ಚಿತ್ರದುರ್ಗ: ನಿನ್ನೆ (ಫೆಬ್ರವರಿ 21) ಬೆಳಗಾವಿಯಲ್ಲಿ ಕೆಎಸ್‌ಆರ್‌ಟಿಸಿ ಬಸ್ ಕಂಡಕ್ಟರ್‌ ಹಾಗೂ ಪ್ರಯಾಣಿಕರೊಬ್ಬರನ್ನು ಮರಾಠಿ ಬಾರದ ಕಾರಣಕ್ಕೆ ಯುವಕರ ಗುಂಪೊಂದು ಬಸ್‌ನಲ್ಲೇ ಥಳಿಸಿದ ಘಟನೆ ನಡೆದಿದೆ.
ಈ ಘಟನೆ ಇದೀಗ ಕನ್ನಡಿಗರನ್ನು ಬಡಿದೆಬ್ಬಿಸಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಘಟನೆ ವಿರುದ್ಧ ದೊಡ್ಡ ಮಟ್ಟದಲ್ಲಿ ಖಂಡನೆ ಉಂಟಾಗುತ್ತಿದೆ. ಅಲ್ಲದೇ ಇದರ ಹಿಂದಿರುವ ಎಲ್ಲರನ್ನೂ ಬಂಧಿಸಬೇಕೆಂದು ಒತ್ತಾಯಗಳು ಕೇಳಿಬರುತ್ತಿವೆ.
ಹೀಗೆ ಬೆಳಗಾವಿಯ ಈ ಒಂದು ಘಟನೆ ಎಲ್ಲೆಡೆ ವೈರಲ್ ಆಗುತ್ತಿದ್ದಂತೆ ಬೀದಿಗಿಳಿದ ಚಿತ್ರದುರ್ಗ ಕರ್ನಾಟಕ ನವನಿರ್ಮಾಣ ಸೇನೆ ತಂಡದವರು ಮಹಾರಾಷ್ಟ್ರದ ಬಸ್ ತಡೆದು ಕಂಡಕ್ಟರ್‌ ಹಾಗೂ ಡ್ರೈವರ್‌ ಮುಖಕ್ಕೆ ಮಸಿ ಬಳಿದಿದ್ದಾರೆ. ಅಲ್ಲದೇ ಬಸ್ ಮುಂಭಾಗಕ್ಕೆ ಬ್ಲಾಕ್‌ ಪೇಂಟ್‌ ಹಚ್ಚಿ ಮರಾಠಿ ಅಕ್ಷರಗಳನ್ನು ಮುಚ್ಚಿದ್ದಾರೆ.
ಬಸ್ ತಡೆದು, ಮುಖಕ್ಕೆ ಮಸಿ ಹಚ್ಚಿದ ಫೋಟೊಗಳನ್ನು ಕನಾ೯ಟಕ ನವನಿರ್ಮಾಣ ಸೇನೆ ಕಾರ್ಯಕರ್ತರು ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದು ವೈರಲ್ ಆಗುತ್ತಿದೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.