ಫ್ರೆಂಡ್‌ಶಿಪ್ ಡೇ ಹಿಂದಿನ ರೋಚಕ ಕಥೆ: ಸ್ನೇಹದಿನ ಆಚರಣೆ ಮೊದಲು ಎಲ್ಲಿ ಶುರುವಾಯಿತು ಗೊತ್ತಾ?

ಸ್ನೇಹವು ನಮ್ಮ ಜೀವನದ ಅತ್ಯುತ್ತಮ ಮತ್ತು ಪ್ರಮುಖ ಸಂಬಂಧಗಳಲ್ಲಿ ಒಂದು. ಕುಟುಂಬದ ಹೊರತಾಗಿ, ಸ್ನೇಹಿತರು ನಮ್ಮ ಬದುಕಿಗೆ ಬಣ್ಣ ತುಂಬುವ, ಬೆಂಬಲ ನೀಡುವ ಮತ್ತು ಆಧಾರವಾಗುವ ಶಕ್ತಿಯಾಗಿರುತ್ತಾರೆ. ಈ ಪವಿತ್ರ ಬಂಧವನ್ನು ಗೌರವಿಸಲು ಮತ್ತು ಆಚರಿಸಲು ಪ್ರತಿ ವರ್ಷ ಆಗಸ್ಟ್ ತಿಂಗಳ ಮೊದಲ ಭಾನುವಾರದಂದು ಸ್ನೇಹಿತರ ದಿನವನ್ನು ಆಚರಿಸಲಾಗುತ್ತದೆ.ನಮ್ಮ ಜೀವನದಲ್ಲಿ ಕಷ್ಟ ಬಂದಾಗ ಅಥವಾ ಖುಷಿಯಾದಾಗ ಮೊದಲು ನೆನಪಾಗುವುದೇ ಸ್ನೇಹಿತರು ಬದುಕಿನಲ್ಲಿ ಯಾವುದೇ ಘಟನೆ ನಡೆದರೂ, ಅದನ್ನು ಮೊದಲು ಹಂಚಿಕೊಳ್ಳುವುದು ಆತ್ಮೀಯ ಸ್ನೇಹಿತರ ಜೊತೆ.ಅವರು ನಮ್ಮ ಸಂತೋಷದಲ್ಲಿ ಮಾತ್ರವಲ್ಲದೆ, ದುಃಖದಲ್ಲೂ ಜೊತೆಯಾಗಿ ನಿಲ್ಲುತ್ತಾರೆ ಈ ಕಾರಣಕ್ಕಾಗಿಯೇ ಸ್ನೇಹವನ್ನು ರಕ್ತ ಸಂಬಂಧಗಳಿಗೂ ಮೀರಿದ ಬಂಧ ಎಂದು ಹೇಳಲಾಗುತ್ತದೆ ಸ್ನೇಹ ಸಂಬಂಧವು ನಿಷ್ಕಲ್ಮಶ ಪ್ರೀತಿ ಮತ್ತು ಪರಸ್ಪರ ನಂಬಿಕೆಯ ಮೇಲೆ ನಿಂತಿರುತ್ತದೆ. ಇದು ನಮ್ಮ ಜೀವನದ ಪ್ರತಿ ಹಂತದಲ್ಲಿಯೂ ಪ್ರಮುಖ ಪಾತ್ರ ವಹಿಸುತ್ತದೆ.

