ಸದ್ಯ ರಣಜಿ ಟ್ರೋಫಿ ನಡೆಯುತ್ತಿದ್ದು, ಇದರ ನಡುವೆಯೇ ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್‌ ಇದೇ ತಿಂಗಳ 26ರಿಂದ ನಡೆಯಲಿರುವ ಸೈಯದ್‌ ಮುಷ್ತಾಕ್‌ ಅಲಿ ಟ್ರೋಫಿಗೆ 16 ಆಟಗಾರರ ತಂಡವನ್ನು ಪ್ರಕಟಿಸಿದೆ.
ಮಯಾಂಕ್‌ ಅಗರ್ವಾಲ್‌ಗೆ ನಾಯಕತ್ವ ನೀಡಲಾಗಿದ್ದು, ಕರುಣ್‌ ನಾಯರ್‌ ತಂಡದಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ ಹಾಗೂ ಕೆಎಲ್‌ ಶ್ರೀಜಿತ್‌ ವಿಕೆಟ್‌ ಕೀಪರ್‌ ಆಗಿ ಆಯ್ಕೆಯಾಗಿದ್ದಾರೆ.
ಇನ್ನು ತಂಡ ಸಮತೋಲನದಿಂದ ಕೂಡಿದೆ ಎಂಬ ಮೆಚ್ಚುಗೆಯನ್ನು ಕೆಲ ನೆಟ್ಟಿಗರು ವ್ಯಕ್ತಪಡಿಸಿದ್ದು, ಇನ್ನೂ ಕೆಲವರು ಶರತ್ ಬಿಆರ್‌ ಆಯ್ಕೆಯನ್ನು ಖಂಡಿಸಿದ್ದಾರೆ. ಲುವ್ನಿತ್‌ ಸಿಸೋಡಿಯಾ ರೀತಿಯ ಆಟಗಾರನಿಗೆ ತಂಡದಲ್ಲಿ ಸ್ಥಾನವಿಲ್ಲ, ಆದರೆ ತಂದೆಯ ಬೆಂಬಲದಿಂದಾಗಿ ಶರತ್ ಬಿಆರ್‌ಗೆ ಮತ್ತೊಮ್ಮೆ ಅವಕಾಶ ಸಿಕ್ಕಿದೆ ಎಂದು ಎಕ್ಸ್ ವೇದಿಕೆಯಲ್ಲಿ ಕಾಮೆಂಟ್‌ ಮಾಡಿ ಆಕ್ರೋಶ ಹೊರಹಾಕಿದ್ದಾರೆ.
ಪ್ರಕಟಗೊಂಡ ತಂಡ: ಮಯಾಂಕ್‌ ಅಗರ್ವಾಲ್‌ ( ನಾಯಕ ) ಹಾಡ್ಲಿ ನೊರೊನಾ, ಶ್ರೀಜಿತ್‌ ಕೆಎಲ್‌ ( ವಿಕೆಟ್‌ ಕೀಪರ್‌ ), ಸ್ಮರಣ್‌ ಆರ್‌, ಅಭಿನವ್‌ ಮನೋಹರ್‌, ಶ್ರೇಯಸ್‌ ಗೋಪಾಲ್‌, ಶಿಖರ್‌ ಶೆಟ್ಟಿ, ವೈಶಾಖ್‌ ವಿಜಯಕುಮಾರ್‌, ವಿದ್ವತ್‌ ಕಾವೇರಪ್ಪ, ವಿದ್ಯಾಧರ್‌ ಪಾಟೀಲ್‌, ಶ್ರೀವತ್ಸ ಆರ್‌ ಆಚಾರ್ಯ, ಶುಭಾಂಗ್‌ ಹೆಗ್ಡೆ, ಪ್ರವೀಣ್‌ ದುಬೆ, ಶರತ್ ಬಿಆರ್‌ ( ವಿಕೆಟ್‌ ಕೀಪರ್‌ ) ಹಾಗೂ ದೇವದತ್‌ ಪಡಿಕ್ಕಲ್.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.