ಏಷ್ಯಾದ ಅತ್ಯಂತ ಶ್ರೀಮಂತ ಗ್ರಾಮ: ಯಾವುದು ಆ ಗ್ರಾಮ ಅಂತೀರಾ? ವಿವರ ಇಲ್ಲಿದೆ ನೋಡಿ

ಸಾಮಾನ್ಯವಾಗಿ ಹಳ್ಳಿ ಎಂದಾಗ ಹಸಿರು ಹೊಲಗಳು, ಕೆಸರುಮಯ ರಸ್ತೆಗಳು ಮತ್ತು ಸರಳ ಜೀವನಶೈಲಿ ಮನಸ್ಸಿಗೆ ಬರುತ್ತದೆ. ಆದರೆ, ಗುಜರಾತ್‌ನ ಕಚ್ ಜಿಲ್ಲೆಯಲ್ಲಿರುವ ಮಧಾಪರ್ ಗ್ರಾಮವು ಈ ಎಲ್ಲಾ ಕಲ್ಪನೆಗಳನ್ನು ಮೀರಿ ನಿಂತಿದೆ. ಇದನ್ನು ಏಷ್ಯಾದ ಅತ್ಯಂತ ಶ್ರೀಮಂತ ಗ್ರಾಮ ಎಂದು ಗುರುತಿಸಲಾಗಿದೆ. ಈ ಹಳ್ಳಿಯ ಬಹುತೇಕ ಎಲ್ಲ ಕುಟುಂಬಗಳಲ್ಲಿ ಲಕ್ಷಾಧಿಪತಿಗಳು ಅಥವಾ ಕೋಟ್ಯಾಧಿಪತಿಗಳಿದ್ದು, ಅವರ ಸಂಪತ್ತು ಇಡೀ ವಿಶ್ವದ ಗಮನ ಸೆಳೆದಿದೆ.

ಈ ಗ್ರಾಮದಲ್ಲಿ 17 ಬ್ಯಾಂಕ್ ಶಾಖೆಗಳಿವೆ. ಇಲ್ಲಿನ ನಿವಾಸಿಗಳು, ಮುಖ್ಯವಾಗಿ ವಿದೇಶಗಳಲ್ಲಿ ನೆಲೆಸಿರುವ ಕನ್ನಿ ಕುಟುಂಬದವರು, ಈ ಬ್ಯಾಂಕ್‌ಗಳಲ್ಲಿ ಒಟ್ಟು 7,000 ಕೋಟಿ ರೂ. ಗೂ ಹೆಚ್ಚು ಮೊತ್ತದ ಸ್ಥಿರ ಠೇವಣಿಗಳನ್ನು ಇರಿಸಿದ್ದಾರೆ. 92,000 ನಿವಾಸಿಗಳು ಮತ್ತು ಸುಮಾರು 7,600 ಮನೆಗಳನ್ನು ಹೊಂದಿರುವ ಈ ಪುಟ್ಟ ಗ್ರಾಮದ ಆರ್ಥಿಕತೆಯು, ಮಧ್ಯಮ ಗಾತ್ರದ ನಗರವೊಂದರ ಆರ್ಥಿಕತೆಗೆ ಸಮನಾಗಿದೆ. ಈ ಗ್ರಾಮದ ಅನೇಕ ನಿವಾಸಿಗಳು ವಿದೇಶಗಳಲ್ಲಿ, ವಿಶೇಷವಾಗಿ ಬ್ರಿಟನ್, ಯುಎಸ್, ಕೆನಡಾ ಮತ್ತು ಆಫ್ರಿಕಾದಲ್ಲಿ ನೆಲೆಸಿದ್ದಾರೆ. ಅಲ್ಲಿ ಗಳಿಸಿದ ಸಂಪತ್ತನ್ನು ತಮ್ಮ ಗ್ರಾಮದ ಅಭಿವೃದ್ಧಿ ಮತ್ತು ಹೂಡಿಕೆಗಾಗಿ ಇಲ್ಲಿಗೆ ಕಳುಹಿಸುತ್ತಾರೆ.ಮಧಾಪರ್ ಗ್ರಾಮವು ಕೇವಲ ಸಂಪತ್ತಿನಿಂದ ಮಾತ್ರವಲ್ಲದೆ, ಶುದ್ಧ ರಸ್ತೆಗಳು, ಉತ್ತಮ ಶಾಲೆಗಳು, ಆರೋಗ್ಯ ಕೇಂದ್ರಗಳು, ಮತ್ತು ಸುಧಾರಿತ ಸೌಲಭ್ಯಗಳಿಂದಲೂ ಗುರುತಿಸಲ್ಪಟ್ಟಿದೆ. ನಮ್ಮ ದೇಶದ ಈ ಪುಟ್ಟ ಹಳ್ಳಿಯ ಯಶಸ್ಸು, ಜಾಗತಿಕ ಮಟ್ಟದಲ್ಲಿ ಗಮನ ಸೆಳೆದಿದೆ.

