ನಾಳೆಯಿಂದ (ಫೆಬ್ರವರಿ 19) ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಆರಂಭವಾಗಲಿದ್ದು, ಉದ್ಘಾಟನಾ ಪಂದ್ಯದಲ್ಲಿ ಪಾಕಿಸ್ತಾನ ಹಾಗೂ ನ್ಯೂಜಿಲೆಂಡ್ ತಂಡಗಳು ಮುಖಾಮುಖಿಯಾಗಲಿವೆ.
ಇನ್ನು ಈ ಬಾರಿಯ ಚಾಂಪಿಯನ್ಸ್ ಟ್ರೋಫಿಯ ಆತಿಥ್ಯವನ್ನು ಪಾಕಿಸ್ತಾನ ವಹಿಸಿಕೊಂಡಿದ್ದು, ಎಂದಿನಂತೆ ಈ ಟೂರ್ನಿಗೂ ಸಹ ಭದ್ರತೆಯ ಕಾರಣವನ್ನು ನೀಡಿ ಪಾಕ್ಗೆ ತೆರಳುವುದಿಲ್ಲ ಎಂಬ ನಿಲುವನ್ನು ಭಾರತ ತಂಡ ತೆಗೆದುಕೊಂಡಿತು.
ಹಲವು ಚರ್ಚೆ ಹಾಗೂ ವಾದ ವಿವಾದಗಳ ಬಳಿಕ ಅಂತಿಮವಾಗಿ ಹ್ರೈಬ್ರಿಡ್ ಮಾದರಿಯಲ್ಲಿ ಚಾಂಪಿಯನ್ಸ್ ಟ್ರೋಫಿ ನಡೆಸಲು ತೀರ್ಮಾನಿಸಲಾಯಿತು. ಭಾರತದ ಪಂದ್ಯಗಳನ್ನು ದುಬೈನಲ್ಲಿ ನಡೆಸಿ ಉಳಿದೆಲ್ಲಾ ತಂಡಗಳ ಪಂದ್ಯಗಳನ್ನು ಪಾಕಿಸ್ತಾನದಲ್ಲಿ ನಡೆಸಲು ನಿರ್ಧರಿಸಲಾಯಿತು.
ಇಷ್ಟೆಲ್ಲಾ ಹೈಡ್ರಾಮಾಗಳ ಬಳಿಕ ಚಾಂಪಿಯನ್ಸ್ ಟ್ರೋಫಿಗೆ ಟೀಮ್ ಇಂಡಿಯಾ ಬಳಸುವ ಜೆರ್ಸಿಯಲ್ಲಿ ಟ್ರೋಫಿ ಆತಿಥ್ಯ ವಹಿಸುವ ಪಾಕಿಸ್ತಾನದ ಹೆಸರನ್ನು ಹಾಕಿಕೊಳ್ಳವುದಿಲ್ಲ ಎಂದೂ ಸಹ ವರದಿಯಾಗಿತ್ತು. ಆದರೆ ಇದೀಗ ಚಾಂಪಿಯನ್ಸ್ ಟ್ರೋಫಿಗೆ ಭಾರತ ತಂಡದ ಜೆರ್ಸಿ ಅನಾವರಣಗೊಂಡಿದ್ದು, ಜೆರ್ಸಿಯ ಬಲಭಾಗದಲ್ಲಿ ಚಾಂಪಿಯನ್ಸ್ ಟ್ರೋಫಿ ಲೋಗೊ ಕೆಳಗೆ ಪಾಕಿಸ್ತಾನದ ಹೆಸರನ್ನು ಮುದ್ರಿಸಲಾಗಿದೆ.
ಸದ್ಯ ಈ ಫೊಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಚರ್ಚೆಗಳು ಏರ್ಪಟ್ಟಿವೆ.
Discover more from ಕರುನಾಡ ಸುದ್ದಿ - ಅತ್ಯುತ್ತಮ ಕನ್ನಡ ಸುದ್ದಿಗಳಿಗಾಗಿ
Subscribe to get the latest posts sent to your email.