ಮೀರತ್: ನೌಕಾಪಡೆ ಅಧಿಕಾರಿಯೊಬ್ಬರನ್ನು ಪ್ರೀತಿಸಿ ಮದುವೆಯಾದ ಪತ್ನಿಯೇ ತನ್ನ ಮತ್ತೊಬ್ಬ ಲವರ್ ಜೊತೆ ಸೇರಿ ಕೊಲೆ ಮಾಡಿರುವ ಘಟನೆ ಮೀರತ್‌ನಲ್ಲಿ ನಡೆದಿದೆ.
ಸೌರಭ್ ರಜಪೂತ್ ಎಂಬ ಮರ್ಚೆಂಟ್ ನೇವಿ ಅಧಿಕಾರಿ ಮುಸ್ಕಾನ್ ರಸ್ತೋಗಿ ಎಂಬಾಕೆಗಾಗಿ ತನ್ನ ಕುಟುಂಬವನ್ನೇ ತ್ಯಜಿಸಿದ್ದರು. ಮುಸ್ಕಾನ್‌ಳನ್ನು ಮನಸಾರೆ ಪ್ರೀತಿಸಿದ್ದ ಸೌರಭ್ ರಜಪೂತ್ ವಿವಾಹ ಮಾಡಿಕೊಂಡಿದ್ದರು.
ಮೀರತ್‌ನಲ್ಲಿದ್ದ ಮುಸ್ಕಾನ್ ನೋಡಲೆಂದು ಲಂಡನ್‌ನಿಂದ ಬಂದಿದ್ದ ಸೌರಭ್ ರಜಪೂತ್ ಅವರನ್ನು ಮುಸ್ಕಾನ್ ಹಾಗೂ ಆಕೆಯ ಪ್ರಿಯಕರ ಸಾಹಿಲ್ ಶುಕ್ಲಾ ಸೇರಿ ಕೊಲೆ ಮಾಡಿದ್ದಾರೆ. ಬಳಿಕ ದೇಹವನ್ನು ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಒಂದಕ್ಕೆ ಹಾಕಿ ಸಿಮೆಂಟ್ ಸೊಲ್ಯೂಷನ್‌ನಿಂದ ಮುಚ್ಚಿದ್ದಾರೆ.
ಹೀಗೆ ದೇಹದ ಭಾಗಗಳನ್ನು ಇಂಗುವ ಹಾಗೆ ಮಾಡಲು ಸಿಮೆಂಟ್ ಸೊಲ್ಯೂಷನ್ ಹಾಕಿದ್ದ ಮುಸ್ಕಾನ್ ಹಾಗೂ ಸಾಹಿಲ್ ಮೀರತ್‌ನಿಂದ ಶಿಮ್ಲಾಗೆ ತೆರಳಿ ದೇವಾಲಯವೊಂದರಲ್ಲಿ ವಿವಾಹವಾಗಿ ಅಲ್ಲಿಯೇ 12 ದಿನಗಳ ಕಾಲ ಹನಿಮೂನ್ ಆಚರಿಸಿದ್ದಾರೆ.
ಪ್ರೀತಿಸಿ ಮದುವೆಯಾದ ಗಂಡನನ್ನೇ ಕೊಂದು ಹೊಸ ಪ್ರಿಯಕರನ ಜೊತೆ ಶಿಮ್ಲಾದಲ್ಲಿ ಹನಿಮೂನ್ ಖುಷಿಯಲ್ಲಿದ್ದ ಮುಸ್ಕಾನ್‌ಗೆ ಆಕೆಯ ತಾಯಿಯೇ ಪಾಠ ಕಲಿಸಿದ್ದಾರೆ. ಮಗಳ ಕೃತ್ಯವನ್ನು ಅವರೇ ಪೊಲೀಸರಿಗೆ ತಿಳಿಸಿ ಕೊಲೆಯನ್ನು ಬಹಿರಂಗಪಡಿಸಿದ್ದಾರೆ. ಈ ಮಾಹಿತಿ ಆಧಾರದ ಮೇಲೆ ದೇಹದ ತುಂಡುಗಳನ್ನು ಮನೆಯಿಂದ ಹೊರ ತೆಗೆದ ಪೊಲೀಸರು ಆರೋಪಿಗಳಿಬ್ಬರನ್ನು ಬಂಧಿಸಿದ್ದಾರೆ. ಮುಸ್ಕಾನ್ ತಾನು ಮಾಡಿದ ಕೃತ್ಯವನ್ನು ಒಪ್ಪಿಕೊಂಡಿದ್ದಾಳೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.