ಬೆಂಗಳೂರು ;ಸೂಪರ್‌ಸ್ಟಾರ್ ರಜನಿಕಾಂತ್ ಅವರ ಬಹುನಿರೀಕ್ಷಿತ ‘ಕೂಲಿ’ ಸಿನಿಮಾ ಆಗಸ್ಟ್ 14ರಂದು ವಿಶ್ವಾದ್ಯಂತ ಬಿಡುಗಡೆಯಾಗಿ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸಿದೆ. ಈ ಚಿತ್ರದ ಬಿಡುಗಡೆಯನ್ನು ದಕ್ಷಿಣ ಭಾರತದಾದ್ಯಂತ ಅಭಿಮಾನಿಗಳು ಸಂಭ್ರಮದಿಂದ ಸ್ವಾಗತಿಸಿದ್ದಾರೆ,ರಜನಿಕಾಂತ್ ನಟನೆಯ ಬಹುನಿರೀಕ್ಷಿತ ‘ಕೂಲಿ’ ಸಿನಿಮಾ ವಿಶ್ವಾದ್ಯಂತ ಬಿಡುಗಡೆಯಾಗಿ ಮಿಶ್ರ ಪ್ರತಿಕ್ರಿಯೆಗಳನ್ನು ಪಡೆಯುತ್ತಿದೆ. ಮೊದಲ ದಿನ ಹೆಚ್ಚಿನೆಡೆ ಹೌಸ್‌ಫುಲ್ ಪ್ರದರ್ಶನ ಕಂಡ ಈ ಚಿತ್ರವು, ವಿಶ್ವಾದ್ಯಂತ ಅಂದಾಜು ₹130 ಕೋಟಿ ಗಳಿಸಿದೆ.
ಭಾರತದಲ್ಲಿ ಮಾತ್ರವೇ ಸುಮಾರು ₹53 ಕೋಟಿ ಕಲೆಕ್ಷನ್ ದಾಖಲಾಗಿದ್ದು, ಕರ್ನಾಟಕದಲ್ಲೂ ಮೊದಲ ದಿನ ಕೂಲಿ ಅರ್ಭಟ ಜೋರಾಗಿಯೇ ಇತ್ತು. ಟಿಕೆಟ್ ದರ ಗಗನಕ್ಕೇರಿದ್ದರೂ, ಅಭಿಮಾನಿಗಳು ಫಸ್ಟ್‌ ಡೇ ಫಸ್ಟ್‌ ಶೋ ನೋಡಲು ಉತ್ಸಾಹದಿಂದ ಸಾಲಿನಲ್ಲಿ ನಿಂತಿದ್ದರು. ಚೆನ್ನೈಯಲ್ಲಿ ಗರಿಷ್ಠ ₹4,500 ಮತ್ತು ಬೆಂಗಳೂರಿನಲ್ಲಿ ₹2,500ವರೆಗೆ ಟಿಕೆಟ್ ದರ ಏರಿದ್ದರೂ, ಎಲ್ಲಾ ಟಿಕೆಟ್‌ಗಳೂ ಸೋಲ್ಡೌಟ್ ಆಗಿದ್ದವು.
ಬೆಂಗಳೂರಿನಲ್ಲಿ 905ಕ್ಕೂ ಹೆಚ್ಚು ಶೋಗಳು, ರಾಜ್ಯಾದ್ಯಂತ 1,800ಕ್ಕೂ ಅಧಿಕ ಪ್ರದರ್ಶನಗಳು ನಡೆದಿದ್ದು, ಕರ್ನಾಟಕದಲ್ಲಿ ಮಾತ್ರವೇ ಮೊದಲ ದಿನ ₹10 ಕೋಟಿಗಳಷ್ಟು ಕಲೆಕ್ಷನ್ ಕಂಡಿದೆ. ಆದರೆ ಮುಂಜಾನೆಯ ಉತ್ಸಾಹ ಸಂಜೆ ವೇಳೆಗೆ ಸ್ವಲ್ಪ ಕುಸಿತ ಕಂಡಿದ್ದು, ನೆಗೆಟಿವ್ ಪ್ರತಿಕ್ರಿಯೆಗಳ ಕಾರಣ ಶುಕ್ರವಾರದ ಬುಕ್ಕಿಂಗ್‌ಗಳಲ್ಲಿ ಇಳಿಕೆಯಾಗಿದೆ.
ಹಿಂದೆ ದಳಪತಿ ವಿಜಯ್ ನಟನೆಯ ‘ಲಿಯೋ’ ಸಿನಿಮಾ ಮೊದಲ ದಿನ ₹140 ಕೋಟಿ ಗಳಿಕೆ ದಾಖಲಿಸಿದ್ದರೆ, ಕೂಲಿ ₹130 ಕೋಟಿಯಲ್ಲಿ ತೃಪ್ತಿ ಪಟ್ಟುಕೊಂಡಿದೆ. ಆದರೂ, ಆಗಸ್ಟ್ 14ರಂದು ಬಿಡುಗಡೆಯಾದ ‘ಕೂಲಿ’ ಭಾರತದಲ್ಲೇ ಮೊದಲ ದಿನ ₹55.36 ಕೋಟಿ ಗಳಿಸಿ, ರಜನಿಕಾಂತ್ ಅವರ ಹಿಂದಿನ ‘ಜೈಲರ್’ ಚಿತ್ರದ ದಾಖಲೆಯನ್ನು ಮೀರಿಸಿದೆ.
ಎಸ್‌ಐಟಿ ಮುಂದೆ 13 ವರ್ಷದ ಹಿಂದಿನ ಕೇಸ್: ಧರ್ಮಸ್ಥಳಕ್ಕೆ ತೆರಳಿದ್ದ ಯುವತಿ ನಾಪತ್ತೆ, ಸಹೋದರನಿಂದ ದೂರು
ಕೃಷಿ ಎಐ ಕನ್ನಡ ವೆಬ್‌ಸೈಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.