ನವದೆಹಲಿ;ನಾವು ಕೆಲವೊಮ್ಮೆ ಒಂದು ವರ್ಷದಲ್ಲಿ ಅಗತ್ಯಕ್ಕಿಂತ ಹೆಚ್ಚು cಯನ್ನು ಪಾವತಿಸಿರಬಹುದು. ಅಂತಹ ಸಂದರ್ಭಗಳಲ್ಲಿ ಐಟಿ ರಿಟರ್ನ್ಸ್ ಸಲ್ಲಿಸುವಾಗ, ನಮ್ಮ ತೆರಿಗೆ ಬಾಧ್ಯತೆ (tax liability), ಈಗಾಗಲೇ ಪಾವತಿಸಿರುವ ತೆರಿಗೆ ಮೊತ್ತ, ಮತ್ತು ಒಟ್ಟು ಆದಾಯ ಸೇರಿದಂತೆ ಎಲ್ಲಾ ವಿವರಗಳನ್ನು ನಮೂದಿಸುತ್ತೇವೆ. ಅಗತ್ಯಕ್ಕಿಂತ ಹೆಚ್ಚು ತೆರಿಗೆ (excessive tax) ಪಾವತಿಸಿರುವುದು ಕಂಡುಬಂದರೆ, ಅದರ ರಿಫಂಡ್ಗಾಗಿ (tax refund) ಮನವಿ ಮಾಡಬೇಕಾಗುತ್ತದೆ.ಆದರೆ, ರಿಫಂಡ್ಗಾಗಿ ಅರ್ಜಿ ಸಲ್ಲಿಸಿದರೂ ಬೇರೆ ಬೇರೆ ಕಾರಣಗಳಿಂದಾಗಿ ಹಣ ಮರುಪಾವತಿ ವಿಳಂಬವಾಗಬಹುದು.
ಇಂತಹ ಸಂದರ್ಭಗಳಲ್ಲಿ ಏನು ಮಾಡಬೇಕು ಎಂಬ ಬಗ್ಗೆ ಆದಾಯ ತೆರಿಗೆ ಇಲಾಖೆ ತನ್ನ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ಗಳಲ್ಲಿ ಕೆಲವು ಮಾರ್ಗದರ್ಶನಗಳನ್ನು ನೀಡಿದೆ. ಉದಾಹರಣೆಗೆ, ರಿಫಂಡ್ ವಿಳಂಬವಾದರೆ ನಿಮ್ಮ ಬ್ಯಾಂಕ್ ಖಾತೆ ವಿವರಗಳು ಸರಿಯಾಗಿದೆಯೇ ಎಂದು ಪರಿಶೀಲಿಸಿ, ಪ್ಯಾನ್ ಮತ್ತು ಬ್ಯಾಂಕ್ ವಿವರಗಳು ಹೊಂದಾಣಿಕೆಯಾಗಿದೆಯೇ ನೋಡಿಕೊಳ್ಳಿ, ಅಥವಾ ಇ-ಫೈಲಿಂಗ್ ಪೋರ್ಟಲ್ನಲ್ಲಿ ರಿಫಂಡ್ ಸ್ಥಿತಿಯನ್ನು ಪರಿಶೀಲಿಸಿ ಎಂದು ಇಲಾಖೆ ಸಲಹೆ ನೀಡಿದೆ.ಅಂತಿಮ ಗಡುವಿನೊಳಗೆ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಿದವರಿಗಷ್ಟೇ ತೆರಿಗೆ ರಿಫಂಡ್ ಪಡೆಯುವ ಅವಕಾಶ ಇದೆ. ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಿದ ನಂತರ, ನಿಮ್ಮ ರಿಟರ್ನ್ ಪರಿಶೀಲನೆ ಮತ್ತು ಪ್ರಕ್ರಿಯೆ ಪೂರ್ಣಗೊಂಡ ಬಳಿಕ, ತೆರಿಗೆ ರಿಫಂಡ್ ಹಣವನ್ನು ನಿಮ್ಮ ಬ್ಯಾಂಕ್ ಖಾತೆಗೆ ಜಮೆ ಮಾಡಲಾಗುತ್ತದೆ. ಸಾಮಾನ್ಯವಾಗಿ ಪರಿಶೀಲನೆ ಮುಗಿದ ನಂತರ 15 ದಿನಗಳ ಒಳಗೆ ರಿಫಂಡ್ ಹಣ ಖಾತೆಗೆ ಜಮೆಯಾಗುತ್ತದೆ. ಕೆಲವೊಮ್ಮೆ ಇದಕ್ಕಿಂತ ಶೀಘ್ರದಲ್ಲಿಯೇ ಹಣ ಲಭ್ಯವಾಗಬಹುದು
ಆದಾಯ ತೆರಿಗೆ ರಿಫಂಡ್ ಎಂದರೇನು?