ಏಷ್ಯಾದ ಅತ್ಯಂತ ಶ್ರೀಮಂತ ಹಳ್ಳಿ: ಗುಜರಾತ್‌ನ ಭುಜ್‌ ಜಿಲ್ಲೆಯ ಮಧಾಪರ್‌

ಭಾರತದ ಗುಜರಾತ್ ರಾಜ್ಯದ ಭುಜ್ ಜಿಲ್ಲೆಯ ಮಧಾಪರ್ ಹಳ್ಳಿ ಏಷ್ಯಾದ ಅತ್ಯಂತ ಶ್ರೀಮಂತ ಹಳ್ಳಿಗಳಲ್ಲಿ ಒಂದಾಗಿ ಖ್ಯಾತಿಯಾಗಿದೆ. ಈ ಹಳ್ಳಿಯಲ್ಲಿ ಸುಮಾರು 32,000 ಜನರು ವಾಸಿಸುತ್ತಿದ್ದಾರೆ ಮತ್ತು ಇಲ್ಲಿನ ನಿರ್ವಹಣಾ ಠೇವಣಿಗಳ ಮೌಲ್ಯ ₹7,000 ಕೋಟಿ ಹತ್ತಿರವಾಗಿದೆ.

ಮಧಾಪರ್ ಹಳ್ಳಿಯ ಶ್ರೀಮಂತಿಕೆಗೆ ಕಾರಣವಾಗಿರುವುದು ಅಲ್ಲಿನ ಅನಿವಾಸಿಗಳ ಬಂಡವಾಳ. ಅವರು ಪ್ರತಿ ವರ್ಷ ಕೋಟ್ಯಂತರ ರೂಪಾಯಿಗಳನ್ನು ಸ್ಥಳೀಯ ಬ್ಯಾಂಕುಗಳು ಮತ್ತು ಅಂಚೆ ಕಚೇರಿಗಳಲ್ಲಿ ಠೇವಣಿ ಮಾಡುತ್ತಾರೆ, ಇದರಿಂದ ಉತ್ತಮ ಬಡ್ಡಿ ಆದಾಯ ಹೊಂದಿದ್ದಾರೆ. ಸುಮಾರು 20,000 ಮನೆಗಳನ್ನು ಹೊಂದಿರುವ ಈ ಹಳ್ಳಿ ಪಟೇಲ್ ಸಮುದಾಯಕ್ಕೆ ಸೇರಿದವು.

ಮಧಾಪರ್ ಹಳ್ಳಿಯಲ್ಲಿ ಹಳೆ-ಹೊಸ, ಖಾಸಗಿ ಮತ್ತು ಸಾರ್ವಜನಿಕ ಬ್ಯಾಂಕುಗಳ ಒಟ್ಟು 17 ಶಾಖೆಗಳಿವೆ. ಹೀಗಾಗಿ, ಎಚ್‌ಡಿಎಫ್‌ಸಿ, ಎಸ್‌ಬಿಐ, ಪಿಎನ್‌ಬಿ, ಆಕ್ಸಿಸ್, ಐಸಿಐಸಿಐ, ಯೂನಿಯನ್ ಬ್ಯಾಂಕ್‌ಗಳು ಇಲ್ಲಿ ಸಕ್ರಿಯವಾಗಿವೆ. ಇನ್ನು ಅನೇಕ ಇತರ ಬ್ಯಾಂಕುಗಳು ಸಹ ಶಾಖೆ ತೆರೆಯಲು ಆಸಕ್ತಿ ತೋರಿಸುತ್ತಿವೆ.

ಗುಜರಾತ್ ದೇಶದ ಪ್ರಮುಖ ವ್ಯಾಪಾರ ಕೇಂದ್ರವಾಗಿದ್ದು, ಹೆಚ್ಚಿನ ಉದ್ಯಮಿಗಳು ಇಲ್ಲಿ ಹುಟ್ಟಿಕೊಂಡಿದ್ದಾರೆ. ಆದರೆ ಮಧಾಪರ್ ಹಳ್ಳಿ ಅದರಲ್ಲೂ ವಿಶೇಷವಾಗಿ ಹಣಕಾಸು ಕ್ಷೇತ್ರದಲ್ಲಿ ತನ್ನ ವಿಶಿಷ್ಟ ಸ್ಥಾನ ಹೊಂದಿದೆ. ಕಚ್ ಜಿಲ್ಲೆಯ ಭುಜ್ ಪ್ರದೇಶದ ಈ ಹಳ್ಳಿ ₹7,000 ಕೋಟಿ ಮೌಲ್ಯದ ಸ್ಥಿರ ಠೇವಣಿಗಳನ್ನು ಹೊಂದಿರುವುದರಿಂದ, ಏಷ್ಯಾದ ಅತ್ಯಂತ ಶ್ರೀಮಂತ ಹಳ್ಳಿ ಎಂದು ಪರಿಗಣಿಸಲಾಗಿದೆ.

ಧರ್ಮಸ್ಥಳ ನಿಗೂಢ ಸಾವಿನ ಪ್ರಕರಣ: ತನಿಖೆ ಅಂತಿಮ ಹಂತದಲ್ಲಿ, ದಿನವೂ ಲಕ್ಷಾಂತರ ವೆಚ್ಚ