ಲ್ಯಾಪ್‌ಟಾಪ್ ಮಡಿಲಲ್ಲಿಟ್ಟು ಕೆಲಸ ಮಾಡಬೇಡಿ: ಪುರುಷ-ಮಹಿಳೆಯರಲ್ಲಿ ಈ ಗಂಭೀರ ಸಮಸ್ಯೆಗಳು ಖಚಿತ

ಇತ್ತೀಚಿನ ದಿನಗಳಲ್ಲಿ ಮೊಬೈಲ್‌ನಂತೆಯೇ ಲ್ಯಾಪ್‌ಟಾಪ್ (Laptop) ಬಳಕೆಯೂ ಸಾಮಾನ್ಯವಾಗಿದೆ. ಕಚೇರಿಯಿಂದ ಇರಲಿ ಅಥವಾ ಮನೆಯಿಂದ ಇರಲಿ, ಲ್ಯಾಪ್‌ಟಾಪ್ ಅನ್ನು ಮಡಿಲಲ್ಲಿಟ್ಟುಕೊಂಡು, ಆರಾಮವಾಗಿ ಕುಳಿತು ಕೆಲಸ ಮಾಡುವ ಅಭ್ಯಾಸ ಅನೇಕರಲ್ಲಿದೆ. ಆದರೆ, ವೈದ್ಯರ ಪ್ರಕಾರ, ಈ ‘ಸಣ್ಣ ತಪ್ಪು’ ನಿಮ್ಮ ಆರೋಗ್ಯದ ಮೇಲೆ ಅತ್ಯಂತ ಅಪಾಯಕಾರಿ ಪರಿಣಾಮ ಬೀರಬಹುದು!

ಲ್ಯಾಪ್‌ಟಾಪ್‌ಗಳಿಂದ ಹೊರಸೂಸುವ ಶಾಖ ಮತ್ತು ವಿದ್ಯುತ್ಕಾಂತೀಯ ವಿಕಿರಣಗಳು (EMF) ನಮ್ಮ ಆರೋಗ್ಯದ ಮೇಲೆ ನೇರವಾಗಿ ಪರಿಣಾಮ ಬೀರುತ್ತವೆ. ಅದರಲ್ಲೂ ಲ್ಯಾಪ್‌ಟಾಪ್ ಅನ್ನು ತೊಡೆಯ ಮೇಲೆ ಇಟ್ಟುಕೊಂಡು ದೀರ್ಘಕಾಲ ಕೆಲಸ ಮಾಡುವುದರಿಂದ ಉಂಟಾಗುವ ಪ್ರಮುಖ ಅಪಾಯಗಳು ಇಲ್ಲಿವೆ:

ಪುರುಷರಲ್ಲಿ ಬಂಜೆತನದ ಸಮಸ್ಯೆ (Infertility)

ಲ್ಯಾಪ್‌ಟಾಪ್‌ನಿಂದ ಬರುವ ಶಾಖವು ಪುರುಷರ ಜನನಾಂಗಗಳ (Testicles) ತಾಪಮಾನವನ್ನು ಹೆಚ್ಚಿಸುತ್ತದೆ. ಇದರ ಜೊತೆಗೆ ವಿದ್ಯುತ್ಕಾಂತೀಯ ವಿಕಿರಣಗಳು (EMF) ನ್ಯೂರೋಡಾಕ್ಟ್ ಅಂಗದ ಮೇಲೆ ಪರಿಣಾಮ ಬೀರಿ, ವೀರ್ಯಾಣುಗಳ ಸಂಖ್ಯೆಯನ್ನು (Sperm Count) ಕಡಿಮೆ ಮಾಡುತ್ತವೆ.ಮಹಿಳೆಯರ ಗರ್ಭಾಶಯವು ದೇಹದೊಳಗೆ ಇರುವುದರಿಂದ ಪುರುಷರ ಜನನಾಂಗಗಳು ದೇಹದ ಹೊರಗಿರುವುದರಿಂದ ಶಾಖ ವಿಕಿರಣವು ನೇರವಾಗಿ ಪುರುಷರ ಅಂಗಗಳ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ.

