ದುಬೈ: ದುಬೈ ಅಂತಾರಾಷ್ಟ್ರೀ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಿನ್ನೆ ( ಸೆಪ್ಟೆಂಬರ್ 21 ) ನಡೆದ ಭಾರತ ಹಾಗೂ ಪಾಕಿಸ್ತಾನ ತಂಡಗಳ ನಡುವಿನ ಏಷ್ಯಾ ಕಪ್ 2025 ( Asia Cup 2025 ) ಸೂಪರ್ 4 ಪಂದ್ಯದಲ್ಲಿ ಭಾರತ 6 ವಿಕೆಟ್ಗಳ ಭರ್ಜರಿ ಗೆಲುವನ್ನು ದಾಖಲಿಸಿದೆ.
ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 171 ರನ್ ಕಲೆಹಾಕಿ ಭಾರತಕ್ಕೆ 172 ರನ್ಗಳ ಗುರಿಯನ್ನು ನೀಡಿತ್ತು. ಈ ಗುರಿಯನ್ನು ಬೆನ್ನಟ್ಟುವಲ್ಲಿ ಯಶಸ್ವಿಯಾದ ಭಾರತ 18.5 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 174 ರನ್ ಬಾರಿಸಿತು.
ಇನ್ನು ಮೊದಲು ಬ್ಯಾಟಿಂಗ್ ಮಾಡಿದ ಪಾಕ್ ಪರ ಆರಂಭಿಕ ಆಟಗಾರನಾಗಿ ಕಣಕ್ಕಿಳಿದಿದ್ದ ಫಾಖರ್ ಜಮಾನ್ ಔಟ್ ಆದ ಪರಿ ಸದ್ಯ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಮೂರನೇ ಓವರ್ನ ಮೂರನೇ ಎಸೆತದಲ್ಲಿ ಹಾರ್ದಿಕ್ ಪಾಂಡ್ಯ ಎಸೆದ ಎಸೆತಕ್ಕೆ ಫಾಕರ್ ಜಮಾನ್ ಹೊಡೆತ ಬಾರಿಸುವ ಯತ್ನ ಮಾಡಿದರಾದರೂ ಚೆಂಡು ವಿಕೆಟ್ ಕೀಪರ್ನತ್ತ ಸಾಗಿತ್ತು.
ವಿಕೆಟ್ ಕೀಪರ್ ಸಂಜು ಸ್ಯಾಮ್ಸನ್ ಇನ್ನೇನು ನೆಲಕ್ಕೆ ಬೀಳಲಿದ್ದ ಚೆಂಡನ್ನು ಹಿಡಿದಿದ್ದರು. ಮೂರನೇ ಅಂಪೈರ್ ಸಹ ಅದನ್ನು ಔಟ್ ಎಂದೇ ನಿರ್ಧರಿಸಿದರು. ಆದರೆ ಪಾಕಿಸ್ತಾನದ ಅಭಿಮಾನಿಗಳು ಹಾಗೂ ಕೆಲ ಕ್ರಿಕೆಟ್ ಪ್ರೇಮಿಗಳು ಇದನ್ನು ನಾಟ್ಔಟ್ ಎಂದು ವಾದಿಸಿ ಮೋಸ ಎನ್ನತೊಡಗಿದ್ದಾರೆ.
ಹೌದು, ಸಂಜು ಸ್ಯಾಮ್ಸನ್ ಕ್ಯಾಚ್ ಪಡೆಯುವ ಮುನ್ನ ಚೆಂಡು ನೆಲಕ್ಕ ತಾಕಿದಂತೆ ಕಾಣುತ್ತಿದ್ದು, ಈ ಕಾರಣದಿಂದಾಗಿ ಇದನ್ನು ನಾಟ್ಔಟ್ ಎಂಬ ವಾದಗಳು ಕೇಳಿಬರುತ್ತಿವೆ. ಅಂಪೈರ್ ಔಟ್ ಎನ್ನುತ್ತಿದ್ದಂತೆ ಬ್ಯಾಟ್ಸ್ಮನ್ ಸಹ ನಗುತ್ತ ಇದು ನಾಟ್ಔಟ್ ಎಂಬಂತೆ ಪೆವಿಲಿಯನ್ ಕಡೆ ಹೆಜ್ಜೆ ಹಾಕಿದರು. ಅತ್ತ ಪಾಕಿಸ್ತಾನದ ಕೋಚ್ ಸಹ ಅಂಪೈರ್ ಜತೆ ಸಂವಾದ ನಡೆಸಿದರು.
ಅಲ್ಲದೇ ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ವ್ಯಾಪಕ ಚರ್ಚೆ ಏರ್ಪಟ್ಟಿದ್ದು, ಪಾಕ್ ಕ್ರಿಕೆಟ್ ಅಭಿಮಾನಿಗಳು ಇದು ಪಿಚ್ಕ್ಯಾಚ್, ನಾಟ್ಔಟ್ ಎಂದರೆ, ಇನ್ನೂ ಕೆಲವರು ಚೆಂಡು ಸಂಜು ಸ್ಯಾಮ್ಸನ್ ಗ್ಲೌಸ್ ಮೇಲೆ ಪಿಚ್ ಬಿದ್ದಿದ್ದು, ನೆಲಕ್ಕೆ ತಾಕಿಲ್ಲ, ಹೀಗಾಗಿ ಇದು ಔಟ್ ಎಂದು ಪ್ರತಿವಾದಿಸಿದ್ದಾರೆ.
ಮೈಸೂರು ದಸರಾ ಉದ್ಘಾಟನೆಗೆ ಕ್ಷಣಗಣನೆ; ಗಾಢ ನೀಲಿ ರೇಷ್ಮೆ ಸೀರೆಯಲ್ಲಿ ಕಂಗೊಳಿಸಿದ ಚಾಮುಂಡಿ
ಎಐ ಅಡ್ವೋಕೇಟ್ ಅಸಿಸ್ಟೆಂಟ್ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.