ತಲೆಗೆ ತೂಕ ಇಳಿಸಬೇಕು ಎಂಬ ಬಯಕೆ ಮೂಡಿದ ಕ್ಷಣದಿಂದಲೇ ಹಲವರು ತಮ್ಮ ಆಹಾರದ ಮೇಲೆ ಕಟ್ಟೆಚ್ಚರ ವಹಿಸುತ್ತಾರೆ. ಹೊಟ್ಟೆ ತುಂಬಾ ಊಟ ಮಾಡುವುದನ್ನೇ ತ್ಯಜಿಸಿ, ಗಟ್ಟಿ ಸಾರು, ಸಾಗು, ಎಣ್ಣೆಯಲ್ಲಿ ಕರಿದ ಆಹಾರಗಳು ಇತ್ಯಾದಿಗಳನ್ನು ಸಂಪೂರ್ಣವಾಗಿ ಬಿಟ್ಟು ಬಿಡುತ್ತಾರೆ. ಆದರೆ, ಈ ರೀತಿಯ ತ್ಯಾಗದಿಂದ ದೇಹಕ್ಕೆ ಅಗತ್ಯವಿರುವ ಪೋಷಕಾಂಶಗಳು ಕಡಿಮೆಯಾಗುವ ಸಾಧ್ಯತೆಯೂ ಇದೆ.ಹೀಗಾಗಿ, ತೂಕ ಇಳಿಸಬೇಕಾದರೂ ಪೋಷಕಾಂಶಗಳ ಕೊರತೆಯಾಗದಿರುವಂತೆ ಸಮತೋಲನ ಕಾಯ್ದುಕೊಳ್ಳುವುದು ಬಹುಮುಖ್ಯ. ಇದರ ಒಂದು ಉತ್ತಮ ಮಾರ್ಗವೇ ಸೂಪ್. ಒಂದು ಬಟ್ಟಲು ಆರೋಗ್ಯಕರ ಸೂಪ್ ಸೇವನೆಯಿಂದ ಒಂದು ತಟ್ಟೆ ಪೌಷ್ಟಿಕ ಆಹಾರವನ್ನು ಸೇವಿಸಿದ ಪರಿಣಾಮವೇ ಸಿಗಬಹುದು. ಆದರೆ, ಯಾವ ಸೂಪ್ ಕುಡಿದರೂ ಸಾಕಾಗುವುದಿಲ್ಲ. ಮಾರುಕಟ್ಟೆಯಲ್ಲಿ ಅಥವಾ ಹೋಟೆಲ್ಗಳಲ್ಲಿ ಸಿಗುವ ಸೂಪ್ಗಳಲ್ಲಿ ಹಲವಾರು ಕೃತಕ ಪದಾರ್ಥಗಳು, ಗ್ಲೂಟಮೇಟ್, ಉಪ್ಪು, ಫ್ಲೇವರ್ ಎಸೆನ್ಸ್ ಇತ್ಯಾದಿಗಳು ಇದ್ದು, ಆರೋಗ್ಯಕ್ಕೆ ಹಾನಿಕಾರಕರಾಗಿರಬಹುದು.