ಆದಾಯ ತೆರಿಗೆ ರಿಫಂಡ್ ಎಂಬುದು ತೆರಿಗೆದಾರರು ಹಣಕಾಸು ವರ್ಷದಲ್ಲಿ ಪಾವತಿಸಿರುವ ಒಟ್ಟು ತೆರಿಗೆ ಮೊತ್ತವು ಅವರ ಅಂತಿಮ ತೆರಿಗೆ ಬಾಧ್ಯತೆಯನ್ನು ಮೀರಿದಾಗ, ಆ ಹೆಚ್ಚುವರಿ ಮೊತ್ತವನ್ನು ಸರ್ಕಾರದಿಂದ ಮರುಪಡೆಯುವ ಪ್ರಕ್ರಿಯೆಯಾಗಿದೆ. ಉದಾಹರಣೆಗೆ, ನೀವು TDS, TCS ಅಥವಾ ಮುಂಗಡ ತೆರಿಗೆ ರೂಪದಲ್ಲಿ ಅಗತ್ಯಕ್ಕಿಂತ ಹೆಚ್ಚು ತೆರಿಗೆ ಪಾವತಿಸಿದ್ದರೆ, ಆ ಹೆಚ್ಚುವರಿ ಹಣವನ್ನು ರಿಫಂಡ್ ರೂಪದಲ್ಲಿ ಪಡೆಯಬಹುದು. ತೆರಿಗೆ ಅಧಿಕಾರಿಗಳು ನಿಮ್ಮ ಆದಾಯ ತೆರಿಗೆ ರಿಟರ್ನ್ ಪರಿಶೀಲಿಸಿದ ನಂತರ, ಹೆಚ್ಚುವರಿ ತೆರಿಗೆಯನ್ನು ನಿಮಗೆ ಮರುಪಾವತಿ ಮಾಡಲಾಗುತ್ತದೆ, ಈ ಸಮಸ್ಯೆ ಪರಿಹರಿಸಲು ಇಲಾಖೆ ಕೆಳಗಿನ ಎರಡು ಕ್ರಮಗಳನ್ನು ಅನುಸರಿಸಲು ಸೂಚಿಸಿದೆ.
*ನಿಮ್ಮ ಬ್ಯಾಂಕ್ ಖಾತೆಯನ್ನು ಇ-ಫೈಲಿಂಗ್ ಪೋರ್ಟಲ್ನಲ್ಲಿ ವ್ಯಾಲಿಡೇಟ್ ಮಾಡಿ, ಖಾತೆ ವಿವರಗಳು ಸರಿಯಾಗಿದೆಯೇ ಎಂದು ದೃಢಪಡಿಸಿಕೊಳ್ಳಿ.