2.ಡಿಎನ್‌ಎ (DNA) ಹಾನಿ

ಲ್ಯಾಪ್‌ಟಾಪ್‌ನ ವೈರ್‌ಲೆಸ್ ಇಂಟರ್ನೆಟ್ ಸಿಗ್ನಲ್‌ಗಳು ಹೊರಸೂಸುವ ವಿಕಿರಣಗಳಿಂದಾಗಿ ವೀರ್ಯದ ಅಂಗಾಂಶಗಳಲ್ಲಿನ ಡಿಎನ್ಎಗೆ ಹಾನಿ ಆಗುತ್ತದೆ ಎಂದು ಅಧ್ಯಯನಗಳು ದೃಢಪಡಿಸಿವೆ.

3.ಮಹಿಳೆಯರಲ್ಲಿ ಗರ್ಭಧಾರಣೆ ಸಮಸ್ಯೆ

ದೀರ್ಘಕಾಲದವರೆಗೆ ಲ್ಯಾಪ್‌ಟಾಪ್ ಬಳಸುವುದರಿಂದ ಮಹಿಳೆಯರಲ್ಲಿ ಫಲವತ್ತತೆ (Fertility) ಸಮಸ್ಯೆಗಳು ಕಾಡಬಹುದು. ಇದು ಅಂಡಾಣುಗಳ ಉತ್ಪತ್ತಿಯನ್ನು ಕಡಿಮೆ ಮಾಡಿ, ಗರ್ಭಧರಿಸುವಲ್ಲಿ ಸಮಸ್ಯೆಗಳನ್ನು ಸೃಷ್ಟಿಸುತ್ತದೆ.

4.ಗರ್ಭಿಣಿಯರು ಮತ್ತು ಮಗುವಿನ ಮೇಲೆ ಪರಿಣಾಮ

ಗರ್ಭಿಣಿಯರು ಹೊಟ್ಟೆಯ ಮೇಲೆ ಲ್ಯಾಪ್‌ಟಾಪ್ ಇಟ್ಟುಕೊಂಡು ಕೆಲಸ ಮಾಡಿದರೆ, ಅದು ಭ್ರೂಣದಲ್ಲಿನ ಮಗುವಿನ ಮೇಲೆ ಪರಿಣಾಮ ಬೀರಬಹುದು. ಇಂತಹ ಮಕ್ಕಳಲ್ಲಿ ಮೆದುಳಿನ ಬೆಳವಣಿಗೆಯ ಸಮಸ್ಯೆಗಳು (Brain development issues) ಕಾಡಬಹುದು ಎಂದು ಎಚ್ಚರಿಕೆ ನೀಡಲಾಗಿದೆ.

5.ಚರ್ಮದ ಕ್ಯಾನ್ಸರ್ ಅಪಾಯ

ತೊಡೆಯ ಮೇಲೆ ಲ್ಯಾಪ್‌ಟಾಪ್‌ನೊಂದಿಗೆ ದೀರ್ಘಕಾಲ ಕೆಲಸ ಮಾಡುವುದರಿಂದ, ಪಾದಗಳ ಚರ್ಮವು ಬಣ್ಣ ಕಳೆದುಕೊಳ್ಳುತ್ತದೆ (ವಿವರ್ಣಗೊಳ್ಳುತ್ತದೆ) ಮತ್ತು ಚರ್ಮದ ಕ್ಯಾನ್ಸರ್ (Skin Cancer) ಉಂಟಾಗುವ ಅಪಾಯವನ್ನು ಹೆಚ್ಚಿಸುತ್ತದೆ.

6.ಬೆನ್ನು ಮತ್ತು ಕುತ್ತಿಗೆ ನೋವು

ಲ್ಯಾಪ್‌ಟಾಪ್ ಅನ್ನು ತೊಡೆಯ ಮೇಲೆ ಇಟ್ಟುಕೊಂಡು ಕೆಲಸ ಮಾಡುವಾಗ ಸಾಮಾನ್ಯವಾಗಿ ಹೆಚ್ಚು ಬಗ್ಗಿ ಅದರ ಸ್ಕ್ರೀನ್ ನೋಡಬೇಕಾಗುತ್ತದೆ. ಇದರಿಂದಾಗಿ ದೀರ್ಘಕಾಲದವರೆಗೆ ಕುತ್ತಿಗೆ ಮತ್ತು ಬೆನ್ನು ನೋವು (Neck and Back Pain) ಉಂಟಾಗುತ್ತದೆ.