ಹೀಗಾಗಿ, ತೂಕ ಕಳೆಯುವ ಉದ್ದೇಶದಿಂದ ಖಾತರಿಪಡಿಸಬಹುದಾದ ಸುಲಭ, ರುಚಿಕರ ಮತ್ತು ಪೌಷ್ಟಿಕ ಸೂಪ್ಗಳನ್ನು ಮನೆಯಲ್ಲಿಯೇ ತಯಾರಿಸಿಕೊಳ್ಳುವುದು ಉತ್ತಮ. ಇವುಗಳಲ್ಲಿ ಕಡಿಮೆ ಕೊಬ್ಬು, ಹೆಚ್ಚು ನಾರುಪದಾರ್ಥಗಳು ಹಾಗೂ ಅಗತ್ಯವಿರುವ ವಿಟಮಿನ್ಗಳು, ಖನಿಜಗಳು ಇರುವುದರಿಂದ ದೇಹಕ್ಕೆ ಉತ್ತಮ ಪೋಷಣೆಯು ಸಿಗುತ್ತದೆ ಮತ್ತು ತೂಕ ಇಳಿಸುವ ಪ್ರಯತ್ನಕ್ಕೂ ನೆರವಾಗುತ್ತದೆ.ಇದಕ್ಕೆ ನಾನಾ ತರಕಾರಿ ಸೇರಿಸಿ ತಯಾರಿಸಿದ 7 ಬಗೆಯ ಆರೋಗ್ಯಕರ ಸೂಪ್ಗಳನ್ನು ದಿನವೂ ವಿವಿಧ ರೀತಿಯಲ್ಲಿ ತಯಾರಿಸಬಹುದು. ಇವು ದೇಹ ಶುದ್ಧೀಕರಣಕ್ಕೂ ಸಹಕಾರಿಯಾಗುತ್ತವೆ.ನೀವು ಮನೆಗೆ ಸಂಬಂಧಿಕರನ್ನಾಗಲಿ ಸ್ನೇಹಿತರನ್ನಾಗಲಿ ಆಹ್ವಾನಿಸಿದ್ದರೆ, ಸಾಂಪ್ರದಾಯಿಕ ಭೋಜನದ ಜೊತೆಗೆ ಒಂದು ಆರೋಗ್ಯಕರ ಸೂಪ್ ಸೇರಿಸಿದರೆ ನಿಮ್ಮ ಆಹಾರದ ಮೆರವಣಿಗೆ ಇನ್ನಷ್ಟು ವಿಶೇಷವಾಗುತ್ತದೆ.ಅಷ್ಟೇ ಅಲ್ಲ, ಇದನ್ನು ದಿನದ ಯಾವುದೇ ಸಮಯದಲ್ಲಿ ಸೇವಿಸಬಹುದು. ಬನ್ನಿ, ಇದನ್ನು ತಯಾರಿಸುವ ಬಗೆ ಹೇಗೆ ಎಂಬುದನ್ನು ಈಗ ನೋಡೋಣ
ಬೇಕಾಗುವ ಪದಾರ್ಥಗಳು
ಬೆಳ್ಳುಳ್ಳಿ- 3 ಸಣ್ಣಗೆ ಹೆಚ್ಚಿಕೊಂಡಿದ್ದು,
ಶುಂಠಿ- ಸ್ವಲ್ಪ, ಸಣ್ಣಗೆ ಹೆಚ್ಚಿಕೊಂಡಿದ್ದು,
ಸ್ಪ್ರಿಂಗ್ ಆನಿಯನ್ (ಹಸಿರು ಈರುಳ್ಳಿ)- ಸಣ್ಣಗೆ ಹೆಚ್ಚಿಕೊಂಡಿದ್ದು ಸ್ವಲ್ಪ
ಎಣ್ಣೆ- ಸ್ವಲ್ಪ
ಕ್ಯಾರೆಟ್- ಸಣ್ಣಗೆ ಹೆಚ್ಚಿಕೊಂಡಿದ್ದು ಸ್ವಲ್ಪ
ಬೀನ್ಸ್- ಸಣ್ಣಗೆ ಹೆಚ್ಚಿಕೊಂಡಿದ್ದು ಸ್ವಲ್ಪ
ಕ್ಯಾಪ್ಸಿಕಂ- ಸಣ್ಣಗೆ ಹೆಚ್ಚಿಕೊಂಡಿದ್ದು ಸ್ವಲ್ಪ
ಎಲೆಕೋಸು- ಸಣ್ಣಗೆ ಹೆಚ್ಚಿಕೊಂಡಿದ್ದು ಸ್ವಲ್ಪ
ಬಟಾಣಿ- ಸ್ವಲ್ಪ
ಸ್ವೀಟ್ ಕಾರ್ನ್- ಸ್ವಲ್ಪ
ನೀರು- 4 ಬಟ್ಟಲು
ಉಪ್ಪು- ರುಚಿಗೆ ತಕ್ಕಷ್ಟು
ಕಾರ್ನ್ ಫ್ಲೋರ್- ಮುಕ್ಕಾಲು ಚಮಚ
ವಿನೇಗರ್- ಅರ್ಧ ಚಮಚ
ಮಿಕ್ಸ್ಡ್ ಹರ್ಬ್ಸ್- ಅರ್ಧ ಚಮಚ
ಕಾಳು ಮೆಣಸಿನ ಪುಡಿ- ಅರ್ಧ ಚಮಚ
ಒಣಗಿದ ಮೆಣಸಿನ ಪದರದ ಪುಡಿ- ಅರ್ಧ ಚಮಚ
ಮಾಡುವ ವಿಧಾನ
ಮೊದಲು ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ಅದನ್ನು ಬಿಸಿ ಮಾಡಿ.
