2025ರ ಜುಲೈ ತಿಂಗಳು ಆಗಮಿಸಿದ್ದು, ವರ್ಷದ ಮೊದಲಾರ್ಧ ಮುಕ್ತಾಯಗೊಂಡಿದೆ. ಆದರೆ ಕನ್ನಡ ಚಿತ್ರರಂಗ ಮಾತ್ರ ಬ್ಲಾಕ್ಬಸ್ಟರ್ ಚಿತ್ರವನ್ನು ಮಾತ್ರ ಕಂಡಿಲ್ಲ. ಜನವರಿಯಿಂದ ಜೂನ್ವರೆಗೆ ಹಲವಾರು ಕನ್ನಡ ಚಿತ್ರಗಳು ಬಿಡುಗಡೆಗೊಂಡಿದ್ದು, ಕೆಲ ಚಿತ್ರಗಳು ಮಾತ್ರ ನಷ್ಟದಿಂದ ಪಾರಾಗಿವೆ.
ಇನ್ನು ಈ ಪೈಕಿ ಕೇವಲ 3 ಚಿತ್ರಗಳು ಮಾತ್ರ 5 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದ್ದು, ಇದೇ ಈ ವರ್ಷ ಕನ್ನಡ ಚಿತ್ರರಂಗ ಮಾಡಿದ ಸಾಧನೆಯಾಗಿದೆ. ಸ್ಟಾರ್ ನಟರ ಚಿತ್ರಗಳಾವುವೂ ಬಿಡುಗಡೆಯಾಗದೇ ಇರುವುದು ಚಿತ್ರರಂಗದ ಹಿನ್ನಡೆಗೆ ಕಾರಣವಾದ ಅಂಶಗಳಲ್ಲೊಂದಾಗಿದ್ದು, ಒಳ್ಳೆ ಚಿತ್ರ ಬಂದರೆ ಹೀರೊ ಯಾರೇ ಆದರೂ ಸಿನಿಮಾ ನೋಡುತ್ತಾರೆ ಎನ್ನುತ್ತಾರೆ ಸಿನಿ ರಸಿಕರು.
ಈ ವರ್ಷದ ಮೊದಲಾರ್ಧದಲ್ಲಿ ಅತ್ಯಧಿಕ ಕಲೆಕ್ಷನ್ ಮಾಡಿದ ಕನ್ನಡ ಚಿತ್ರವೆಂದರೆ ಅದು ಶರಣ್ ನಟನೆಯ ಛೂ ಮಂತರ್. ಎರಡನೇ ಸ್ಥಾನದಲ್ಲಿ ವಿನೋದ್ ಪ್ರಭಾಕರ್ ನಟನೆಯ ಮಾದೇವ ಇದ್ದರೆ, ಮೂರನೇ ಸ್ಥಾನದಲ್ಲಿ ಯುದ್ಧಕಾಂಡ ಚಾಪ್ಟರ್ 2 ಇದೆ. ಇನ್ನು ಈ ವರ್ಷ ಕನ್ನಡ ಚಿತ್ರಗಳು ಮಾಡಿದ ಟಾಪ್ 10 ಕನ್ನಡ ಚಿತ್ರಗಳ ಪಟ್ಟಿ ಮುಂದಿದೆ.
- ಛೂ ಮಂತರ್ – 6.45 ಕೋಟಿ ಗ್ರಾಸ್
- ಮಾದೇವ – 6.26 ಕೋಟಿ ಗ್ರಾಸ್
- ಯುದ್ಧಕಾಂಡ ಚಾಪ್ಟರ್ 2 – 5.54 ಕೋಟಿ ಗ್ರಾಸ್
- ವಾಮನ – 3.40 ಕೋಟಿ ಗ್ರಾಸ್
- ಮನದ ಕಡಲು – 1.78 ಕೋಟಿ ಗ್ರಾಸ್
- ಫಾರೆಸ್ಟ್ – 1.63 ಕೋಟಿ ಗ್ರಾಸ್
- ವೀರ ಚಂದ್ರಹಾಸ – 1.62 ಕೋಟಿ ಗ್ರಾಸ್
- ಸಂಜು ವೆಡ್ಸ್ ಗೀತಾ 2 – 1.32 ಕೋಟಿ ಗ್ರಾಸ್
- ರಾಯಲ್ – 1.07 ಕೋಟಿ ಗ್ರಾಸ್
- ಭಗೀರಥ – 1.04 ಕೋಟಿ ಗ್ರಾಸ್
( ಮೂಲ: ಸ್ಯಾಕ್ನಿಕ್ )
ಇಸ್ರೇಲ್ ದಾಳಿಯಿಂದ ಗಾಜಾದಲ್ಲಿ ಮೃತಪಟ್ಟ ಪತ್ರಕರ್ತರೆಷ್ಟು? ಮಾಹಿತಿ ಬಹಿರಂಗ
ಕೃಷಿ ಎಐ ಕನ್ನಡ ವೆಬ್ಸೈಟ್ಗಾಗಿ ಇಲ್ಲಿ ಕ್ಲಿಕ್ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.