ಭಾರತೀಯ ರೈಲ್ವೆ (Indian Railways) ಕೋವಿಡ್ ಸಾಂಕ್ರಾಮಿಕದ ನಂತರ ಇದೇ ಮೊದಲ ಬಾರಿಗೆ ಪ್ರಯಾಣಿಕ ರೈಲು ಟಿಕೆಟ್ ದರಗಳನ್ನು ಹೆಚ್ಚಿಸುವ ಮಹತ್ವದ ಹೆಜ್ಜೆ ಕೈಗೊಂಡಿದೆ. 2025ರ ಜುಲೈ 1ರಿಂದ ಜಾರಿಗೆ ಬರುವಂತೆ, ಎಸಿ ಹಾಗೂ ಎಸಿಯೇತರ ಎಕ್ಸ್ಪ್ರೆಸ್ ರೈಲುಗಳ ಜೊತೆಗೆ ಎರಡನೇ ದರ್ಜೆಯ ಟಿಕೆಟ್ ದರಗಳಲ್ಲಿ ಏರಿಕೆ ಮಾಡಲು ರೈಲ್ವೆ ಇಲಾಖೆ ಅಧಿಕೃತ ಆದೇಶ ಹೊರಡಿಸಿದೆ.ಪ್ರತಿದಿನ ಸುಮಾರು 2.5 ಕೋಟಿ ಮಂದಿಗೆ ರೈಲುಗಳು ಸಾರಿಗೆ ಸಾಧನವಾಗಿರುವ ಈ ಸಂದರ್ಭದಲ್ಲಿ, ದೇಶದ ಬಡವರು ಮತ್ತು ಮಧ್ಯಮ ವರ್ಗದ ಜನತೆ ಇನ್ನೂ ರೈಲಿನ ಮೇಲೆ ನಂಬಿಕೆ ಇಟ್ಟುಕೊಂಡಿದ್ದಾರೆ ಎಂಬುದು ಸ್ಪಷ್ಟವಾಗಿದೆ. ಆದರೆ ಈ ದರ ಹೆಚ್ಚಳ ಎಲ್ಲ ಪ್ರಯಾಣಿಕರಿಗೂ ಅನ್ವಯಿಸುವುದಿಲ್ಲ.
ಉಪನಗರ ರೈಲುಗಳಲ್ಲಿ ಪ್ರಯಾಣಿಸುವವರು ಹಾಗೂ ಮಾಸಿಕ ಸೀಸನ್ ಟಿಕೆಟ್ ಹೊಂದಿರುವ ಪ್ರಯಾಣಿಕರು ಯಾವುದೇ ಹೆಚ್ಚಳವಿಲ್ಲದೆ ಹಿಂದಿನದಂತೆಲೇ ಪ್ರಯಾಣ ಮುಂದುವರಿಸಬಹುದಾಗಿದೆ.ಪ್ರತಿಯೊಂದು ದಿನವೂ ಸುಮಾರು 2.5 ಕೋಟಿ ಜನರು ರೈಲಿನಲ್ಲಿ ಪ್ರಯಾಣಿಸುತ್ತಿರುವುದರಿಂದ, ರೈಲುಗಳು ಭಾರತದಲ್ಲಿ ಬಡ ಮತ್ತು ಮಧ್ಯಮ ವರ್ಗದ ಜನರ ಮುಖ್ಯ ಸಂಚಾರ ಮಾಧ್ಯಮವಾಗಿವೆ ಎಂಬುದು ಸ್ಪಷ್ಟವಾಗಿದೆ. ಈ ಹಿನ್ನೆಲೆಯಲ್ಲಿ, ದರ ಹೆಚ್ಚಳವನ್ನು ನಿರ್ದಿಷ್ಟ ವರ್ಗದ ಪ್ರಯಾಣಿಕರ ಮೇಲೆ ಮಾತ್ರ ಅನ್ವಯಿಸುವಂತೆ ರೈಲ್ವೆ ಇಲಾಖೆ ಕ್ರಮ ಕೈಗೊಂಡಿದೆ
ಪರಿಷ್ಕೃತ ದರಗಳ ವಿವರ ಇಂತಿವೆ:
ಮಾಸಿಕ ಸೀಸನ್ ಟಿಕೆಟ್ (MST): ಯಾವುದೇ ಹೆಚ್ಚಳವಿಲ್ಲ