*ರೀಫಂಡ್ ರೀ-ಇಷ್ಯೂ ರಿಕ್ವೆಸ್ಟ್ ಅನ್ನು ಸಲ್ಲಿಸಿ, ಅಂದರೆ ನಿಮ್ಮ ರಿಫಂಡ್ ಮರುಪಾವತಿ ಪ್ರಕ್ರಿಯೆಯನ್ನು ಪುನರಾರಂಭಿಸಲು ಅರ್ಜಿ ಸಲ್ಲಿಸಿ.ಈ ಕ್ರಮಗಳನ್ನು ಅನುಸರಿಸಿದರೆ, ನಿಮ್ಮ ರಿಫಂಡ್ ಪ್ರಕ್ರಿಯೆ ಪುನರಾರಂಭವಾಗಿ ಹಣ ಮರುಪಾವತಿ ಸಾಧ್ಯವಾಗುತ್ತದೆ.
ಎಷ್ಟು ದಿನಗಳ ಬಳಿಕ ರಿಫಂಡ್ ಸಿಗುತ್ತದೆ?
ತೆರಿಗೆದಾರರು ಮೌಲ್ಯಮಾಪನ ಅಧಿಕಾರಿ ರಿಫಂಡ್ ಬ್ಯಾಂಕರ್ಗೆ ರಿಫಂಡ್ ಮಾಹಿತಿ ಕಳುಹಿಸಿದ 10 ದಿನಗಳ ನಂತರವೇ ಮರುಪಾವತಿ ಸ್ಟೇಟಸ್ನ್ನು ಪರಿಶೀಲಿಸಲು ಸಾಧ್ಯವಾಗುತ್ತದೆ. ಆದ್ದರಿಂದ, ಆ ಅವಧಿಗೆ ಮುನ್ನ ರಿಫಂಡ್ ಸ್ಥಿತಿಯನ್ನು ನೋಡಲು ಸಾಧ್ಯವಿಲ್ಲ.
ಮರುಪಾವತಿ ಹಣ ಎಲ್ಲಿಗೆ ಬರುತ್ತದೆ?
ಬ್ಯಾಂಕ್ ಖಾತೆ:
NSDL ವೆಬ್ಸೈಟ್ನಲ್ಲಿರುವ ಮಾಹಿತಿ ಪ್ರಕಾರ, ಆದಾಯ ತೆರಿಗೆ ಮರುಪಾವತಿ ಹಣವನ್ನು ಎರಡು ವಿಧಾನಗಳಲ್ಲಿ ನೀಡಲಾಗುತ್ತದೆ. ಮೊದಲನೆಯದು RTGS ಅಥವಾ NECS ಮೂಲಕ, ಈ ವಿಧಾನದಲ್ಲಿ ಹಣವನ್ನು ತೆರಿಗೆದಾರರ ಬ್ಯಾಂಕ್ ಖಾತೆಗೆ ನೇರವಾಗಿ ಜಮಾ ಮಾಡಲಾಗುತ್ತದೆ. ಆದ್ದರಿಂದ, ನಿಮ್ಮ ಬ್ಯಾಂಕ್ ಖಾತೆ ವಿವರಗಳು, ಬ್ಯಾಂಕ್ ಶಾಖೆಯ MICR ಕೋಡ್ ಅಥವಾ IFSC ಕೋಡ್ ಮತ್ತು ಸರಿಯಾದ ಸಂಪರ್ಕ ವಿಳಾಸವನ್ನು ನೀಡುವುದು ಅತ್ಯಂತ ಅಗತ್ಯ.
