ಉತ್ತರಪ್ರದೇಶ: ಕಾನ್ಪುರದಲ್ಲಿ ( kanpur ) ದುರಂತ ಘಟನೆಯೊಂದು ನಡೆದಿದ್ದು, ಸ್ವಿಮ್ಮಿಂಗ್ ಪೂಲ್ನಲ್ಲಿ 24 ವರ್ಷದ ಯುವಕನೊಬ್ಬ ಮುಳುಗಿ ಸಾವನ್ನಪ್ಪಿದ್ದಾನೆ.
ಗೆಳೆಯರ ಜೊತೆ ಪೂಲ್ ಪಾರ್ಟಿಗೆಂದು ಬಂದಿದ್ದ ಯುವಕ ಸ್ನೇಹಿತರ ಜೊತೆ ಸ್ವಿಮ್ಮಿಂಗ್ ಪೂಲ್ಗೆ ಇಳಿದು ಸಂತಸದಿಂದ ಆಡುತ್ತಿರುವ ವೇಳೆ ನೀರಿಗೆ ಮುಖ ಮಾಡಿ ಒಮ್ಮೆ ಎಗರಿ ಬಿದ್ದಿದ್ದಾನೆ. ಬಳಿಕ ಆತ ಮೇಲೆದ್ದೇ ಇಲ್ಲ. ಸುಮಾರು ಒಂದು ನಿಮಿಷ ಎರಡರಿಂದ ಮೂರು ಬಾರಿ ಕಾಲನ್ನು ಮೇಲೆತ್ತಿ ಮೇಲೆ ಬರುವ ಪ್ರಯತ್ನ ಮಾಡಿದನಾದರೂ ಪ್ರಯೋಜನವಾಗಿಲ್ಲ.
ಹೀಗೆ ಪ್ರಯತ್ನಪಟ್ಟ ಬಳಿಕ ಯುವಕ ನೋಡ ನೋಡುತ್ತಿದ್ದಂತೆಯೇ ನೀರಿನಲ್ಲಿ ಮುಳುಗಿ ದುರಂತ ಅಂತ್ಯ ಕಂಡಿದ್ದಾನೆ. ಇನ್ನು ಆತನ ಸುತ್ತ ಏಳೆಂಟು ಮಂದಿ ಇದ್ದರೂ ಸಹ ಆತ ಮುಳುಗುವುದನ್ನು ಯಾರೂ ಸಹ ಗಮನಿಸದೇ ಇದ್ದು, ಪೊಲೀಸರು ಇದನ್ನು ಅಪಘಾತ ಎಂದು ಪರಿಗಣಿಸಿದ್ದಾರೆ.
ಮೃತನನ್ನು 24 ವರ್ಷದ ಶಿಖರ್ ಸಿಂಗ್ ಎಂದು ಗುರುತಿಸಲಾಗಿದ್ದು, ಎರಡು ನಿಮಿಷಗಳ ಬಳಿಕ ಶಿಖರ್ನನ್ನು ಪೂಲ್ನಿಂದ ಹೊರತೆಗೆದು ಆಸ್ಪತ್ರೆಗೆ ರವಾನಿಸಿದ್ದಾರೆ. ಮರಣೋತ್ತರ ಪರೀಕ್ಷೆ ವರದಿ ಇನ್ನೂ ಪೊಲೀಸರ ಕೈ ಸೇರಬೇಕಿದ್ದು, ಸಿಸಿಟಿವಿ ದೃಶ್ಯದಲ್ಲಿ ಯಾವುದೇ ರೀತಿಯ ಅನುಮಾನಾಸ್ಪದ ಚಟುವಟಿಕೆಗಳು ಕಂಡುಬಂದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಶಿಖರ್ ಕಾನ್ಪುರದ ಯಶೋಧರಾ ನಗರದಲ್ಲಿ ವಾಸವಿದ್ದು, ಪೋಷಕರಿಗೆ ಓರ್ವನೇ ಪುತ್ರನಾಗಿದ್ದಾನೆ.
ಎಐ ಅಡ್ವೋಕೇಟ್ ಅಸಿಸ್ಟೆಂಟ್ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.