ಸಾಮಾನ್ಯ ಸೆಕೆಂಡ್ ಕ್ಲಾಸ್ (500 ಕಿ.ಮೀ ವರೆಗೆ): ಯಾವುದೇ ಹೆಚ್ಚಳವಿಲ್ಲ
ಸಾಮಾನ್ಯ ಸೆಕೆಂಡ್ ಕ್ಲಾಸ್ (500 ಕಿ.ಮೀ ಗಿಂತ ಹೆಚ್ಚು): ಪ್ರತಿ ಕಿ.ಮೀಗೆ ₹0.005 (ಅರ್ಧ ಪೈಸೆ)
ಮೇಲ್/ಎಕ್ಸ್ಪ್ರೆಸ್ ರೈಲುಗಳು (ನಾನ್-ಎಸಿ): ಪ್ರತಿ ಕಿ.ಮೀಗೆ ₹0.01 (1 ಪೈಸೆ)
ಎಸಿ ಕ್ಲಾಸ್ಗಳು (ಎಲ್ಲಾ ರೈಲುಗಳು): ಪ್ರತಿ ಕಿ.ಮೀಗೆ ₹0.02 (2 ಪೈಸೆ)
ಸಬ್ಅರ್ಬನ್ (ಉಪನಗರ) ರೈಲುಗಳಲ್ಲಿ ಯಾವುದೇ ದರ ಹೆಚ್ಚಳ ಇರುವುದಿಲ್ಲ.
ಸಾಮಾನ್ಯ ಎರಡನೇ ದರ್ಜೆ (ಸೆಕೆಂಡ್ ಕ್ಲಾಸ್) ಬೋಗಿಗಳಲ್ಲಿ 500 ಕಿ.ಮೀ.ವರೆಗೆ ದರ ಹೆಚ್ಚಳ ಇಲ್ಲ.ಮಾಸಿಕ ಸೀಸನ್ ಟಿಕೆಟ್ಗಳ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ.ಈ ದರ ಹೆಚ್ಚಳವು ಬಹುಪಾಲು ದೈನಂದಿನ ಪ್ರಯಾಣಿಕರಿಗೆ ಪ್ರಭಾವ ಬೀರುವುದಿಲ್ಲ. ಮುಖ್ಯವಾಗಿ, ದೀರ್ಘದೂರ ಪ್ರಯಾಣಿಸುವವರ ಮೇಲೆ ಮಾತ್ರ ಈ ಹೆಚ್ಚಳ ಅನ್ವಯಿಸುತ್ತದೆ. ತತ್ಕಾಲ್ನಲ್ಲಿ ಟ್ರೈನ್ ಟಿಕೆಟ್ ಬುಕ್ ಮಾಡಬೇಕೆಂದರೆ ಆಧಾರ್ ದೃಢೀಕರಣ ಬೇಕಾಗುತ್ತದೆ. ಜೂನ್ 10ರಂದು ರೈಲ್ವೆ ಸಚಿವಾಲಯವು ಇಂಥದ್ದೊಂದು ನಿರ್ದೇಶನ ಹೊರಡಿಸಿತ್ತು. ಜುಲೈ 1ರಿಂದ ಈ ಹೊಸ ನಿಯಮ ಚಾಲನೆಗೆ ಬರಲಿದೆ.
ಕೃಷಿ ಎಐ ಕನ್ನಡ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
ರೂಪೇಶ್ ರಾಜಣ್ಣ ವಿರುದ್ಧ ಆರೋಪ ಮಾಡಿ ಸರ್ಫರಾಜ್ ಖಾನ್ ಎಸ್ಕೇಪ್; ಸುಳ್ಳು ಹೇಳಿ ಸಿಕ್ಕಿಹಾಕೊಂಡ್ರಾ ಜಮೀರ್ ಪಿಎ?
ಎಐ ಅಡ್ವೋಕೇಟ್ ಅಸಿಸ್ಟೆಂಟ್ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.