ಚೆಕ್:
ಚೆಕ್ ಮೂಲಕವೂ ಆದಾಯ ತೆರಿಗೆ ಮರುಪಾವತಿ ಮಾಡಲಾಗುತ್ತದೆ. ಇದಕ್ಕಾಗಿ ನಿಮ್ಮ ಬ್ಯಾಂಕ್ ಖಾತೆ ಸಂಖ್ಯೆ ಮತ್ತು ಸರಿಯಾದ ವಿಳಾಸವನ್ನು ನೀಡುವುದು ಕಡ್ಡಾಯ. ಚೆಕ್ ನಿಮ್ಮ ದಾಖಲಿಸಿದ ವಿಳಾಸಕ್ಕೆ ಕಳುಹಿಸಲಾಗುತ್ತದೆ.ಹೀಗಾಗಿ, ಯಾವುದೇ ವಿಧಾನದಲ್ಲಿ ಮರುಪಾವತಿ ಹಣವನ್ನು ಪಡೆಯಲು, ನೀವು ನೀಡಿರುವ ಬ್ಯಾಂಕ್ ವಿವರಗಳು ಮತ್ತು ವಿಳಾಸಗಳು ಸರಿಯಾಗಿರುವುದನ್ನು ಖಚಿತಪಡಿಸಿಕೊಳ್ಳುವುದು ಅತ್ಯವಶ್ಯಕ.
ನೀವು ಇನ್ನೂ ರಿಫಂಡ್ ಪಡೆಯದೆ ಇದ್ದರೆ ಏನು ಮಾಡಬೇಕು?
ನೀವು ರಿಫಂಡ್ ಪಡೆಯದೆ ಇದ್ದರೆ, ಆದಾಯ ತೆರಿಗೆ ಇಲಾಖೆಯನ್ನು ಸಂಪರ್ಕಿಸಿ ಮತ್ತು ರಿಫಂಡ್ ರೀ-ಇಷ್ಯೂ (Refund Re-issue) ರಿಕ್ವೆಸ್ಟ್ ಸಲ್ಲಿಸಬಹುದು. ಇಲಾಖೆ ಜೊತೆ ಸಂಪರ್ಕಿಸುವಾಗ ನಿಮ್ಮ PAN, ಯಾವ ಅಸೆಸ್ಮೆಂಟ್ ವರ್ಷಕ್ಕೆ ರಿಫಂಡ್ ನೀಡಬೇಕಾಗಿತ್ತು ಮತ್ತು ನಿಖರವಾದ ರಿಫಂಡ್ ಮೊತ್ತವನ್ನು ನೀಡುವುದು ಅಗತ್ಯ. ನೀವು ಫೋನ್, ಇಮೇಲ್ ಅಥವಾ ಇ-ಫೈಲಿಂಗ್ ಪೋರ್ಟಲ್ ಮೂಲಕ ಸಂಪರ್ಕಿಸಬಹುದು.
ರಿಫಂಡ್ ರೀ-ಇಷ್ಯೂ ರಿಕ್ವೆಸ್ಟ್ ಹೇಗೆ ಸಲ್ಲಿಸಬಹುದು ಎಂಬುದನ್ನು ಹಂತ ಹಂತವಾಗಿ ನೋಡಿ:
ಹಂತ 1: ಇ-ಫೈಲಿಂಗ್ ಪೋರ್ಟಲ್ಗೆ ಭೇಟಿ ನೀಡಿ ಮತ್ತು ನಿಮ್ಮ ಖಾತೆಗೆ ಲಾಗಿನ್ ಆಗಿ.
ಹಂತ 2: “My Account” ವಿಭಾಗಕ್ಕೆ ಹೋಗಿ.
ಹಂತ 3: “Refund Re-issue” ಆಯ್ಕೆಮಾಡಿ ಮತ್ತು “Create Refund Reissue Request” ಕ್ಲಿಕ್ ಮಾಡಿ.
ಹಂತ 4: ನಿಮ್ಮ PAN, ಅಸೆಸ್ಮೆಂಟ್ ವರ್ಷ ಮತ್ತು ರಿಫಂಡ್ ಮೊತ್ತ ಸೇರಿದಂತೆ ಅಗತ್ಯ ವಿವರಗಳನ್ನು ನಮೂದಿಸಿ.
ಹಂತ 5: e-Verify ಮಾಡಿ.