ಆಗಸ್ಟ್ 3, ಭಾನುವಾರ ಭಾರತದಲ್ಲಿ ಸ್ನೇಹಿತರ ದಿನವನ್ನು ಆಚರಿಸಲಾಗುತ್ತಿದೆ. ಪ್ರತಿ ವರ್ಷ ಆಗಸ್ಟ್ ತಿಂಗಳ ಮೊದಲ ಭಾನುವಾರವನ್ನು ಸ್ನೇಹಿತರ ದಿನವನ್ನಾಗಿ ಆಚರಿಸಲಾಗುತ್ತದೆ. ಈ ದಿನವು ಯಾವುದೇ ಧರ್ಮ, ಜಾತಿ, ಭಾಷೆ ಅಥವಾ ದೇಶದ ಗಡಿಗಳಿಲ್ಲದೆ, ಹೃದಯದಿಂದ ಸಂಬಂಧ ಬೆಸೆದಿರುವ ಎಲ್ಲಾ ಸ್ನೇಹಿತರಿಗೆ ಸಮರ್ಪಿತವಾಗಿದೆ.ಸ್ನೇಹದ ದಿನವನ್ನು ಆಚರಿಸುವ ಹಿಂದಿರುವ ಆಶಯವೇ ಸಹಜ ಮಾನವೀಯ ಸಂಬಂಧವನ್ನು ಗೌರವಿಸುವುದು. ಹಲವಾರು ಬಾರಿ, ಸ್ನೇಹಿತರು ನೀಡುವ ಸಹಾಯ, ಪ್ರೀತಿ ಅಥವಾ ಬೆಂಬಲಕ್ಕೆ ನಾವು ತಕ್ಷಣ ಧನ್ಯವಾದ ಹೇಳಲು ಸಾಧ್ಯವಾಗುವುದಿಲ್ಲ. ಆದರೆ ಸ್ನೇಹದ ದಿನದಂತಹ ಸಂದರ್ಭಗಳು, ಆ ಕೃತಜ್ಞತೆಯನ್ನು ವ್ಯಕ್ತಪಡಿಸಲು ಸುವರ್ಣಾವಕಾಶ

ಅಂತಾರಾಷ್ಟ್ರೀಯ ಸ್ನೇಹಿತರ ದಿನದ ಇತಿಹಾಸ

ಅಂತಾರಾಷ್ಟ್ರೀಯ ಸ್ನೇಹಿತರ ದಿನವನ್ನು ಮೊಟ್ಟಮೊದಲ ಬಾರಿಗೆ 1958ರಲ್ಲಿ ಪರಾಗ್ವೆ ದೇಶದಲ್ಲಿ ಆಚರಿಸಲಾಯಿತು. ನಂತರ, ವಿಶ್ವಸಂಸ್ಥೆಯು ಜುಲೈ 30 ಅನ್ನು ಅಧಿಕೃತವಾಗಿ “ಅಂತಾರಾಷ್ಟ್ರೀಯ ಸ್ನೇಹ ದಿನ” ಎಂದು ಘೋಷಿಸಿತು. ಅಂದಿನಿಂದ, ಪ್ರತಿ ವರ್ಷ ಜುಲೈ 30 ರಂದು ಈ ದಿನವನ್ನು ವಿಶ್ವಾದ್ಯಂತ ಆಚರಿಸಲಾಗುತ್ತದೆ.ಸ್ನೇಹದ ದಿನದ ಕಲ್ಪನೆ ಮೊದಲ ಬಾರಿ 1930ರ ದಶಕದಲ್ಲಿ ಅಮೆರಿಕದಲ್ಲಿ ಹುಟ್ಟಿಕೊಂಡಿತು. Hallmark Cards ಕಂಪನಿಯ ಸ್ಥಾಪಕರಾದ ಜಾಯ್ಸ್ ಹಾಲ್ (Joyce Hall) ಅವರು ಜನರು ತಮ್ಮ ಸ್ನೇಹಿತರಿಗೆ ವಿಶೇಷವಾಗಿ ಸ್ನೇಹವನ್ನು ವ್ಯಕ್ತಪಡಿಸಲು ಹಾಗೂ ಕಾರ್ಡ್‌ಗಳನ್ನು ನೀಡಲು ನಿರ್ದಿಷ್ಟ ದಿನವೊಂದನ್ನು ರೂಪಿಸುವ ಕಲ್ಪನೆಯನ್ನು ಮುಂದಿಟ್ಟು, ಇದನ್ನು “Friendship Day” ಎಂದು ಗುರುತಿಸಿದರು. ಈ ದಿನದ ಪ್ರಾರಂಭಿಕ ಉದ್ದೇಶವು ಜನರಿಗೆ ಸಂಬಂಧ ಬಲಪಡಿಸಲು ಅವಕಾಶ ನೀಡುವುದು ಎಂಬುದಾದರೂ, ಇದು ವ್ಯಾಪಾರಿಕ ಉದ್ದೇಶ ಹೊಂದಿದೆ ಎಂಬ ಟೀಕೆಗಳಿಗೂ ಒಳಗಾಯಿತು.ಆದರೂ, ಕಾಲಕ್ರಮೇಣ ಈ ದಿನವು ಜಾಗತಿಕವಾಗಿ ಜನಪ್ರಿಯತೆ ಪಡೆದು, ಹಲವು ದೇಶಗಳಲ್ಲಿ ಸ್ನೇಹದ ಆಚರಣೆಗಾಗಿ ವಿಶಿಷ್ಟವಾದ ದಿನವಾಗಿ ಪರಿಗಣಿಸಲಾಯಿತು. ಯುನೈಟೆಡ್ ನೇಷನ್ಸ್‌ ಕೂಡಾ 2011ರಲ್ಲಿ ಜುಲೈ 30ನೇ ತಾರೀಖನ್ನು ಅಂತರಾಷ್ಟ್ರೀಯ ಸ್ನೇಹದ ದಿನ (International Friendship Day) ಎಂದು ಘೋಷಿಸಿ, ವಿಶ್ವದ ಶಾಂತಿ ಮತ್ತು ಸಹಬಾಳ್ವೆಗಾಗಿ ಸ್ನೇಹದ ಮಹತ್ವವನ್ನು ಒತ್ತಿ ಹೇಳಿತು.

