ಬೆಂಗಳೂರು: ಸಾಮಾಜಿಕ ಜಾಲತಾಣದ ಬಹುದೊಡ್ಡ ವೇದಿಕೆಗಳಲ್ಲಿ ಒಂದಾದ ಇನ್ಸ್ಟಾಗ್ರಾಮ್ ಅಪ್ಲಿಕೇಶನ್ ಆಗಾಗ ಸರ್ವರ್ ಸಮಸ್ಯೆಗೆ ಒಳಗಾಗುತ್ತಲೇ ಇರುತ್ತದೆ. ಸರ್ವರ್ ಡೌನ್ ಎಂಬ ವಿಚಾರಕ್ಕೆ ಹೆಚ್ಚು ದೂರುಗಳನ್ನು ಹೊಂದಿರುವ ಇನ್ಸ್ಟಾಗ್ರಾಮ್ ಇದೀಗ ಮೆಸೇಜ್ ಬಟನ್ ಕೆಲಸ ನಿರ್ವಹಿಸದ ಕಾರಣಕ್ಕೆ ಸುದ್ದಿಗೀಡಾಗಿದೆ.
ತಮ್ಮ ಲೇಔಟ್ ವಿನ್ಯಾಸದಲ್ಲಿ ಕೆಲ ದಿನಗಳಿಂದ ಆಗಾಗ ಬದಲಾವಣೆಗಳನ್ನು ಮಾಡುತ್ತಾ ಬಂದಿರುವ ಇನ್ಸ್ಟಾಗ್ರಾಮ್ ಈ ಹಿಂದೆ ಸ್ಕ್ರೀನ್ನ ಬಲಗಡೆ ಮೇಲ್ಭಾಗದಲ್ಲಿದ್ದ ಮೆಸೇಜ್ ಬಟನ್ ಅನ್ನು ಇತ್ತೀಚೆಗಷ್ಟೆ ಸ್ಕ್ರೀನ್ನ ಮಧ್ಯಕ್ಕೆ ಕೆಳಭಾಗದಲ್ಲಿರಿಸಲಾಗಿತ್ತು.
ಹೀಗೆ ರೀಲ್ಸ್ ಆಪ್ಷನ್ನ ಪಕ್ಕದಲ್ಲಿದ್ದ ಮೆಸೇಜ್ ಬಟನ್ಗೆ ಮತ್ತೆ ಬದಲಾವಣೆ ತಂದಿರುವ ಇನ್ಸ್ಟಾಗ್ರಾಮ್ ಪುನಃ ಮೆಸೇಜ್ ಬಟನ್ ಅನ್ನು ಬಲಗಡೆ ಮೇಲ್ಭಾಗಕ್ಕೆ ಸ್ಥಳಾಂತರಿಸಿದೆ.
ಆದರೆ ವಿಶ್ವದಾದ್ಯಂತ ಅನೇಕ ಬಳಕೆದಾರರಿಗೆ ಇಂದು ( ಅಕ್ಟೋಬರ್ 29 ) ಈ ಮೆಸೇಜ್ ಬಟನ್ ಕೆಲಸ ನಿರ್ವಹಿಸುತ್ತಿಲ್ಲ. ಮೆಸೇಜ್ ಬಟನ್ ಕ್ಲಿಕ್ ಮಾಡಿದರೆ ಯಾವುದೇ ಪ್ರತಿಕ್ರಿಯೆ ಬಾರದೇ ಬೇಸತ್ತಿದ್ದಾರೆ.
ಹೀಗೆ ನಿರಾಸೆಗೊಳಗಾದ ಬಳಕೆದಾರರು ಈ ಸಮಸ್ಯೆ ಬಗ್ಗೆ ಸಾಮಾಜಿಕ ಜಾಲತಾಣ ಎಕ್ಸ್ ವೇದಿಕೆಯಲ್ಲಿ ಬರೆದುಕೊಂಡು ದೂರಿದ್ದಾರೆ.
ತೇಜಸ್ವಿ ಸೂರ್ಯನಿಗೆ ನೀನು ಹೇಳಿದಂಗೆಲ್ಲ ಕೇಳೋಕೆ ಆಗಲ್ಲ ಅಂತ ಹೇಳಿದ್ದೇನೆ; ಭೇಟಿ ಬಳಿಕ ಡಿಕೆಶಿ ಮತ್ತೆ ಟಾಂಗ್
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.