ಭಾರತದ ಪ್ರಸಿದ್ಧ ಜಿಲೇಬಿಗೆ ಇಂಗ್ಲಿಷ್‌ನಲ್ಲಿ ಏನೆಂದು ಕರೆಯುತ್ತಾರೆ? ಬಹುತೇಕರಿಗೆ ಗೊತ್ತಿಲ್ಲದ ಹೆಸರು!

ಜಿಲೇಬಿಯು ಭಾರತದ ಸಾಂಸ್ಕೃತಿಕ ಪರಂಪರೆಯಲ್ಲಿ ಅಳಿಸಲಾಗದ ಸ್ಥಾನ ಪಡೆದ ಸಿಹಿತಿಂಡಿ. ಇದು ಕೇವಲ ಡೆಸರ್ಟ್ ಮಾತ್ರವಲ್ಲ, ಸಂತೋಷ, ಹಬ್ಬ, ಸಂಪ್ರದಾಯ ಮತ್ತು ಸಮಾರಂಭಗಳ ಸಂಕೇತ. ಹಬ್ಬಗಳು, ವಿವಾಹಗಳು, ಧಾರ್ಮಿಕ ಆಚರಣೆಗಳು ಯಾವ ಸಂದರ್ಭವಾದರೂ ಜಿಲೇಬಿ ಇದೆ ಎಂದರೆ ಅದೊಂದು ವಿಶೇಷತೆ. ಪ್ರತಿ ವರ್ಷ ಜುಲೈ 30ರಂದು ‘ವಿಶ್ವ ಜಿಲೇಬಿ ದಿನ’ (World Jalebi Day) ಆಚರಿಸಲಾಗುವುದು ಕೂಡ!

ಭಾರತದಾದ್ಯಂತ ಅತ್ಯಂತ ಪ್ರೀತಿಯ ಸಿಹಿಗಳಲ್ಲಿ ಒಂದಾದ ಜಿಲೇಬಿ, ತುಪ್ಪದಲ್ಲಿ ಕರಿದು ಸಕ್ಕರೆ ಪಾಕದಲ್ಲಿ ಮುದಿಸಿದಾಗ ಸಿಗುವ ಸ್ವರ್ಗೀಯ ರುಚಿಯಿಂದ ಎಲ್ಲರನ್ನೂ ಮೋಡಿ ಮಾಡುತ್ತದೆ. ಜಿಲೇಬಿಗೆ ‘ಜಹಾಂಗೀರ’ ಎಂಬ ಮತ್ತೊಂದು ಹೆಸರು ಇದ್ದರೂ, ಇದರ ಇಂಗ್ಲಿಷ್ ಹೆಸರು ಬಹುತೇಕರಿಗೆ ತಿಳಿದಿಲ್ಲ. ಹೊರಗೆ ಗರಿಗರಿ, ಒಳಗೆ ರಸಭರಿತ ಈ ಗುಣಗಳೇ ಜಿಲೇಬಿಯನ್ನು ಭಾರತೀಯರ ಹೃದಯದಲ್ಲಿ ವಿಶೇಷ ಸ್ಥಾನದಲ್ಲಿರಿಸುತ್ತವೆ.

ಜಿಲೇಬಿಯ ಇತಿಹಾಸ

ಜಿಲೇಬಿಯನ್ನು ಬಹಳವರು ಮೂಲಭೂತ ಭಾರತೀಯ ಸಿಹಿ ಎಂದು ನಂಬಿದರೂ, ಇದರ ಮೂಲ ಪಶ್ಚಿಮ ಏಷ್ಯಾ. ಮೊದಲಿನಲ್ಲಿ ‘ಝುಲಾಬಿಯಾ’ (Zulabiya) ಅಥವಾ ‘ಝಲಾಬಿಯಾ’ (Zalabiya) ಎಂದು ಕರೆಯಲಾಗುತ್ತಿದ್ದ ಇದು ಮಧ್ಯಯುಗದಲ್ಲಿ ಅರಬ್ ಮತ್ತು ಪರ್ಷಿಯನ್ ವ್ಯಾಪಾರಿಗಳ ಮೂಲಕ ಭಾರತಕ್ಕೆ ಬಂದಿತು. ನಂತರ ಭಾರತೀಯ ಅಡುಗೆ ಪದ್ಧತಿಗೆ ಹೊಂದಿಕೊಂಡು ತನ್ನದೇ ಆದ ವಿಶಿಷ್ಟ ರೂಪವನ್ನು ಪಡೆದುಕೊಂಡಿತು. ಇಂದು ಇದು ಭಾರತದಲ್ಲಿ ಎಷ್ಟು ಬೆರೆತು ಹೋಗಿದೆಯೋ ಅಷ್ಟೇ ಮೂಲಭೂತ ಭಾರತೀಯ ಸಿಹಿಯಂತೆ ಕಾಣುತ್ತದೆ.