7.ಸಂತಾನೋತ್ಪತ್ತಿ ಅಂಗಾಂಗಗಳಿಗೆ ಮಾರಕ

ಲ್ಯಾಪ್‌ಟಾಪ್ ವೈರ್‌ಲೆಸ್ ಇಂಟರ್ನೆಟ್ ಸಿಗ್ನಲ್ ಮತ್ತು ರೇಡಿಯೇಟ್ ಇಎಂಎಫ್‌ಗಳನ್ನು ಸ್ವೀಕರಿಸುತ್ತದೆ. ವೈರ್‌ಲೆಸ್ ಇಂಟರ್ನೆಟ್ ಬಳಕೆಯು ನೇರವಾಗಿ ಸಂತಾನೋತ್ಪತ್ತಿ ಅಂಗಾಂಗಗಳ ಮೇಲೆ ಮಾರಕ ಪರಿಣಾಮ ಬೀರುತ್ತದೆ.

8.ಚರ್ಮದ ಕ್ಯಾನ್ಸರ್ ಸಂಭವ ಹೆಚ್ಚು

ಸ್ವಿಸ್ ಸಂಶೋಧಕರಾದ ಡಾ. ಆಂಡ್ರಿಯಾಸ್ ಅರ್ನಾಲ್ಡ್ ಮತ್ತು ಯೂನಿವರ್ಸಿಟಿ ಹಾಸ್ಪಿಟಲ್ ಬಾಸೆಲ್‌ನ ಪೀಟರ್ ಇಟಿನ್ ಅವರ ಪ್ರಕಾರ, ಲ್ಯಾಪ್‌ಟಾಪ್‌ನ ಬಿಸಿ (ಶಾಖ) ತಾಕಿ ಚರ್ಮದ ಕ್ಯಾನ್ಸರ್ ಬರಬಹುದು.

ಕ್ಯಾನ್ಸರ್ ಸಾಧ್ಯತೆ ಹೇಗೆ?
ಸ್ಕ್ವಾಮಸ್ ಸೆಲ್ ಸ್ಕಿನ್ ಕ್ಯಾನ್ಸರ್: ದೀರ್ಘಕಾಲದ ಚರ್ಮದ ಉರಿಯೂತವು (Chronic skin inflammation) ‘ಸ್ಕ್ವಾಮಸ್ ಸೆಲ್ ಸ್ಕಿನ್ ಕ್ಯಾನ್ಸರ್’ (Squamous Cell Skin Cancer) ಸಾಧ್ಯತೆಯನ್ನು ಹೆಚ್ಚಿಸುತ್ತದೆ.ಇದು ಸಾಮಾನ್ಯ ಚರ್ಮದ ಕ್ಯಾನ್ಸರ್‌ಗಿಂತ ಹೆಚ್ಚು ಆಕ್ರಮಣಕಾರಿಯಾಗಿದೆ ಎಂದು ಸಂಶೋಧಕರು ಸೂಚಿಸಿದ್ದಾರೆ.

ಸಂತಾನೋತ್ಪತ್ತಿ ಅಂಗಗಳ ಕ್ಯಾನ್ಸರ್ ಅಪಾಯ
ಅಷ್ಟೇ ಅಲ್ಲದೆ, ತಮ್ಮ ಸಂತಾನೋತ್ಪತ್ತಿ ಅಂಗಗಳ (Reproductive Organs) ಬಳಿ ಲ್ಯಾಪ್‌ಟಾಪ್‌ಗಳನ್ನು ಇಟ್ಟುಕೊಳ್ಳುವುದರಿಂದ ಇದು ವೃಷಣ ಮತ್ತು ಅಂಡಾಶಯದ ಕ್ಯಾನ್ಸರ್ (Testicular and Ovarian Cancer) ಗಳಿಗೂ ಕಾರಣವಾಗಬಹುದು ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ.

“ಆ Attitude ಜೇಬಲ್ಲಿ ಇರಲಿ!” ಕ್ಯಾಬ್‌ನಲ್ಲಿ ಪ್ರಯಾಣಿಕರಿಗಾಗಿ 7 ನಿಯಮಗಳ ಪಟ್ಟಿ ಹಾಕಿದ ಚಾಲಕ