ಕೇಂದ್ರ ಸರ್ಕಾರ ಸೋಮವಾರ ಬಿಡುಗಡೆ ಮಾಡಿದ ಅಧಿಕೃತ ದತ್ತಾಂಶದ ಪ್ರಕಾರ, ಭಾರತದ ಸರಕು ಮತ್ತು ಸೇವಾ ತೆರಿಗೆ (GST) ಸಂಗ್ರಹವು ನವೆಂಬರ್‌ನಲ್ಲಿ ಒಂದು ವರ್ಷದ ಕನಿಷ್ಠ ಮಟ್ಟಕ್ಕೆ ಅಂದರೆ ₹ 1.70 ಲಕ್ಷ ಕೋಟಿಗಳಿಗೆ ಇಳಿದಿದೆ. ಕಳೆದ ವರ್ಷದ ಅದೇ ತಿಂಗಳಿಗೆ ಹೋಲಿಸಿದರೆ ಇದು ಕೇವಲ ಶೇ. 0.7 ರಷ್ಟು ಅಲ್ಪ ಬೆಳವಣಿಗೆಯಾಗಿದೆ. ಪಾಪ ಮತ್ತು ಐಷಾರಾಮಿ ಸರಕುಗಳ ಮೇಲಿನ ಸೆಸ್‌ನಿಂದ ಬಂದ ಆದಾಯವನ್ನು ಲೆಕ್ಕಾಚಾರದಿಂದ ಹೊರಗಿಟ್ಟಿದ್ದರಿಂದ ಈ ಕಳಪೆ ಪ್ರದರ್ಶನ ಕಂಡುಬಂದಿದೆ.
ಆರ್ಥಿಕ ತಜ್ಞರ ಪ್ರಕಾರ, ಶೇ. 0.7 ರಷ್ಟು ಬೆಳವಣಿಗೆಯು ಕೋವಿಡ್ ನಂತರದ ಅತ್ಯಂತ ಕನಿಷ್ಠ ಬೆಳವಣಿಗೆಯಾಗಿದೆ. ಅಕ್ಟೋಬರ್‌ನ ಭಾರಿ ಸಂಗ್ರಹ ಹಬ್ಬದ ಆಫರ್‌ಗಳಿಂದ ಆಗಿತ್ತು. ಯಾವುದೇ ‘ಆಫರ್‌’ಗಳಿಲ್ಲದ ನವೆಂಬರ್ ಸಂಗ್ರಹವೇ ನಿಜವಾದ ಪರೀಕ್ಷೆ ಮತ್ತು ಇದುವೇ ಮುಂದಿನ ನೈಜ ಬೆಳವಣಿಗೆಯ ಸಂದೇಶ ರವಾನಿಸಿದೆ.ದೇಶೀಯ ಸರಕುಗಳ ಆದಾಯ ಕಡಿತದಿಂದಾಗಿ ಒಟ್ಟು ಸಂಗ್ರಹ ಕುಸಿದಿದ್ದರೂ, ವಿದೇಶಿ ಆಮದುಗಳಿಂದ ಬಂದ ಜಿಎಸ್‌ಟಿ ಸಂಗ್ರಹ ₹ 45,976 ಕೋಟಿ ಇದ್ದು, ಇದು ಶೇ. 10.2 ರಷ್ಟು ಏರಿಕೆ ಕಂಡಿದೆ.
ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ತಂಬಾಕು ಮತ್ತು ಪಾನ್ ಮಸಾಲಾ ಮೇಲೆ ಹೊಸ ಅಬಕಾರಿ ಸುಂಕ ಮತ್ತು ಸೆಸ್ ವಿಧಿಸಲು ಲೋಕಸಭೆಯಲ್ಲಿ 2 ಮಸೂದೆಗಳನ್ನು ಮಂಡಿಸಿದ್ದಾರೆ.ಈ ವಸ್ತುಗಳನ್ನು ‘ಪಾಪ ಸರಕುಗಳು’ (Sin Goods) ಎಂದು ಕರೆಯಲಾಗುತ್ತದೆ. ಪ್ರಸ್ತುತ ಇವುಗಳ ಮೇಲೆ ಶೇ. 28ರಷ್ಟು ಜಿಎಸ್‌ಟಿ ಮತ್ತು ಪರಿಹಾರ ಸೆಸ್ ಹಾಕಲಾಗುತ್ತಿದೆ.
ಜಿಎಸ್‌ಟಿ ಪರಿಹಾರ ಸೆಸ್ ಅನ್ನು ಅಂತ್ಯಗೊಳಿಸುವುದರಿಂದ ಈ ಸರಕುಗಳ ಬೆಲೆ ಇಳಿಯುವ ಸಾಧ್ಯತೆ ಇತ್ತು. ಇದನ್ನು ತಪ್ಪಿಸಿ, ಆದಾಯವನ್ನು ಸರಿದೂಗಿಸಲು ಮತ್ತು ಬೆಲೆ ಇಳಿಯದಂತೆ ನೋಡಿಕೊಳ್ಳಲು ಹೊಸ ಸುಂಕಗಳನ್ನು (ಉದಾಹರಣೆಗೆ, ಸಿಗರೇಟುಗಳ ಮೇಲೆ ₹ 5,000 ರಿಂದ ₹ 11,000 ವರೆಗೆ ಸುಂಕ) ವಿಧಿಸಲಾಗುತ್ತಿದೆ.
ನವೆಂಬರ್ ಜಿಎಸ್‌ಟಿ ಸಂಗ್ರಹದಲ್ಲಿ ಪ್ರಮುಖ ರಾಜ್ಯಗಳ ಪಾಲು
ನವೆಂಬರ್‌ನಲ್ಲಿ ಸಂಗ್ರಹವಾದ ₹1.70 ಲಕ್ಷ ಕೋಟಿ ಜಿಎಸ್‌ಟಿ (GST)ಯಲ್ಲಿ ಪ್ರಮುಖ ರಾಜ್ಯಗಳ ಕೊಡುಗೆ ಹೀಗಿದೆ:
ರಾಜ್ಯಜಿಎಸ್‌ಟಿ ಸಂಗ್ರಹ (ಕೋಟಿ ರೂ.ಗಳಲ್ಲಿ)ಮಹಾರಾಷ್ಟ್ರ9,923 ಕೋಟಿ ರೂ.ಕರ್ನಾಟಕ3,878 ಕೋಟಿ ರೂ.ಗುಜರಾತ್‌3,825 ಕೋಟಿ ರೂ.ತಮಿಳುನಾಡು3,764 ಕೋಟಿ ರೂ.ಉತ್ತರ ಪ್ರದೇಶ2,664 ಕೋಟಿ ರೂ.
ಯಾವ ತಿಂಗಳು ಎಷ್ಟು ಲಕ್ಷ ಕೋಟಿ ರೂ.?
ಅಕ್ಟೋಬರ್ – 1.96
ಸೆಪ್ಟೆಂಬರ್ -1.89
ಆಗಸ್ಟ್ -1.86
ಜುಲೈ – 1.96
ಜೂನ್ – 1.85
ಮೇ – 2.01
ಏಪ್ರಿಲ್ – 2.37 (ಸಾರ್ವಕಾಲಿಕ ಗರಿಷ್ಠ)
ಮಾರ್ಚ್ – 1.96
ಫೆಬ್ರವರಿ -1.84
ಜನವರಿ – 1.96
ಪಿಎಫ್ (PF) ಖಾತೆಗೆ ಮೊಬೈಲ್ ಸಂಖ್ಯೆ ಲಿಂಕ್ ನವೀಕರಿಸುವ ಸುಲಭ ವಿಧಾನ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.