ಹಂತ 6: ರಿಫಂಡ್ ರೀ-ಇಷ್ಯೂ ರಿಕ್ವೆಸ್ಟ್ ಅನ್ನು ಸಲ್ಲಿಸಿ.ಈ ಹಂತಗಳನ್ನು ಅನುಸರಿಸಿದರೆ ನಿಮ್ಮ ರಿಫಂಡ್ ಮರುಪಾವತಿ ಪ್ರಕ್ರಿಯೆ ಪುನರಾರಂಭವಾಗುತ್ತದೆ.
ಐಟಿ ರಿಫಂಡ್ ಚೆಕ್ ಮಾಡುವ ಮೊದಲು ಗಮನಿಸಬೇಕಾದ ಮುಖ್ಯ ಅಂಶಗಳು
ಐಟಿ ಇಲಾಖೆಯ ವೆಬ್ಸೈಟ್ನಲ್ಲಿ ಖಾತೆ (Account) ಕ್ರಿಯೇಟ್ ಆಗಿರಬೇಕು:ಅಧಿಕೃತ ಇ-ಫೈಲಿಂಗ್ ಪೋರ್ಟಲ್ನಲ್ಲಿ (https://www.incometax.gov.in/iec/foportal/) ನಿಮ್ಮ ಖಾತೆ ಸೃಷ್ಟಿಯಾಗಿರಬೇಕು ಮತ್ತು ಲಾಗಿನ್ ವಿವರಗಳು ಸಿದ್ಧವಾಗಿರಬೇಕು.
ಆಧಾರ್ ಮತ್ತು ಪ್ಯಾನ್ ಲಿಂಕ್ ಆಗಿರಬೇಕು:ನಿಮ್ಮ ಪ್ಯಾನ್ ಮತ್ತು ಆಧಾರ್ ಸಂಖ್ಯೆಗಳು ಪರಸ್ಪರ ಲಿಂಕ್ ಆಗಿರುವುದು ಕಡ್ಡಾಯ. ಇದರಿಂದ ನಿಮ್ಮ ಖಾತೆ ಮಾನ್ಯತೆ ಪಡೆಯುತ್ತದೆ ಮತ್ತು ಯಾವುದೇ ವಿಳಂಬ ಅಥವಾ ತೊಂದರೆ ತಪ್ಪಿಸಬಹುದು.
ಐಟಿಆರ್ ಫೈಲ್ ಮಾಡಿರುವ ಪಿಡಿಎಫ್ ಪ್ರತಿಯನ್ನು ಹೊಂದಿರಬೇಕು:ನೀವು ಸಲ್ಲಿಸಿದ ಆದಾಯ ತೆರಿಗೆ ರಿಟರ್ನ್ (ITR) ಪಿಡಿಎಫ್ ಪ್ರತಿಯನ್ನು ನಿಮ್ಮ ಬಳಿ ಇಟ್ಟುಕೊಳ್ಳಿ. ಇದರಲ್ಲಿ ನಿಮ್ಮ ಸಲ್ಲಿಸಿದ ವಿವರಗಳು ಮತ್ತು ಅಡ್ಮಿಷನ್ ಸಂಖ್ಯೆ ಸೇರಿರುತ್ತದೆ, ಇದು ರಿಫಂಡ್ ಸ್ಥಿತಿ ಪರಿಶೀಲನೆಗೆ ಸಹಾಯ ಮಾಡುತ್ತದೆ.
ಏನಿದು ಮದುವೆ ಇನ್ಶೂರೆನ್ಸ್? ಮದುವೆಗೂ ಇರುವ ವಿಮೆ ಬಗ್ಗೆ ನೀವು ತಿಳಿಯಲೇಬೇಕು
ಕೃಷಿ ಎಐ ಕನ್ನಡ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಎಐ ಅಡ್ವೋಕೇಟ್ ಅಸಿಸ್ಟೆಂಟ್ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.