ಸ್ನೇಹಿತರ ದಿನದಂದು ಜನರು ತಮ್ಮ ಸ್ನೇಹಿತರಿಗೆ ಶುಭಾಶಯ ತಿಳಿಸಲು ವಿವಿಧ ವಿಧಾನಗಳನ್ನು ಅನುಸರಿಸುತ್ತಾರೆ. ಮೆಸೇಜ್‌ಗಳು, ಗಿಫ್ಟ್‌ಗಳು, ಮತ್ತು ಕಾರ್ಡ್‌ಗಳನ್ನು ವಿನಿಮಯ ಮಾಡಿಕೊಳ್ಳುತ್ತಾರೆ. ಕೆಲವರು “ಫ್ರೆಂಡ್‌ಶಿಪ್ ಬ್ಯಾಂಡ್” ಕಟ್ಟುವ ಮೂಲಕ ತಮ್ಮ ಸ್ನೇಹ ಬಂಧವನ್ನು ಗಟ್ಟಿಗೊಳಿಸುತ್ತಾರೆ.ಶಾಲಾ ಮತ್ತು ಕಾಲೇಜುಗಳಲ್ಲಿ ಈ ದಿನವನ್ನು ವಿಶೇಷವಾಗಿ ಆಚರಿಸಲಾಗುತ್ತದೆ. ಇತ್ತೀಚಿನ ಡಿಜಿಟಲ್ ಯುಗದಲ್ಲಿ, ಸ್ನೇಹಿತರ ದಿನದ ಸಂದೇಶಗಳು, ಮೀಮ್ಸ್‌, ಫೋಟೋಗಳು, ಮತ್ತು ರೀಲ್ಸ್‌ಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವುದು ಸಾಮಾನ್ಯವಾಗಿದೆ. ಈ ದಿನ, ಹಳೆಯ ಸ್ನೇಹಿತರು ಮತ್ತೆ ಸಂಪರ್ಕಕ್ಕೆ ಬರುವುದು ಮತ್ತು ಸ್ನೇಹ ಸಂಬಂಧಗಳನ್ನು ಬಲಪಡಿಸಿಕೊಳ್ಳಲು ಉತ್ತಮ ಅವಕಾಶ ಒದಗಿಸುತ್ತದೆ.

ನಮ್ಮ ಮೆಟ್ರೋ ಮೂಲಕ ಪ್ರಥಮ ಅಂಗಾಂಗ ಸಾಗಣೆ ಯಶಸ್ವಿ: ವೈದ್ಯಕೀಯ ತುರ್ತು ಸೇವೆಗೆ ಹೊಸ ಹೆಜ್ಜೆ

ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