ಬೆಂಗಳೂರು: ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿರುವ ಭಾರತ ಸದ್ಯ ಆಸ್ಟ್ರೇಲಿಯಾ ವಿರುದ್ಧ 3 ಪಂದ್ಯಗಳ ಏಕದಿನ ಸರಣಿಯನ್ನು ಈಗಾಗಲೇ ಸೋತಿದೆ. ಪರ್ತ್‌ನಲ್ಲಿ ನಡೆದ ಮೊದಲ ಏಕದಿನ ಪಂದ್ಯ ಹಾಗೂ ಅಡಿಲೇಡ್‌ನಲ್ಲಿ ನಡೆದ ಎರಡನೇ ಏಕದಿನ ಪಂದ್ಯಗಳಲ್ಲಿ ಸೋತಿರುವ ಭಾರತ ಇಂದು ( ಅಕ್ಟೋಬರ್ 25 ) ಸಿಡ್ನಿಯಲ್ಲಿ ನಡೆಯಲಿರುವ ಮೂರನೇ ಏಕದಿನ ಪಂದ್ಯದಲ್ಲಿ ಕಣಕ್ಕಿಳಿಯಲಿದೆ.
ಹೀಗೆ ಮೊದಲ ಎರಡು ಪಂದ್ಯಗಳಲ್ಲಿ ಸೋತಿರುವ ಭಾರತ ಇಂದಿನ ಪಂದ್ಯದಲ್ಲಾದರೂ ಗೆದ್ದು ವೈಟ್‌ವಾಷ್‌ ಮುಖಭಂಗದಿಂದ ಪಾರಾಗಬೇಕಾಗಿದ್ದು, ಇದಕ್ಕೆ ಭಾರತದ ಮಾಜಿ ಬೌಲರ್ ವರುಣ್‌ ಆರನ್‌ ಸಲಹೆಯೊಂದನ್ನು ನೀಡಿದ್ದಾರೆ.
ಭಾರತದ ಯಾವುದಾದರೂ ಓರ್ವ ಬ್ಯಾಟ್ಸ್‌ಮನ್‌ನನ್ನು ತಂಡದಿಂದ ಹೊರಗಿಟ್ಟು ಕುಲ್‌ದೀಪ್‌ ಯಾದವ್‌ರನ್ನು ಕಣಕ್ಕಿಳಿಸಿ ಎಂದು ವರುಣ್‌ ಕೇಳಿಕೊಂಡಿದ್ದಾರೆ. ಈ ಕುರಿತು ಮಾತನಾಡಿರುವ ವರುಣ್‌ ಕುಲ್‌ದೀಪ್‌ ಯಾದವ್‌ ಮೊದಲ ಪಂದ್ಯದಿಂದಲೇ ತಂಡದಲ್ಲಿರಬೇಕಿತ್ತು. ಆಸ್ಟ್ರೇಲಿಯಾ ನೆಲದಲ್ಲಿ ಕೇವಲ ಇಬ್ಬರು ವೇಗಿಗಳನ್ನು ಇಟ್ಟುಕೊಂಡು ಆಡುವುದು ಸಾಧ್ಯವಾಗದ ಕಾರಣ ಓರ್ವ ಬ್ಯಾಟ್ಸ್‌ಮನ್‌ನನ್ನು ತಂಡದಿಂದ ಹೊರಗಿಡಲೇಬೇಕಿದೆ. ಆದರೆ ಕುಲ್‌ದೀಪ್‌ ವಿಕೆಟ್‌ ತಂದುಕೊಡುವ ಆಟಗಾರನಾಗಿದ್ದಾರೆ. ತಂಡ ರನ್‌ ಗಳಿಸದೇ ಇದ್ದಾಗ ಅದಕ್ಕೆ ತಕ್ಕನಾದ ವಿಕೆಟ್‌ ಪಡೆದು ಸರಿದೂಗಿಸಬಲ್ಲ ಆಟಗಾರನಾಗಿದ್ದಾರೆ ಎಂದಿದ್ದಾರೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.