ ಮತ್ತೊಮ್ಮೆ ಬಹಿರಂಗವಾಗಿದೆ. ಕಳೆದ ಜೂನ್‌ನಲ್ಲೂ ಸಹ ಇದೇ ರೀತಿಯ ನೋ ಕಿಂಗ್ಸ್‌ ಪ್ರತಿಭಟನೆಯನ್ನು ಜನರು ನಡೆಸಿದ್ದರು.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.