ನಂತರ, ತುಂಡುಮಾಡಿದ ಶುಂಠಿ ಮತ್ತು ಬೆಳ್ಳುಳ್ಳಿಯನ್ನು ಹಾಕಿ ಸುಂದರವಾದ ಸುವಾಸನೆ ಬರುವ ತನಕ ಹುರಿಯಿರಿ.
ಇದಕ್ಕೆ ಸ್ಪ್ರಿಂಗ್ ಆನಿಯನ್, ಕ್ಯಾರೆಟ್, ಬೀನ್ಸ್, ಕ್ಯಾಪ್ಸಿಕಂ ಹಾಕಿ ಮಧ್ಯಮ ಉರಿಯಲ್ಲಿ ಚೆನ್ನಾಗಿ ಹುರಿದುಕೊಳ್ಳಿ.
ನಂತರ ಎಲೋಕೋಸು, ಬಟಾಣಿ ಮತ್ತು ಸ್ವೀಟ್ ಕಾರ್ನ್ ಸೇರಿಸಿ, 4 ಬಟ್ಟಲು ನೀರು ಹಾಕಿ 5–6 ನಿಮಿಷಗಳಷ್ಟು ಬೇಯಲು ಬಿಡಿ.
ನಂತರ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.
ತಣ್ಣನೆಯ ನೀರಿನಲ್ಲಿ ಕಲಸಿಕೊಂಡಿರುವ ಕಾರ್ನ್ ಫ್ಲೋರ್ ನ್ನು ಚೆನ್ನಾಗಿ ಬೆರೆಸಿ ಸೂಪ್ ಗಟ್ಟಿಯಾಗುವವರೆಗೆ ಕುದಿಯಿಸಿ.
ಕೊನೆಯಲ್ಲಿ ವಿನೆಗರ್, ಮಿಕ್ಸ್ಡ್ ಹರ್ಬ್ಸ್, ಕಾಳುಮೆಣಸಿನ ಪುಡಿ ಹಾಗೂ ಒಣ ಮೆಣಸಿನ ಪುಡಿಯನ್ನು ಸೇರಿಸಿ 2 ನಿಮಿಷ ಕುದಿಸಿ. ಆರೋಗ್ಯಕರ, ರುಚಿಕರ ಹಾಗೂ ಪೌಷ್ಟಿಕ ತರಕಾರಿ ಸೂಪ್ ಹಸಿವು ಹೊಗಿಸುತ್ತೆ, ಆರೋಗ್ಯ ಬಲಪಡಿಸುತ್ತೆ ಹಾಗಾದರೆ ಮನೆಯಲ್ಲಿ ನೀವು ಒಮ್ಮೆ ಇದನ್ನು ಟ್ರೈ ಮಾಡಿ.
ಮಳೆಗಾಲದ ಟೀ ಟೈಮ್ಗಾಗಿ ಕ್ರಂಚಿ ಆಂಡ್ ಕ್ರಿಸ್ಪಿ ಗರಿಗರಿ ಈರುಳ್ಳಿ ಪಕೋಡಾ
ಕೃಷಿ ಎಐ ಕನ್ನಡ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಎಐ ಅಡ್ವೋಕೇಟ್ ಅಸಿಸ್ಟೆಂಟ್ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.