ಜಿಲೇಬಿಯ ಹೆಸರು ಪ್ರತಿಯೊಬ್ಬರಿಗೂ ಚಿರಪರಿಚಿತ, ಆದರೆ ಅದರ ಇಂಗ್ಲಿಷ್ ಸಮಾನಾರ್ಥಕ ಪದ ನಿಮಗೆ ತಿಳಿದಿದೆಯೇ? ಜಿಲೇಬಿಯನ್ನು ಇಂಗ್ಲಿಷ್‌ನಲ್ಲಿ ನೇರವಾಗಿ ಭಾಷಾಂತರಿಸುವುದು ಕಷ್ಟವಾದರೂ, ಅದರ ಆಕಾರ ಮತ್ತು ತಯಾರಿಕೆಯ ಆಧಾರದ ಮೇಲೆ ಇದನ್ನು ‘ಸ್ವೀಟ್ ಪ್ರೆಟ್ಜೆಲ್’ (Sweet Pretzel) ಅಥವಾ ‘ಕಾಯಿಲ್ಡ್ ಫನಲ್ ಕೇಕ್’ (Coiled Funnel Cake) ಎಂದು ಕರೆಯಲಾಗುತ್ತದೆ.

ಕೆಲವರು ಇದನ್ನು ಸರಳವಾಗಿ ‘ಇಂಡಿಯನ್ ಸಿರಪ್-ಕೋಟೆಡ್ ಡೆಸರ್ಟ್’ (Indian Syrup-Coated Dessert) ಎಂದೂ ಗುರುತಿಸುತ್ತಾರೆ. ಇದರ ಹೊರಭಾಗದ ಗರಿಗರಿತನ ಮತ್ತು ಒಳಗಿನ ರಸಭರಿತವಾದ ಸಿಹಿ ಪಾಕದ ವಿಶಿಷ್ಟ ಸಂಯೋಜನೆಯೇ ಇದನ್ನು ಜಾಗತಿಕವಾಗಿ ಅನನ್ಯವಾಗಿಸಿದೆ.

ಜಿಲೇಬಿಯು ಹೊರಗೆ ಗರಿಗರಿ (Crispy) ಮತ್ತು ಒಳಗೆ ರಸಭರಿತವಾಗಿ (Juicy) ಇರುತ್ತದೆ. ಬಾಯಲ್ಲಿಟ್ಟಾಗ ಸಕ್ಕರೆ ಪಾಕದ ರಸ ಸ್ಫೋಟಗೊಂಡ ಅನುಭವ ನೀಡುತ್ತದೆ. ಇದನ್ನು ಬಿಸಿಯಾಗಿ, ಸಾಮಾನ್ಯವಾಗಿ ರಾಬ್ರಿ (Rabri), ಐಸ್ ಕ್ರೀಮ್ ಅಥವಾ ಮೊಸರಿನೊಂದಿಗೆ ಸವಿಯಲು ಇಷ್ಟಪಡುತ್ತಾರೆ.

ಇದು ಎಲ್ಲಾ ವಯಸ್ಸಿನವರ ನೆಚ್ಚಿನ ಸಿಹಿಯಾಗಿದೆ.ಉತ್ತರ ಭಾರತದಾದ್ಯಂತ ತಯಾರಿಸಲಾಗಿದ್ದರೂ, ಜಬಲ್‌ಪುರದ ಖೋವಾ ಜಿಲೇಬಿ ಮತ್ತು ಮಥುರಾದ ಆಲೂ ಜಿಲೇಬಿ ವಿಶೇಷವಾಗಿ ಪ್ರಸಿದ್ಧವಾಗಿವೆ. ರಾಜಸ್ಥಾನದ ಭರತ್‌ಪುರದ ಜಿಲೇಬಿಯೂ ಸಹ ರುಚಿಕರವಾಗಿರುತ್ತದೆ.

ಪರ್ಸನಲ್ ಲೋನ್ ತೆಗೆದುಕೊಳ್ಳುವಾಗ ತಪ್ಪದೇ ಗಮನಿಸಬೇಕಾದ 6 ಪ್ರಮುಖ ಅಂಶಗಳು